2 Mokole 8:4 - Wunta Mempori

⁴ Ondae mokole kontongaano mepau ndi Gehasi, atano tetenaa-Do Ue Ala atuu, ipotae, ”Tutuluakunemo luwuno wineweu langkai anu wineweuno i Elisa.”

2 Mokole 8:4 Iomraidhean Croise

2 Mokole 2:14

I'alao lemba meloeno i Elia anu tedontaomo atuu, ipesepiakono a wawo uwoi kai pebooli, ”Isua Komiu ke Ue Alano i Elia?” Tempono ipesepiakono a wawo uwoi, uwoi atuu tetia i apano anu asa ka i apano anu susua, ka i'amba mesakiakoomo i Elisa.

2 Mokole 2:24

Onae ka ipewolili i bungkuno ka mansano kumita ira, itotonaa ira a nee-Do i Ue. Ka i'amba meluarakoomo orua berua inso a ntobu, ka i'amba doberi-berio pato pulu ka orua ira nana'ote inso ndi ondae.

2 Mokole 4:12

Ka i'amba motae ndi Gehasi, atano, ”Poboiomo beine i Sunemi atuu.” Ka i'amba i Gehasi moboio, ka beine atuu mentade i arono.

2 Mokole 4:25

Kanandiomo ilako beine atuu tepohaweakono tetenaa-Do Ue Ala i Torukuno Karameli. Mansano kumitao inso olai, motaeomo tetenaa-Do Ue Ala ndi Gehasi, atano, ”Kitao, onae atuu beine i Sunemi!

2 Mokole 5:14

Ka i'amba metii mokuuo koroino pepitu a laro ngkoro Yarade, menunu saru pauno tetenaa-Do Ue Ala atuu. Koroino wali moiko kana koroino asa nana'ote kodei ka gagiomo tompa.

2 Mokole 6:32

Kontongaano atuu i Elisa tekonai mentoro i rahano, ka luwuno mia memota'u mpentoro saru onae. Mokole montenaomo mia melempa mese'elungio. Sine napi hawe mia tinena atuu ndi Elisa, i Elisa mepauomo a luwuno mia memota'u atuu, ”Imento'orio koa ke nine puu mpopepate atuu montena mia kai poleo uluku? Impetangkoromo, tewala hawe mia tinena atuu, imentondoo pewowa ka ime'onsoio saru mengkorahakono pewowa atuu. Kombake terongeomo unino pelempano ueno i bungkuno?”

2 Mokole 6:6

Motae tetenaa-Do Ue Ala, ”Isua tedontaano?” Ka i'amba mia atuu tumisoakono po'iangano. I Elisa mompole keu ka ipetadiakono i tu'ai. Mata uase atuu iweweuo loonto.

2 Mokole 7:1

Motae i Elisa, ”Rongeomo pau-Do i Ue. Kanandiomo pau-Do i Ue: Tisomo bara'ura tempo kanandio asa seahi tarigu moiko ntu'u me'oli asa sikala ka orua seahi jelai me'oli asa sikala a mpewowa langkai Samaria.”

2 Mokole 7:10

Melako ira, ka do'amba mpebooli a puu mpodagai pewowa langkai kota ka mentutuluako ira luwuno mia atuu, dompotae, ”Mpewinso kamimo a mpekemaado to Arami. Mengkaaomo nahina maupo te'asa mia i ra'ai ka nahi teronge pepauno mia. Butu hinao ngara ka kalide anu tetanggo. Maupo luwuno kema domansa mebintao.”

2 Mokole 7:3

Opaa mia anu mahaki ngkuli mongkokongiri kongko i arono pewowa pewinsoa a mpewowa langkai. Mpepau ira pada ondaedo, ”Hapa tuduno tompentoro-ntoro i ndi'ai ranta mate?

2 Mokole 8:3

Mansano telalo opitu nta'u atuu, beine atuu mekule inso i witado to Pelisiti. Onae lumako pauo ndi ondae mokole mongkona raha ka lereno.

I MATIU 2:8

Ka i'amba tumena ira melako i Beteleme, ipotae, ”Imelakomo ka ipepenteeo ntu'u, mongkona nana'ote atuu ka tewala imehaweomo impompari-pari mempaua kune ka ku'aiwa ngkuda mesombai Ira.”

I LUKASI 23:8

Tempono i Herode kumita Ira i Yesu, onae tedoa mo'unde. Hangano tehineomo ta mingki kumita Ira, hangano mararu irongeo mongkona Ondae, metiangi mbo'u pomperorohino ta kumitao kana'umpe Dopoweweu i Yesu aasa petondoni.

I LUKASI 9:9

Sine motae i Herode, ”I Yohane ku'impahiomo uluno. Isema tokoa Ondae andio, anu leleno weweu ira mongkona anu kanandio?” Ka i'amba mo'ungke sala ka ipokontepohaweako Ira i Yesu.

I YOHANE 9:27

Sumangki mia atuu, ”Kupauakomiumo, ka nahi imperorongeakono; tembio ka imingki merongeo mbo'u? Bara'ura mingki komiu megagi mbo'u ana guru-Do?”

WINEWEUDO TINENA 24:24

Ka mansano ba opia oleo haweomo i Pelikisi meronga saru kombiano i Durusila, aasa to Yahudi; onae metena moboio i Paulu, ka i'amba rumongeo inso ndi onae mongkona pompe'ala-ala ndi Ondae i Yesu Kerisituu.