2 Mokole 9:17 - Wunta Mempori

¹⁷ Tempono puu mpodagai anu kontongaano mentade a menara i Yisire'eli, kumitao bawaano i Yehu aiwa, mebooliomo, ”Kukitao asa bawaa.” Motae i Yorami, ”Alaomo asa mia puu mpesawi a ngara, tenaomo tepohaweako ira kai pesikeno: Saru tinoo mesintuwu ke andio?”

2 Mokole 9:17 Iomraidhean Croise

2 Samueli 13:34

I Abisalo molai. Tempono mia anu tekonai medaga mengkikita, ikitaomo hadio mia mehawe inso i Horonai ihorino pongku wita.

2 Samueli 18:24

Tempo atuu i Daudi tekonai mentoro i olono orua pewowa langkai, kontongaano puu mpodagai mewuatako i wawono pewowa langkai, a benteno kota. Mansano mengkikita, tengkitaomo asa mia aiwa melulu asa-asano.

1 Mokole 2:15

Ipotae mbo'u, ”Omiumo isa'a tumo'orio, nine ongkuemo anu tekona mentorokio pentoroano mokole ka nine luwudo to Isaraeli mpomperorohi kai ongkue gagi mokole. Sine pentoroano mokole melimbaomo ndi uaiku, hangano inso ndi Ondae i Ue ihaweo.

2 Mokole 7:14

Ka do'amba me'alao orua kareta saru ngarano. Ondae mokole tumena ira ka dotonda bungku ira sorodadudo to Arami, ka dopotae, ”Imelakomo mengkitao!”

2 Mokole 9:11

Mansano meluarako i Yehu tepohaweako ira luwuno pegawaido ueno, asa mia motaeakono, ”Nde luwuno moi-moiko koa? Tembio mia mekombe atuu kai aiwa ndi omiu?” Isangki ira, ”Mia atuu lano imento'orio ka pepauno mondeenomo koa!”

2 Mokole 9:16

Ka i'amba i Yehu me'ula a ngkareta ka ilako i Yisire'eli, hangano i Yorami tepombole i ra'ai ka i Ahasia, mokole i Yehuda, aiwa kumitao i Yorami.

2 Mokole 9:18

Puu pesawi ngara atuu lumako tepohaweakono i Yehu ka ipotae, ”Kanandiomo pesikenodo mokole: Saru tinoo mesintuwu ke andio?” Sumangki i Yehu, ”Hapake orusuamu saru mesintuwu? Petondamo i bungkuku!” Ka i'amba puu mpodagai mohaweo, ”Mia tinena haweomo ndi ondae, sine nahi pekule.”

2 Mokole 9:19

Ondae mokole montena puu mpesawi a ngara anu ko'orua. Sahaweno ndi ondae ipotae, ”Kanandiomo pesikenodo mokole: Saru tinoo moiko ke andio?” Sumangki i Yehu, ”Hapa orusuamu saru mesintuwu? Petondamo i bungkuku!”

Yesaya 56:10

Hangano, luwuno anu mpodagai a bawaa-Ku onaemo mia memorawu, luwudo nahi domponto'ori hapa-hapa; luwu dahu mebebe, nahi domponto'ori mpohopa; ondae mpepombole, mpenoro-noro, ka moturi koa inehedo;

Yesaya 62:6

A wawo rere watumu, hei Yerusale, Kunaa iramo puu mpopadaso. I larono asa oleo ka asa wongi, ondae nahi ira hori mperodo-rodo. Hei omiu anu mpebooli mopoto'oriako Ira i Ue, siimo impenoro-noro

1 Samueli 16:4

Iweweuo i Semueli menunu kana pau-Do i Ue. Mansano hawe i Beteleme, mpondende ira mia mota'u mentotowoo, ka dompotae, ”Hawemiu andio, nde mowawa komiu moikoa?”

1 Samueli 17:22

I Daudi meweengakono luwuno sangkado a ngkaeno puu podagai sangka ka ipelulu tetutu a baresi. Kohaweno i ra'ai mesikeno a pepaekompono mongkona teweweudo.