2 Mokole 8:1 - Wunta Mempori

¹ I Elisa mepauomo a beine, anu anano wali pinokotuwuno, ipotae, ”Pompakalemo ka lakomo saru somborimu ka po'iamo a mpo'ianga ba isua upokompo'ia mpiha gagi mia hawe, hangano Ondae i Ue mompotii Iramo mokoninggoa, ka ta umaluo wita andio opitu nta'u tehineno.”

2 Mokole 8:1 Iomraidhean Croise

Tegagia 12:10

Tempono hinao mokoninggoa i wita atuu, i Burama lumako i Masiri ta mo'ia i ra'ai gagi mia hawe, hangano mokoninggoa i wita atuu mongkokodoito.

Tegagia 26:1

Gagiomo mokoninggoa i wita atuu, susua mbo'u mokoninggoa amba-ambano anu gagiomo tempono i Burahima. Onaemo pu'uno i Saki ka ilako i Gerari, ndi Abimele, mokoledo to Pelisiti.

Tegagia 41:25

Ka i'amba motae i Yusupu ndi Pirao, ”Orua mo'ipimiu atuu ueku Pirao mengkena koa. Dopauomo Ue Ala ndi omiu ueku Pirao hapa anu Ira weweuo.

Tegagia 41:32

Hawe pendua mo'ipi atuu iwinali ndi omiu ueku Pirao pengkonaano mongkona atuu Dopakosiomo Ue Ala ka Ondae Ue Ala Ira ronga mokogagio.

Tegagia 41:54

mompu'uomo hawe opitu nta'u mokoninggoa, kana anu pinauno i Yusupu. I asa wawo wita gagi mokoninggoa, sine a luwuno wita Masiri hinao roti.

Tegagia 47:4

Mpotae ira mbo'u ndi Pirao, ”Omami me'aiwa mpo'ia i wita andio gagi mia mehawe, hangano nahina mbo'u ewo pada kaangado bawaano pinotuwumami atamiu andio ka hangano mongkokongirino mokoninggoa atuu i wita Kana'a. Kanandio-andio i'ehe kamimo atamiu andio mpo'ia mpiha i wita Gose.”

2 Samueli 21:1

Tempono poparentaano i Daudi gagiomo mokoninggoa otolu nta'u metonda-tonda tehineno, ka i'amba i Daudi lumako mompesikenoako pontiso-Do i Ue. Mepau Iramo i Ue, ”Mongkona pasua rea hinao ndi Saulu ka somborino, hangano ipepate iramo to Gibeo.”

2 Samueli 24:13

Ka i'amba i Gadi aiwa ndi Daudi ka ipauakono, ipotae, ”Nde opitu nta'u mokoninggoa ta umaluko i witamu, ke otolu wula upolai inso a iwalimu anu lumuluko, ke otolu oleo hakilele i witamu? Kanandio-andio, timbangaomo temoiko ntu'u, sangki hapa anu asalakono kupohaweo ndi Ondae anu tumena aku.”

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

1 Mokole 18:2

Ka i'amba lumako i Elia mepopokita ndi Ahabi. Tempo atuu mokoninggoa mongkokongiri mbo'u i Samaria.

2 Mokole 4:18

Nana'ote atuu gagi langkai. I asa oleo onae meluarako tepohaweakono amano i olodo mia mensowi.

2 Mokole 4:36

Ka i'amba i Elisa moboio i Gehasi ka ipotae, ”Poboiomo beine Sunemi atuu!” Onaemo kai poboio. Mansano hawe beine atuu ndi onae, motae i Elisa, ”Tandeomo anamu andio!”

2 Mokole 4:38

I Elisa mekule i Giliga i tempono hinao mokoninggoa i wita atuu. Tempono bawaado nabi mpentoro i arono, ipotaeakono atano, ”Naaomo kawali anu langkai a wawono api ka nahuomo kaanga tiado bawaado nabi andio!”

2 Mokole 7:20

Kanandiomo anu gagi a mia atuu: Onae mate domelolandao palili a mpewowa langkai.

2 Mokole 8:2

Beine atuu mompakale ka iweweuo menunu saru pinauno tetenaa-Do Ue Ala atuu. Onae lumako saru somborino ka ipo'ia gagi mia hawe i witado to Pelisiti opitu nta'u tehineno.

Po'unde-unde 105:16

Tempono Dopompotii mokoninggoa i wita atuu, ka sumolangio luwuno pepatinda kaanga,

Po'unde-unde 107:34

wita anu mewalo gagi pada mopa'i, hangano mia anu mpo'iangario mpoweweu anu mosa'o.

Yeremia 25:29

Hangano menteeano a ngkota anu nineeako montonda nee-Ku, Aku mompu'u motiio masolaa. Nde komiu mentolake inso a mpohuku? Nahi komiu mentola inso a mpohuku, hangano Aku mompotii ponai a luwuno palilino tolino, kanandiomo pau-Do Ueno luwuakoano.

Imama 26:26

Tewala Kupokotampulao kaanga pinatindamu, manasa hopulu beine ta montunu roti i larono asa pontunua. Ira mempokuleo rotimu montonda ponsa'u pinakosi, ka komiu mpongkaa, sine nahi memowohi.

Amosi 4:6

”Maupo hanganomo Ongkue ka imorina ngisimiu nahina kaanga i luwuno kotamiu ka imemakuraako roti i luwuno po'iangamiu, kongkomiu nahi mpepokule ndi Ongkue,” kanandiomo pau-Do i Ue.

Hagai 1:11

Kupoboio motu'i-tu'ia ka ihawe a wawo wita, a luwuno torukuno, a gandu, a anggoro, a lana, a luwuno hasilino wita, a mia ka a mpinotuwu saru a luwuno pe'i'iseino kaemu.”

I LUKASI 21:11

ka ta gagi lelu anu meroku ntu'u ka a sompo po'ianga ta hina haki lele ka mokoninggoa ka ta gagi mbo'u mperupa-rupa anu mompokotededengke ka luwuno petondoni anu mongkokongiri inso i langi.

I LUKASI 21:22

hangano onaemo atuu tempo pombaloa nde ta inihii luwuno anu binuri.

I LUKASI 4:25

Ka Kupauakomiu, ka pinau-Ku andio mentee. Tempono i Elia hadio hinawe tuwu beine i Isaraeli tempono itepii langi i larono otolu nta'u ka onoo wula ka tempono mokoninggoa langkai anu umaluo asa wawo wita.

WINEWEUDO TINENA 11:28

Asa mia inso ndi ondae anu meneeako i Agabu mentade ka hangano pabawa-Do Penaa ipauo, nine asa wawontolino ta umaluo mokoninggoa langkai. Anu kanatuu gagi koa mbo'u a tempono i Kalaudiu.

Ruti 1:1

I tempono puu mpobitara mpoparenta ia nto Isaraeli, i witado to Isaraeli hinao mokoninggoa. Lumakoomo asa mia inso i Beteleme-Yehuda, saru kombiano ka orua ira anado pada tama lumako i wita to Moabi ira mpo'ia i ra'ai kana mia mehawe.