Danieli 1:17 - Wunta Mempori

¹⁷ A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 1:17 Iomraidhean Croise

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

2 Tawarika 1:10

Kanandio-andio Ipowee akumo pande mompewowolo ka ponto'ori, ka kupokompo'angga gagi petewawado tongku andio, hangano isemake anu polio gagi puu mpobitara a bawaa-Miu anu langkai andio?”

2 Tawarika 1:12

Onaemo pu'uno pande mompewowolo ka ponto'ori Aku weeakomu. Aku koa moweeakomu mbo'u pompoli, arataa ka marambaa anu nahi hori hina a luwuno mokole se'eluno omue ka nahi ta hina a luwuno mokole umarino omue.”

2 Tawarika 26:5

Onae umungke Ira Ue Ala tempono i Sakaria da tuuwu anu paguruo ka idoitoako Ira Ue Ala. Tempono i'ungke Ira i Ue, Ondae Ue Ala weweuo mehasili.

Ayubi 32:8

Sine penaa anu i larono mia, ka penaa-Do Anu Tedoa Pabawa, onaemo anu moweeakono ponto'ori.

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Puu Pontutulu 2:26

Hangano, a mia anu Dopekonoo Dopoweeakono ponto'ori ka mawongko, sine mia tehala Dotenao ka ipopumpu ka mohowu hapa-hapa anu lembuino asalakono iweeakono mia anu Dopekonoo Ue Ala. Ndio mbo'u nahina tuduno ka perokuhi mobuani angi.

Yesaya 28:26

Onae pinaguruomo mongkona anu lineleoako atuu, ka Ondae Ue Alano moweeakono pontiso.

Yehesikieli 28:3

Menteeano ponto'orimu anu mentee lumaloio ponto'ori menteeno i Danieli; nahina rahasia anu tetutuwi ndi omue.

Danieli 1:18

A pokotompaano tempo anu pinakosido mokole ka domewinawa mpe'aro, ondae dowawa ira petewawado pegawai langkanae atuu i arono i Nebukanesa.

Danieli 1:20

A laro luwuakoano anu mongkere pinewowolo molino ka ponto'ori, anu pinesikenoakodo mokole ndi ondae, ihaweo nine pandedo lalua pempulu sekonopo luwuno anu pande mebali-bali mata ka luwuno anu pande mobasa-basa a luwuno poparentaano.

Danieli 1:4

Ondae atuudo mia mongura anu nahina tataado, tekosi koroido, mokonto'orio mperupa-rupa ponto'ori, hadio ponto'orido, hinao ponto'orido mongkona pepaguru, ka pande mpo'angga a laro langkanaedo mokole. Ira mempinaguru mpoburi ka paudo to Kasidimi.

Danieli 10:1

A nta'u ko'otolu poparentaano i Koresi, mokoledo to Peresia, asa pau pinokomengkaa ndi Danieli anu nineeako i Beletasasari. Pau atuu mentee ka mongkona petea anu langkai. Onae mokonto'orio pau atuu ka ponto'orino atuu ihaweo a laro pongkita atuu.

Danieli 2:19

Ka i'amba rahasia atuu pinopoto'oriako i Danieli a laro asa pongkita wongi. I Danieli mbo'u umunde-unde Ira Ue Alano asa wawo langi.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 2:23

Oo Ue Alado uempu'uku, ku'unde-unde Komiu ka melangkai Komiu. Hangano, Omiu moweeakune ponto'ori anu mentee ka roso, ka kanandio-andio Ipauakunemo hapa anu kime'emao ndi Omiu, ka pauakami pinemasusado mokole.”

Danieli 2:30

Kanatuumo ongkue, rahasia atuu pinosabaomo ndi ongkue, komba hangano ponto'ori mentee anu kongko ndi ongkue lumaloio ponto'ori mentee a luwuno mia anu tuwu, sine ka ipinau pengkonaano ndi omiu ueku mokole, ka ito'orio luwuno pinewowolomiu ueku.

Danieli 4:6

Moluarako akumo parenta a luwuno mia anu pande mosongka i Babeli ka domewinawa mpe'aro ndi ongkue, ka domempauakune pengkonaano mo'ipi atuu.

Danieli 5:14

Kurongeomo mongkona omue, nine omue bukeako penaado pinesombai, ka nine ndi omue hinao pompokomengkaa, pinewowolo molino ka ponto'ori mentee anu nahi kana mehano.

Danieli 7:1

A nta'u amba-ambano poparentaano i Belesiasari, mokoledo to Babeli, mo'ipiomo i Danieli ka mohawe pongkita a mpoturiano. Ka i'amba burio mo'ipino atuu ka ndiomo tutuluno.

Danieli 8:1

A nta'u ko'otolu poparentaano mokole Belesiasari, tengkitaomo ndi ongkue, i Danieli, asa pongkita umarino anu tengkita ndi ongkue se'eluno atuu.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

WINEWEUDO TINENA 6:10

sine nahi dompoko'ewaio ponto'orino ka Penaa anu tumenao ka ipepau.

WINEWEUDO TINENA 7:10

ka motolao inso a luwuno pompokonsii ka mehohawao pompehohawa ka ponto'ori, tempono ipe'aro ndi Pirao, mokoledo to Masiri. I Pirao motoroo gagi pabawaio wita Masiri ka a luwuno langkanaeno.

WINEWEUDO TINENA 7:22

Ka i Musa pinaguru a luwuno ponto'orido to Masiri, ka onae pabawa a mpepauno ka wineweuno.

KOLOSE 1:9

Onaemo pu'uno mompu'u tempono kimerongeo, nahi kimpenaa-naa mpekakaiakomiu. Kime'emao, ka imentarimao mperupa-rupa ponto'ori anu mentee, ka imento'orio koa ntu'u po'ehe-Do i Ue,

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.