2 Mokole 7:6 - Wunta Mempori

⁶ Doweweu iramo i Ue sorodadudo to Arami atuu ka domporonge unino kareta, ngara ka bawaa sorodadu anu hadio, ranta ka dompepau pada ondaedo, ”Kitao, mokoledo to Isaraeli itambo iramo mokoledo to Heti ka luwuno mokoledo to Misiraimi umewai kita, ka domensapoi kita.”

2 Mokole 7:6 Iomraidhean Croise

2 Samueli 10:6

Inuleno i Amoni dompokonto'orio nine tedoa do'o'aliako ira i Daudi, inuleno i Amoni montena mia montambo rua pulu nsowu sorodadu mpelempa karu inso a to Arami-Beti-Rehobo ka inso to Arami-Soba, asa nsowu mia inso a mokole wita Ma'aka ka hopulu ka orua nsowu inso i olodo to Tobi.

2 Samueli 5:24

Tewala urongeo unino lempa a untuno laro ngkeu murubei atuu, asalakono ka upelelu, hangano i tempo atuu Ondae i Ue meluarako Iramo metea i aromiu numangi ira sorodadu to Pelisiti.”

1 Mokole 10:29

Asa kareta anu winawa inso i Misiraimi, olino nomo etu sikala salaka ka asa ngara, asa etu lima pulu sikala. Kanatuu koa mbo'u molalo puu mpebalu-baludo mokole, luwuno atuu inasa a luwuno mokoledo to Heti ka luwuno mokoledo to Arami.

1 Mokole 20:20

Ka i'amba singge mia mompepate iwalino, ranta luwuno to Arami atuu mpolai ka domelulu ira to Isaraeli. Sine i Benihada, mokoledo to Arami mokompolai mesawi a ngara saru ba opia sorodadu mpengara.

2 Mokole 19:7

Menteeano, Aku numaao asa penaa a laro ngkoroino, ranta kai poronge lele nahi mentee ka ipekule i witano. Aku weweuo kai mate tebangkuako ponai i witano onaeno.”

2 Mokole 7:5

I tempono ngkiniwia mpelungka ira mpewinso a mpekemaado sorodadudo to Arami. Sine mansado mehawe a ntidano pekemaado to Arami atuu, mengkaaomo nahina maupo te'asa mia i ra'ai.

Ayubi 15:21

Uni anu mongkokongiri hawe a birino, i tempono manangai mehawe ira puu mponsolangi ndi onae.

Po'unde-unde 14:5

I ra'aimo ta umalu ira doitoa, hangano Ondae Ue Ala kumongkomio mia mentee.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 36:9

Kana'umpe ka upolio monsaari asa mia petewawa sorodadu i olono atado ueku maupo anu lalu kodei? Kahinaano omue momperorohi Masiri ka upohawe kareta ka sorodadu mpengara!

Yeremia 46:21

Luwuno mbo'u sorodadu mentinambo anu kongko ndi onae kana ira anano sapi mewalo; ondae mbo'u mpewolili ka mpolai mperonga-ronga. Nahi dompokompekorahako, hangano oleo masolaa umalu ira, tempono domehinuku.

Yehesikieli 1:24

Tempono dompelempa, kurongeo unino panino kana unino uwoi mentoa anu u'uru, kana suara-Do Anu Tedoa Pabawa, kana suara magagado sorodadu. Tempono dompenaa-naa, ipo'inee panino telupe.

Yehesikieli 10:5

Unino panino kerubi atuu teronge hawe a kintala i bungkuno kana suara-Do Ue Ala Anu Tedoa Pabawa tempono Dopepau.

MENGKAAA 9:9

ka radado mengkena kana lemba labu, ka unino panido kana unido kareta anu rinendeno hadio ngara, anu kontongaado mpelulu melako a mpo'iangano peteaa.

Puu Mpobitara 7:21

Kontongaano atuu kongkodo mpentade a mpo'iangado lumimbuo pekemaa atuu, luwudo sorodadu iwali mpolai, ka mpebooliki ira.

1 Samueli 14:15

Ka mpondende iramo a mpekemaa, a mpeteaa, ka ia olodo luwuno palili. Puu mpetea mpodagai ka puu mpetea mporopu, mpondende ira koa mbo'u. Wawontolino mbo'u mondende. Gagiomo pondendea anu mongkokongiri.

1 Samueli 26:6

Ka i'amba i Daudi motaeakono i Ahimele to Heti atuu ka i Abisai anano i Seruya, pepaekompono i Yoabi, ipotae, ”Isema anu ta tumonda aku lumako a mpekemaano i Saulu atuu?” Sumangki i Abisai, ”Ongkue, aku tumondakomiu.”