2 Mokole 5:7 - Wunta Mempori

⁷ Mansano umari basao mokoledo to Isaraeli wunta atuu, iberio sangkano kai potae, ”Nde ongkue andio Ue Ala anu mompepate ka mompotuwu ranta kai pe'oliwi mia andio ndi ongkue kaku pokotompao asa mia inso a haki ngkuli mesakino? Kitaomo, ka to'oriomo, onae mo'ungke-ungkeako ndi ongkue.”

2 Mokole 5:7 Iomraidhean Croise

Tegagia 30:2

Tesingkaomo tekudano i Yako ndi Raheli, ka ipotae, ”Nde ongkue andioke Ue Ala, anu umonsoiko mentia.”

Tegagia 37:29

Tempono ipekule i Rube a nsumuru atuu, ikitao i Yusupu nami kongko mbo'u i larono. Ka i'amba berio lembano

Tegagia 50:19

Sine, motae i Yusupu ndi ondae, ”Siimo imedoito, hangano ongkue andioke Ue Ala?

2 Samueli 1:11

Ka i'amba i Daudi uminio sangkano ka ipeberisakono, kanatuu koa mbo'u luwuno mia anu merongaakono.

1 Mokole 20:7

Ka i'amba mokoledo to Isaraeli moboi ira luwu mia memota'u i wita atuu ka ipotaeako ira, ”Impenootio, mia andio mosa'o pinewowolono ta sumolangi kita, hangano montenaomo mia aiwa ndi ongkue umema ira luwuno beineku, luwuno anaku, wulaa ka salaka ka ku'induakono.”

2 Mokole 11:14

Ikitao mokole mentade umpeda a ngkaru raha-Do i Ue, menunu saru anu wela wineweu, kontongaado anu langkai potorono saru luwuno puu pompuuri tawuwua kongko umpeda ndi ondae mokole. Luwuno palili mpo'unde ka dompopuuri tawuwua. I Atalia berio sangkano ka ipebooli, ”Domerontuomo pabawaku, domerontuomo pabawaku!”

2 Mokole 18:37

Ka i'amba lumakoomo i Eliakimi anano i Hilikia, petewawa langkanae, ka i Sebana, puu mpoburi a poparentaa, ka i Yoahi anano i Asapi, puu pompekaria arataa a poparentaa, mpe'aro ira ndi Hisikia, saru sangkano anu bineri, ka i'amba pauako ira mokole pauno i rabi-sakehi atuu.

2 Mokole 5:6

Ipohaweakono mokoledo to Isaraeli wunta, anu unino, ”Tempono wunta andio hawe ndi omiu, kai to'oriomo nine kutenao i Na'ama, pegawaiku, kai pokotompao inso a haki ngkuli mesakino.”

Yeremia 36:24

Moiko mokole maupo luwuno pegawaino anu rumongeo luwuno pau atuu nahi domedoito ka nahi domeberio sangkado.

Danieli 2:11

Hapa anu inemamiu ueku mokole tedoa mobea, ka nahina maupo te'asa mia anu polio pauakomiu ueku mokole, sangkadio luwuno pinesombai anu nahi po'ia i olono mia.”

Hosea 6:1

”Aiwamo tompepokule ndi Ondae i Ue, hangano momperangkami Iramo, sine Ira mokotompa kita, monsepi Iramo, sine Ira walu kita.

Podoaa 14:6

Sine i Yosua anano i Nuni ka i Kalebi anano i Yepune anu tewinso a luwuno mia anu mempadasoomo wita atuu berio sangkado,

I MATIU 26:65

Onaemo ka berio Sando mpesomba Langkai atuu sangkano ka ipotae, ”Ipepaukiako Ira Ue Ala. Pombio kita mpokere mbo'u sakosii? Kanandio-andio imerongeomo ipepaukiako Ira.

I LUKASI 11:54

Onaemo atuu inungkeakodo mete'umala Ira, ka dompokorako ira me'empehiako te'asa anu pinau-Do.

WINEWEUDO TINENA 14:14

Rumongeo atuu i Baranaba ka i Paulu beri-berio sangkado, ka do'amba lumako a ntonga-tongano mia hadio atuu ka dopebooli,

Winali 32:29

Tewala mempande ira pompewowolo, manasa ira mento'orio anu kanandio, ka mperioo tampulaado.

Winali 32:39

Imengkitaomo kanandio-andio, nine Ongkue, Ongkuemo Ue. Nahina Ue Ala sangkadio Ongkue. Ongkuemo anu mompepate ka mompotuwu, Ongkuemo anu mobelai ka Ongkuemo anu mokotompa, nahina anu mokompotolao inso a ngkae-Ku.

1 Samueli 2:6

Ondae i Ue mompepate ka mompotuwu, ka Ondae mompotii a mpo'iangado mia mate ka mowuatako inso i ra'ai.