2 Mokole 5:8 - Wunta Mempori

⁸ Mansano rumongeo i Elisa, tetenaa-Do Ue Ala atuu, nine mokoledo to Isaraeli moberi sangkano, me'oliwiomo ndi ondae mokole, kanandio, ”Tembio kai berio sangkamiu? Po'ineeomo mia atuu kai aiwa ndi ongkue, kai to'orio nine hinao asa nabi i Isaraeli.”

2 Mokole 5:8 Iomraidhean Croise

2 Samueli 3:31

Motae i Daudi ndi Yoabi ka a luwuno sorodadu anu merongaakono, ”Impeberisakonomo sangkamiu ka impokonaomo sawu mpo'inomba ka imposabangimo i arono wata ngkoroino i Abinere.” Ondae mokole Daudi melempa i bungkuno kati wata ngkoroi.

1 Mokole 12:22

Sine haweomo pau-Do Ue Ala ndi nabi Senaya, kanandio,

1 Mokole 17:24

Ipotae beine atuu ndi Elia, ”Kanandio-andio kuto'oriomo nine omiu tetenaa-Do Ue Ala ka pau-Do i Ue anu pinaumiu atuu mentee.”

2 Mokole 1:6

Domesangkio, ”Hinao mia hawe tepohaweakami ka ipotaea kami: Impekulemo ndi ondae mokole anu tumena komiumo ka imempauako ira: Kanandiomo pau-Do i Ue: Nde nahina ke Ue Ala i Isaraeli, ranta kai petena mesikeno ndi Baala-Sebubi, pinesombai i Ekeroni? Onaemo pu'uno nahi komiu metii mbo'u inso a mpoturia pepomboleamiu, hangano omue manasa komate.”

2 Mokole 5:15

Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

2 Mokole 5:3

Ipotaeakono ueno beine, ”Ba ipemoikoo ueku itepohaweakono nabi anu i Samaria atuu, asalakono nabi atuu ta mokotompa ira inso a haki lowedo.”

2 Mokole 5:7

Mansano umari basao mokoledo to Isaraeli wunta atuu, iberio sangkano kai potae, ”Nde ongkue andio Ue Ala anu mompepate ka mompotuwu ranta kai pe'oliwi mia andio ndi ongkue kaku pokotompao asa mia inso a haki ngkuli mesakino? Kitaomo, ka to'oriomo, onae mo'ungke-ungkeako ndi ongkue.”

2 Mokole 5:9

Ka i'amba i Na'ama aiwa saru ngara ka karetano, ka ipenaa-naa i arono pewowa rahano i Elisa.

Peluarakoa 11:8

Ipotaeakono i Musa i Pirao, ”Luwuno pegawaimu ira me'aiwa mpenggolontu ndi ongkue, ka dompotae: ’Peluarakomo, omue saru luwuno palili anu mentondako!’ Umarino atuu, aku meluarako.” Meluarakoomo i Musa anu tensila tekudano bintao i Pirao.

Yehesikieli 2:5

Moiko domperorongeakono ke naahi, hangano ondae atuu suku anu mpe'ewa, ira mento'orio nine asa nabi kongko i tonga-tongado.

Hosea 12:13

I Yako molai a lereno i Arami, ka i Isaraeli mepe'ataako koroino ka ipohawe kombiano; ka ipohawe kombiano, onae gagi puu pompakambi.

ROMA 11:13

Kupauakomiu, hei luwuno tongku komba to Yahudi. Hangano ongkue Tinena a luwuno tongku komba to Yahudi, kutuduo atuu marambano pompekakaakoku,

1 Samueli 9:6

Sine ata atuu motaeakono, ”Siipo'ari, i kota andio hinao asa tetenaa-Do Ue Ala, asa mia anu tedoa pinelangkai. Luwuno anu pinaudo asalakono gagi. Aiwamo ka tolako i ra'ai, bara'ura ira ta paua kita pesalaa anu ta tinondato.”