Danieli 1:1 - Wunta Mempori

¹ A nta'u ko'otolu poparentaano i Yoyakimi, mokoledo to Yehuda, haweomo i Nebukanesa, mokoledo to Babeli, i Yerusale ka kumaduo kota atuu.

Danieli 1:1 Iomraidhean Croise

2 Mokole 23:36

Tinuwuno i Yoyakimi rua pulu ka olima nta'u tempono igagi mokole ka hopulu ka asa nta'u tehineno ipoparenta i Yerusale. Neeno ineno i Sebuda anano i Pedaya inso i kota Ruma.

2 Mokole 24:13

I Nebukanesa lumuarakono inso i ra'ai luwuno anu pinekaria a raha-Do i Ue ka anu pinekaria a langkanaeno mokole. Ilangkoo mbo'u wulaa inso a luwuno parewa wulaa anu wineweuno i Salomo mokole i Isaraeli, i raha-Do i Ue kana anu Dopauomo i Ue.

Yesaya 39:7

Asa ntia inso a inulemu anu ta hinawemu ira me'inala gagi pegawai langkanaeno mokole i Babeli.”

Yeremia 25:1

Pau anu hawe ndi Yeremia mongkona luwuno to Yehuda a nta'u ko'opaa poparentaano i Yoyakimi ana ntamano i Yosia, mokoledo to Yehuda, onaemo a nta'u amba-ambano poparentaano i Nebukanesa, mokole i Babeli.

Yeremia 35:1

Pau inso ndi Ondae i Ue anu hawe ndi Yeremia i tempono i Yoyakimi, ana ntamano i Yosia, mokoledo to Yehuda, kanandio,

Yeremia 35:11

Sine tempono i Nebukanesa, mokole i Babeli, aiwa sumapoio wita andio, mpotae kami: Aiwa tompolai melako i Yerusale, hangano sorodadudo to Kasidimi ka sorodadudo to Arami atuu! Kanatuumo kimpo'ia i Yerusale.”

Yeremia 36:1

A nta'u ko'opaa poparentaano i Yoyakimi ana ntamano i Yosia, mokoledo to Yehuda, haweomo pau andio ndi Yeremia inso ndi Ondae i Ue, kanandio,

Yeremia 45:1

Pau anu pinohaweno Nabi Yeremia ndi Baruki anano i Neria, tempono ta'u ko'opaa poparentaano i Yoyaki anano i Yosia, mokoledo to Yehuda, i Baruki burio pau a asa wunta, rumongeo inso a ngangano i Yeremia,

Yeremia 50:1

Pau anu pinohawe-Do i Ue molalo Nabi Yeremia mongkona Babeli, witado to Kasidimi,

Yeremia 52:12

A ntanggala hopulu wula ko'olima, ta'u kohopulu ka osio poparentaano i Nebukanesa, mokole i Babeli, haweomo i Yerusale i Nebusaradani, petewawa sorodadu podagai mokole, anu mekakaakono mokole i Babeli.

Yeremia 52:28

Ndiomo hadiono palili anu winawano i Nebusaradani a pontadia: A nta'u ko'opitu, tolu nsowu rua pulu ka otolu to Yehuda;

Danieli 5:13

Ka i'amba i Danieli winawa me'aro ndi ondae mokole. Mesikenoomo mokole ndi Danieli, ”Omueke i Danieli atuu, asa mia i olodo mia mentinadi anu winawado mokole, amaku, inso i wita Yehuda?