Ayubi 1:3 - Wunta Mempori

³ Onae hinao bawaa bembe bimbano pitu nsowu, unta tolu nsowu, sapi lima nsowu pasa, kalide waino lima etu ka tedoa hadio atano. Onae mia anu lalua mompoli i olodo luwuno mia i sabaano oleo.

Ayubi 1:3 Iomraidhean Croise

Tegagia 12:16

I Pirao tumotowoo moiko i Burama hangano beine atuu. I Burama mohawe asa bawaa bembe bimba, sapi, kalide lakino, ata tama ka beine, kalide waino ka unta.

Tegagia 12:5

I Burama wawao i Sarai, beineno, i Lo'oti, anano pepaekompono, ka luwuno arataa anu pinumpudo ka luwuno mia anu hinawedo i kota Harani. Ondae mpelungka melako i wita Kana'a, ka do'amba mehawe i ra'ai.

Tegagia 13:6

Sine wita atuu nahi tasompo po'iangado meronga-ronga, hangano arataado tedoa hadio, onaemo pu'uno nahi dopokompo'ia meronga-ronga.

Tegagia 24:35

Ondae i Ue tedoa rumonso ira ueku atuu, ranta ka dogagi kaea. Ondae i Ue moweeako ira asa bawaa bembe bimba ka sapi, wulaa, ka salaka, ata tama ka beine, unta ka kalide.

Tegagia 25:6

sine a luwuno anano anu hinaweno inso a luwuno beine mongurano, ipoweeako ira ihi ngkae. Ka i'amba tempono onae da tuwu, itena ira melako inso i arono i Saki, anano, i sabaano oleo, i Wita Sabaano oleo.

Tegagia 29:1

Ka i'amba melungkaomo i Yako inso i tu'ai lumako i witado to sabaano oleo.

Tegagia 32:14

rua etu bembe waino ka rua pulu bembe lakino, rua etu bimba waino ka rua pulu bimba lakino,

Tegagia 34:23

Arataa, ka luwuno pinotuwudo, kombake luwuno atuu ta gagi ontae mpe'ueo? Po'ineeomo koa tome'induo po'emado, ka dokongko mpo'ia i oloto.”

2 Samueli 12:2

Anu mompoli tedoa hadio bembe bimba, ka sapino.

1 Mokole 4:30

Pandeno mompewowolo i Salomo, ilaloi pandedo mpopewowolo luwuno mia i Sabaano Oleo ka lumaloio luwuno pandedo mpopewowolo to Masiri.

2 Mokole 15:20

I Menahemi mopotembiako ira doi andio a nto Isaraeli, a luwuno mia anu mompoli ka anu pinelangkai, sompo mia lima pulu sikala salaka anu ta wineeako ndi mokole i Asuri. Ka i'amba mokole i Asuri mekule ka nahi po'ia i ra'ai, i wita atuu.

2 Mokole 3:4

I Mesa, mokole i Moabi, onaemo asa mia puu mpopekaria bimba. Onae mo'owahi peki'ue ndi mokoledo to Isaraeli asa etu nsowu ana bimba ka wuluno inso a asa etu nsowu bimba lakino.

1 Tawarika 27:30

Anu dumagaio luwuno unta onaemo i Obili, to Sumaila; anu dumagaio luwuno kalide waino onaemo i Yehadeia, to Meronoti.

2 Tawarika 26:10

Iwangu ira mbo'u menara i pada one ka mongkeke hadio sumuru, hangano hadio pinotuwuno, moiko a Lembono maupo a wita Mantandeano. Onae hinao puu mpelereno ka puu mpodagaino lere anggoro, a luwuno torukuno ka wita anu mewalo, hangano i'ineheno mepinopaho.

2 Tawarika 32:29

Iwangu ira kota, mohawe hadio bawaa bembe bimba ka sapi, hangano Ondae Ue Ala moweeakono arataa anu hadio ntu'u.

