Ayubi 4:3 - Wunta Mempori

³ Menteeano, hadioomo mia pinagurumu, ka kae anu molema upokorosoomo;

Ayubi 4:3 Iomraidhean Croise

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

Esera 6:22

Domporame-rameakono oleo langkai Roti Nahi Peragi, memawongkoa ira opitu oleo tehineno hangano Ondae i Ue mokomawongko ira. Ondae i Ue balio aroano mokole i wita Asuri ka ipokowali ira anggaano mpowangua Raha-Do Ue Ala, Ue Alado to Isaraeli.

Ayubi 16:5

Aku mokorosoakomiu ngangaku, ka nahi aku umontoo wiwiku ka ipontarero.

Ayubi 29:11

Tewala biri moronge mongkona ongkue, ipauo ongkue me'ura; ka tewala mata mongkita, onae gagi sakosiiku.

Ayubi 29:15

Ongkue gagi matano mia morawu, ka karuno mia pungku.

Ayubi 29:16

Ongkue gagi amano mia mongkokolaro, ka kara-karado mia anu nahi kuto'orio, kupepenteeo.

Ayubi 29:21

Mia mpesisikori ira mperorongeakune, ondae mperodo-rodo mperorongeakono patuduku.

Ayubi 4:4

mia anu tedonta waliomo tinandeako paumu, ka olontuu anu nami moroso upokorosoomo.

Powadi 10:21

Wiwino mia mentee mompakambi hadio mia, sine mia benge-benge mate hangano nahi pompewowolo molino.

Powadi 15:7

Wiwino mia pande mosongka morawo ponto'oria, sine aroano mia monge-monge komba kanatuu.

Powadi 16:21

Mia anu aroano pande mosongka pinau hinao ponto'orino, ka pepau anu mo'ahi ta lalu pine'ala-ala.

Yesaya 35:3

Pokorosoomo kae anu molema ka pokorosoomo olontuu anu leedu.

Yesaya 50:4

Ondae Ue Ala Dopoweeakunemo elono asa mia ana guru, kai butu pau kupolio moweeakono roso mia anu telusa molema. Mo'oru me'eu mo'oru Dopokomontasoo porongeku ka kuporonge kana asa ana guru.

Yehesikieli 13:22

Hangano omiu mpokomolemaakono pegaupi aroano mia mentee, sekono Ongkue nahi Kupokomasusao aroano, ka tendeano ipokomoteao aroano mia mosa'o gauno, onaemo ka nahi tepidi inso a mpeleluno anu mosa'o gauno atuu, ka impo'ineeo ka ituwu,

Sepanya 3:16

Ia oleo atuu ta pinau ndi Yerusale, ”Siimo doito, hei Sioni! Si po'ineeo kaemu molema.

I LUKASI 22:32

sine Kupekakaiakomumo, ka si bali pompe'ala-alamu. Ka omue, tewala upokonto'oriomo, pokoroso iramo pepaekompomu.”

I LUKASI 22:43

Ka aasa mala'eka inso i langi mepopokita ndi Ondae mokoroso Ira.

EPESU 4:29

Si hina pau anu mokoburu inso a wiwimiu, sine impepauakomo pau anu moiko anu mompokoroso, ba isua ikinere, ka dompohawe pompehohawa mia anu merongeo.

Winali 3:28

Weeakonomo parenta ndi Yosua saru pokorosoo ka pokomoleoo aroano, hangano onaemo anu ta mesakiako i arodo tongku andio ka onaemo anu ta wawa ira ranta ka dompe'ueo wita anu ta kinitamu atuu.”

KOLOSE 4:6

Po'ineeomo luwuno paumiu ka ibukeako koa mpiha pompehohawa, si motewe, ranta ka imento'orio, ba kana'umpe asalakono imesangki ira mia.

IBARANI 12:12

Onaemo pu'uno pokorosoomo kae anu molema ka olontuu anu leedu;