2 Mokole 8:12 - Wunta Mempori

¹² Motae i Hasaeli, ”Tembio ueku kai pengese?” Sumangki i Elisa, ”Hangano kuto'orio mokoburua anu ta wineweumu a nto Isaraeli: kotano anu mebente kosumongkoo, mia mongurano komepateakono ponai, nana'ote anu da kodei kopisikio ka beine anu mentia kobonsio.”

2 Mokole 8:12 Iomraidhean Croise

1 Mokole 18:13

Nahi ipinauako ke ueku hapa anu kuweweuomo tempono i Isebeli mepate ira nabi-Do i Ue, kana'umpe kuwuni ira asa etu mia nabi-Do i Ue a laro kunepo, lima pulu mia asa bawaa ka mompatindaako ira kaanga ka inuado?

1 Mokole 19:17

Isema anu tola inso a mponaino i Hasaeli, i Yesu anu ta mepateo. Isema anu tola inso a mponaino i Yehu, i Elisa anu ta mepateo.

2 Mokole 12:17

I tempo atuu i Hasaeli, mokoledo to Arami, lumako meteaakono kota Gati ka iponko'alao. Ka i'amba i Hasaeli montoo sumapoio Yerusale.

2 Mokole 12:18

Sine i Yoasi, mokoledo to Yehuda, umalao luwuno pesomba mempori anu ipokomemporiomo i Yosapa, i Yorami ka i Ahasia, luwuno mokoledo to Yehuda, luwuno uempu'uno ka luwuno pesomba memporino onaeno, luwuno mbo'u wulaa anu ninaa a mpopekariaa arataa a raha-Do i Ue ka a langkanaedo mokole, ka i'amba umoliwio luwu ndi Hasaeli, mokoledo to Arami. I Hasaeli nahi gagi sumapoio Yerusale.

2 Mokole 13:22

I Hasaeli, mokoledo to Arami mokonsii ira to Isaraeli tempono ituwu i Yoahasi.

2 Mokole 13:3

Ka tekuda-Do i Ue tensilaomo a nto Isaraeli, ka Dopeweengako ira a ngkaeno i Hasaeli, mokoledo to Arami ka a ngkaeno i Benihada, anano i hasaeli, mapa ta'u-ta'u tehineno.

2 Mokole 13:7

Hangano nami hina mbo'u tebinta sorodadu ndi Yoahasi, sangkadio lima pulu sorodadu mpengara, hopulu kareta ka hopulu nsowu sorodadu mpelempa ngkaru, hangano mokoledo to Arami mokoropu iramo ka ilolanda ira kana awuno ponsesaa.

2 Mokole 15:16

Ia tempo atuu mompu'u inso i kota Tiresa, i Menahemi sumapoio kota Tiresa ka luwuno mia anu kongko i larono saru witano, hangano kota atuu nahi inungkahiako. Iropuo kota atuu ka ibonsio luwuno beine anu mentia.

2 Mokole 4:28

Ka i'amba motae beine atuu, ”Nde mo'ema aku asa ana ntama ndi omiu ueku? Kombake kupauomo, siimo ipopo'oo aku?”

Yesaya 13:16

Nana'ote kodeido ira mempinirego i arono matado, luwuno rahado ta merinontu ka kombiado ira mempinewowaliako.

Yesaya 13:18

Luwuno panado ta sumiarawo ira mia mongura; ondae nahi ira mpehohawao anadalo, matado mongkita nana'ote nahina pompehohawa.

Hosea 10:14

ka marisuako peteaa ta me'umbaako i olono tongkumu, ka luwuno bentemu ta rinawo-rawo kana i Salamani rumawo-rawoo Beti-Arabeli a oleo peteaa, tempono luwuno ine saru nana'ote pinerego.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Amosi 1:13

Kanandiomo pau-Do i Ue, ”Hangano otolu wineweuno inuleno i Amoni anu mosa'o, ke opaa, nahi Aku balio pomputusi-Ku. Hangano ondae mpobonsi kompodo beine mentia i Gileadi ira mpokomaluao witado,

Nahumi 3:10

Sine onae isa'a ta mewinso a pontadia, lumako kana mia tinawa. Luwuno nana'otedo mbo'u ta pinirego a tompano luwuno sala; a luwuno mia pinemota'uno tinende undi, ka luwuno anu langkai potorono pinonguako rante.