2 Mokole 8:19 - Wunta Mempori

¹⁹ Maupo kanandio, nahi Dobehe i Ue rumopuo Yehuda hangano i Daudi, tetenaa-Do, menunu saru dandi-Do ndi Daudi, nine Ira tumeahakono langano pelita ndi onae ka ana'ueno ranta nahina tampulaano.

2 Mokole 8:19 Iomraidhean Croise

2 Samueli 21:17

Sine i Abisai anano i Seruya aiwa tumulungio i Daudi, isapoio to Pelisiti atuu ka ipepateo. I tempo atuu luwuno miano i Daudi tedoa mpo'ema ndi onae, ”Siimo mbo'u ilako metea saru omami, kasi ropu inuledo to Isaraeli.”

2 Samueli 7:15

Sine pompehohawa-Ku nahi ta olai te'inso ndi onae, kana anu Kupoko'olaiomo inso ndi Saulu, anu Kuliahakonomo inso i aromu.

2 Samueli 7:16

Inulemu ka poparentaamu ta moroso ranta nahina tampulaano i aro-Ku, kadera poparentaamu ta moroso ranta nahina tampulaano.”

1 Mokole 11:12

Sine, tempono da tuwuko andio nahi Aku weweuo hangano i Daudi, amamu; inso a ngkaedomo anamu Aku kumansao.

1 Mokole 11:13

Sine, nahi ta luwuno poparentaa atuu Aku Kumansao. Asa suku Aku weeko, hangano tetenaa-Ku i Daudi, ka hangano Yerusale anu Kubinikiomo.”

1 Mokole 11:36

Ndi anano Aku weeakono asa suku, kaihina mpiha inuleno tetenaa-Ku i Daudi i aro-Ku i Yerusale, kota anu Kubinikio kai po'ia nee-Ku i ra'ai.

2 Mokole 11:2

Sine i Yoseba, ana beineno mokole Yorami, pepaekompono beine i Ahasia, umalao i Yoasi anano i Ahasia, mewuni-wuni iwawao inso i olodo anado mokole anu ta pinepate atuu. Onae ka anu mekakaakono inaa ira a bolongko poturia, iwunio inso ndi Atalia, ranta onae nahi pinepate.

2 Mokole 19:34

Aku walao kota andio kumaduduio, hangano Ongkue ka hangano i Daudi tetenaa-Ku.”

2 Tawarika 21:7

Maupo kanandio, nahi Dobehe i Ue rumopuo somborino i Daudi, hangano pedandia anu winutu-Do saru i Daudi, menunu saru dandi-Do, nine Ira tumeahakono langano pelita ndi onae ka ana'ueno ranta nahina tampulaano.

Po'unde-unde 132:10

Hangano i Daudi, tetenaa-Miu, Itarima iramo mia anu inurapi-Miu!

Po'unde-unde 132:17

I ra'aimo Aku motuwuo asa tandu rosono i Daudi, Aku patindao asa hulu tiano mia anu inurapi-Ku.

Yesaya 37:35

Aku walao kota andio ka itekadudui, hangano Ongkue ka hangano i Daudi, tetenaa-Ku.”

Yesaya 7:14

Onaemo pu'uno, Ondaemo i Ue anu Ira weeakomu asa petondoni: Menteeano, beine mongura atuu mentia ka ta me'anaakono asa ana ntama, ka nineeako i Imanueli.

Hosea 11:9

Nahi Aku motiio tekuda-Ku anu tensila, nahi ta sinolangi mbo'u i Eparai. Hangano Ongkue andio Ue Ala komba mia, anu mempori i tonga-tongamiu, ka nahi Aku hawe a laro ntekuda.