2 Mokole 5:22 - Wunta Mempori

²² Sumangki i Gehasi, ”Luwuno moiko! Butu, ondae ueku i Elisa tumena aku pauo: Da saraipo orua ira mia mongura inso i olodo bawaado nabi aiwa ndi ongkue inso a mentorukuno Eparai. Ipoweeako iramo asa talenta salaka ka orua pasa sangka.”

2 Mokole 5:22 Iomraidhean Croise

1 Mokole 13:18

Ka i'amba motae nabi mota'u atuu ndi onae, ”Ongkue mbo'u asa nabi kana omue. A mpetena-Do i Ue, asa Mala'eka mepau ndi ongkue: Wawaomo kai pekule saru omue i rahamu, ka ipongkaa roti ka mo'inu uwoi.” Kanandiomo igaupio.

1 Mokole 20:35

Asa mia inso a bawaano nabi motaeakono walino a petena-Do i Ue, ”Tunduhi akumo!” Sine, mia atuu nahi behe tumunduhio.

1 Mokole 20:39

Mansado telalo mokole, onae mebooli mekalaki ndi ondae mokole, ipotae, ”Tempono atamiu andio lamako a mpeteaa, hinao mia mansa bintao baresi ka iwawao asa mia ndi ongkue, ipotae: Dagaio mia andio, tewala mansa tetadi, penaamu gagi euno penaano, ke asalakono komo'owawi asa talenta salaka.

2 Mokole 2:15

Tempono bawaado nabi inso i Yeriko atuu mengkitao inso olai, mpotae ira, ”Pabawano i Elia melimba ndi Elisa.” Me'aiwa ira ntepohaweakono ka dompenggolontu ndi onae ra'ido hawe a wita.

2 Mokole 2:3

Bawaado nabi anu kongko i Beteli mpeluarako ntepohaweakono i Elisa ka dompotae ndi onae, ”Uto'orio koake nine a oleo andio uemu Ira tumandeo i Ue inso i aromu?” Sangkino, ”Humbee, kuto'orio koa, siimo impepau mbo'u!”

2 Mokole 2:5

Bawaado nabi anu kongko i Yeriko merangkuhio i Elisa ka dompotaeakono, ”Uto'orio koa ke nine a oleo andio uemu Ira tumandeo i Ue inso i aromu?” Sumangki, ”Humbee, kuto'orio koa, siimo impepau mbo'u!”

2 Mokole 2:7

Lima pulu mia inso a bawaado nabi atuu mpelempa, ka do'amba mpenaa-naa ola-olai inso ndi ondae, kontongaado mentade orua ira i wiwi ngkoro Yarade.

2 Mokole 4:26

Kanandio-andio pelulumo tepohaweakono ka potaeakono, Moi-moiko komiu koa ke? Tamamiu moi-moiko ira koa ke? Nana'ote atuu moi-moiko koa mbo'u ke?” Sumangki beine atuu, ”Luwuno moi-moiko koa!”

2 Mokole 5:21

Ka i'amba i Gehasi tumonda bungkuo i Na'ama. Mansano kumitao i Na'ama hinao mia melulu tumonda bungkuo, mompari-pariomo metii inso a ngkareta kai tepohaweakono, ipotae, ”Nde moi-moiko koa luwu?”

2 Mokole 5:25

Mansano mewinso i Gehasi ka ipentade i arodo ueno, motae i Elisa ndi onae, ”Insoko isuake Gehasi?” Sumangki i Gehasi, ”Atamiu andio nahi lako maupo isua!”

2 Mokole 5:5

Sumangki mokoledo to Arami, ”Moiko, lakomo ka aku mo'oliwi wunta ndi mokoledo to Isaraeli.” I Na'ama lumako saru mowawa hopulu talenta salaka ka nomo nsowu sikala wulaa ka hopulu mpole sangka pe'eu.

Yesaya 59:3

Hangano kaemiu tesosa'aiako rea ka wunga ngkaemiu hangano wineweu mosa'o; elomiu mompau pegaupi, ngangamiu mpomuti-muti bukeako pau molengku.

Yeremia 9:3

Ondae melongkuo elodo kana pana; komba menteea sine pegaupi anu me'a'e i wita atuu. ”Mentee ntu'u, ondae mpelungka inso a wineweu mosa'o lumako a wineweu mosa'o, sine nahi domento'ori Aku”, pau-Do i Ue.

Yeremia 9:5

Anu asa mia mopo'oo anu susua, ka nahina maupo te'asa mia mepau mentee; domempokoleleoomo elodo mepau megaupi; ondae mpokomokendoo koroido mpoweweu anu saala.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

Yosua 24:33

I Eleasa anano i Haruni mate, ka kinaburu ia pongkuno wita anu wineeako ndi Pineha, anano atuu, a mentorukuno i Eparai.

MENGKAAA 21:8

Sine mia medoito, mia anu nahi dompompe'ala-ala, mia memokoburu, mia anu pompepate, mia mebelesu, puu ponsihiri, anu mpesomba a lahumoa ka luwuno anu mpegaupi, ondae ira mpohawe tiado a laro ntahi anu kolanga-langa hangano api ka walira; onaemo andio matea anu ko'orua.”

Puu Mpobitara 14:12

Ipotaeako ira i Simeso, ”Aku pauakomiu asa singguru. Ba impokoguruo sangkino i larono opitu oleo pogawea andio, aku moweeakomiu tolu pulu sangka lena ka tolu pulu sangka popelangkai.