2 Mokole 8:6 - Wunta Mempori

⁶ Tempono dopesikeno mokole a beine atuu, itutuluako ira. Ka do'amba mokole montenaakono beine atuu asa mia anu langkai potorono saru pe'oliwi, ”Pokuleomo luwuno anuno ka luwuno hasilino lere atuu mompu'u ibintao wita andio ranta kanandio-andio.”

2 Mokole 8:6 Iomraidhean Croise

Tegagia 37:36

Kontongaano atuu i Yusupu dome'asao to Midia atuu i Masiri, ndi Potipa, asa mia langkai potorono ndi Pirao, petewawado anu mpodagai mokole.

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

2 Mokole 8:5

Kontongaano tumutuluako ira mokole mongkona i Elisa anu motuwuo nana'ote anu mate atuu, haweomo beine anu anano pinotuwuno atuu pauo ndi ondae mokole mongkona raha ka lereno. Motaeomo i Gehasi, ”Oo ueku mokole! Onaemo andio beine atuu ka onaemo andio anano anu pinotuwuno i Elisa.”

2 Mokole 8:7

I Elisa lumako i Damasi. I tempo atuu i Benihada, mokoledo to Arami, kontongaano mahaki. Pinauako ira mokole, ”Tetenaa-Do Ue Ala haweomo i ndi'ai.”

2 Mokole 9:32

Itandeo i Yehu rupano te'aro a pentangoa atuu ka ipotae, ”Isema me'alaako ndi ongkue? Isema?” Hinao orua ke otolu mia pegawai langkanae mengkita te'aro ndi onae.

1 Tawarika 28:1

I Daudi pumpu ira luwu anu langkai potorodo a nto Isaraeli i Yerusale, onaemo luwuno petewawa suku, luwuno petewawa bawaano luwuno mia anu mpekakaako ira mokole, luwuno petewawa sorodadu asa nsowu ka petewawa sorodadu asa etu, luwuno mbo'u puu mpo'atora arataa saru pinotuwudo mokole ka luwuno anado; saru mbo'u luwuno pegawai langkanae, luwuno sorodadu anu langkai potorono ka luwuno puu mpetea anu moroso ka mosia.

Powadi 16:7

Tewala Dopemoikoo i Ue pesalaano asa mia, maupo iwalino mia atuu Dopokosintuwuo saru onae.

Powadi 21:1

Aroano mokole kana waaano uwoi a laro ngkae-Do i Ue, Dopowaao isuamo koa inehe-Do.

Winali 22:2

Tewala pepaekompomiu atuu nahi umpeda po'iangano inso ndi omiu ka nahi mento'orio, asalakono pinotuwu atuu imewawao i rahamiu. Pinotuwu atuu asalakono ka ipo'ia ndi omiu, ranta ka ihawe pepaekompomiu atuu umungkeo, ka impokuleakono.

Puu Mpobitara 11:13

Sumangki mokole inuledo to Amoni a mia tinenano i Yepeta, ”To Isaraeli merontuo witaku, te'inso a Koro Aranoni hawe a Koro Yaboko ka Koro Yarade, i tempono dompeluarako inso i Masiri. Kanandio, pokuleomo luwuno atuu temoiko ka sihina teposisalaa.”