Ayubi 1:10

Kombake Omiu anu moweweu wala lumimbuo ka somborino saru luwuno anu pine'ueno? Hapa anu inanggano Ironsoomo ka hapa anu pine'ueno koteti-tetiangino i wita atuu.

Ayubi 1:4

Luwuno anano anu tama wela ira mpe'eu-eu mpoweweu gawe i rahado asa mia ka asa mia ka otolu ira pepaekompodo beine me'inolu mpongkaa ka mpo'inu meronga ondae.

Ayubi 21:28

Impotae: Isua rahano anu pabawa? Isua kema po'iangado mia mosa'o gaudo?

Ayubi 29:25

Ongkue tumantuio salado ka mentoro gagi petewawa; ongkue mentoro a ngkadera poparentaa kana mokole i tonga-tongano puu mpetea, kana asa mia tumarero ira anu mpo'inombo.”

Ayubi 31:25

tewala kupo'undeakono langkaino pompoliku ka hangano kaeku mohawe arataa anu hadio ntu'u;

Ayubi 31:37

Sompo pelempaku aku pauako Ira, gagi mia pinemota'u aku me'aro ndi Ondae.

Ayubi 42:10

Ondae i Ue mokomoikoo teweweuno i Ayubi mansano mekakaiako ira sambe'eno. Ondae i Ue weeakono i Ayubi luwuno pine'ueno i ndi'ipua hawe meluka mpendua.

Ayubi 42:12

Ondae i Ue rumonsoo i Ayubi a laro ntumuwuno lembuino laluaopo sekono tuwuno anu i ndi'ipua. Onae mohawe hopulu ka opaa nsowu bembe bimba, nomo nsowu unta, asa nsowu pasa sapi, ka asa nsowu kalide waino.

Powadi 10:22

Poronso-Domo i Ue anu mompokogagi kaea, pe'isei nahi ta tumiangio.

Yeremia 49:28

Mongkona Kedari ka luwuno poparentaano Hasori anu ninangino i Nebukanesa, mokole i Babeli. Kanandiomo pau-Do i Ue, ”Lakomo sapoio Kedari, pepate iramo mia te'alaako i sabaano oleo!

Podoaa 23:7

Ka i'amba i Bilea pauo powadino, ipotae, ”Inso i Arami itena aku i Bala, mokole i Moabi, inso a luwuno torukuno i sabaano oleo: Aiwamo, ipotae, totonaakunemo i Yako, ka aiwamo, totonaaomo i Isaraeli.

Puu Mpobitara 6:3

Ba me'umari iramo to Isaraeli mpopaho, me'aiwa iramo to Midia, to Amale ka mia anu nte'inso ia sabaano oleo, melako sumapoi ira.

Puu Mpobitara 6:5

Mia atuudo me'aiwa saru pinotuwu ka kemado kana kosume anu tedoa hadio. Hadiodo saru untado nahi pinoko doa. Hawedo i wita atuu ira mpokoropu ira.

Puu Mpobitara 7:12

To Midia, to Amale ka luwudo mia anu te'inso i sabaano oleo atuu tesiarawo ira i lembono, kana kosume hadiono, ka untado nahi pinokodoa, kana one i wiwi ntahi hadiono.

Puu Mpobitara 8:10

Kontongaano atuu i Sebaha ka i Salamuna kongko i Karakoro saru bara'ura hopulu ka olima nsowu sorodadudo, luwuno sorodadu anu da mentuwu, luwuno mia inso a sabaano oleo. Sorodadu anu memate asa etu ka rua pulu nsowu mia, luwuno mpeponai.

1 Samueli 25:2

Tempo atuu hinao asa mia tama i Maoni, anu hinao pompakambiano pinotuwu i Karameli. Mia atuu tedoa kaea, bimbano tolu nsowu ka bembeno asa nsowu. Onae kongko i Karameli tempono pogontia wulu bimbano.

1 Samueli 27:9

Tewala ipongko'alao i Daudi asa wita ipepate ira luwu tama, maupo beine. Irontu ira asa bawaa bembe bimba, sapi, kalide, unta ka sangka ka do'amba mpekule ndi mokole Akisi.