2 Mokole 6:9 - Wunta Mempori

⁹ Sine, tetenaa-Do Ue Ala montena mia a mokoledo to Isaraeli saru pe'oliwi, ”Impetangkoro, si mentelalo a mpo'ianga atuu, hangano to Arami mpetii iramo mpetowoki i ra'ai.”

2 Mokole 6:9 Iomraidhean Croise

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

2 Mokole 4:1

Asa mia inso i olono beinedo bawaado nabi mebooli ndi Elisa, ”Atamiu, tamaku, mateomo ka ito'orio nine atamiu atuu doitoako Ira i Ue. Sine, puu mposinga pasua haweomo ta umalao orua ira anaku gagi atano.”

2 Mokole 4:27

Sahaweno a ntorukuno atuu, i'inio moroso karuno tetenaa-Do Ue Ala atuu. I Gehasi merangkuhako mingki monsiao, sine tetenaa-Do Ue Ala atuu motae, ”Po'ineeomo hangano masusa aroano! Dowunio i Ue mongkona andio ndi ongkue ka nahi Dopauakune.”

2 Mokole 4:7

Ka i'amba beine atuu lumako pauakono tetenaa-Do Ue Ala. Ipotae tetenaa-Do Ue Ala andio, ”Lakomo, asaomo lana atuu, owahiomo pasuamu. Omue saru luwuno anamu komiu mpokomentuwu inso a ntoreano.”

2 Mokole 6:10

Onaemo pu'uno mokoledo to Isaraeli montena mia lumako a mpo'ianga anu pinauno tetenaa-Do Ue Ala ndi onae. Umariomo ipopoto'oriakono mokole komba butu pohona pendua, kai pompe'inandai i ra'ai.

2 Mokole 6:12

Asa mia inso i olodo pegawaino motae, ”Nahina maupo te'asa mia, ueku mokole, sangkadio i Elisa, nabi i Isaraeli atuumo anu pauako ira mokoledo to Isaraeli pau anu pinaumiu a mpoturiamiu.”

2 Mokole 6:8

Mokole i wita Arami kontongaano metea umewai ira to Isaraeli. Mansano teriso saru luwuno pegawaino, ipotae, ”A mpo'ianga andio ka atuu asalakono impetii mpontowoki.”

Ayubi 5:12

Nahi Dopokogagio tinoono mia anu pande me'akala, onaemo ka nahina hasilino wineweuno kaedo;

Po'unde-unde 33:10

Ondae i Ue nahi Dopokogagio sinongkado luwuno tongku; Ondae umoninio sinongkado suku tongku;

Powadi 22:12

Mata-Do i Ue mepenteeo ponto'ori, sine nahi Dopokogagio pinauno anu mompau anu mohapu pedandia.

Yeremia 11:18

Ondae i Ue pauo mongkona atuu ndi ongkue, onaemo ka kuto'orio. I tempo atuu, Ondae i Ue, mopokitaakune hapa anu wineweudo.

Amosi 3:7

Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

MENGKAAA 1:1

Ndiomo pinokomengkaa-Do i Yesu Kerisituu, anu Doweeako Ira Ue Ala ndi Ondae, ka Dopopokitaako ira tetenaa-Do hapa anu asalakono ta ronga gagi. Ka a mala'eka-Do anu tinena-Do, Dopokomengkaaomo ndi Yohane, tetenaa-Do.