2 Mokole 5:20 - Wunta Mempori

²⁰ i Gehasi, atano i Elisa, tetenaa-Do Ue Ala atuu motae, ”Menteeano ondae ueku me'aroa ira lahi ndi Na'ama, to Arami andio, nahi dotarimao pesombano. A nee-Do i Ue anu tuwu, menteeano aku melulu tumonda bungkuo ka aku montarima maupo hapa inso ndi onae.”

2 Mokole 5:20 Iomraidhean Croise

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

2 Mokole 13:19

Tetenaa-Do Ue Ala atuu tekuda ndi onae ka ipotae, ”Bakanaano upesepiakono pelima ke penomo! Bakanandio uweweuo konumangio Arami ranta ka dometampula. Sine kanandio-andio, butu koa pentolu konumangio Arami.”

2 Mokole 4:12

Ka i'amba motae ndi Gehasi, atano, ”Poboiomo beine i Sunemi atuu.” Ka i'amba i Gehasi moboio, ka beine atuu mentade i arono.

2 Mokole 4:25

Kanandiomo ilako beine atuu tepohaweakono tetenaa-Do Ue Ala i Torukuno Karameli. Mansano kumitao inso olai, motaeomo tetenaa-Do Ue Ala ndi Gehasi, atano, ”Kitao, onae atuu beine i Sunemi!

2 Mokole 4:31

I Gehasi melempaomo mese'elungi ira ka inaaomo tuko i wawono nana'ote atuu, sine nahina suara, ka nahina tondonino ta tuwu. Ka i'amba mekule tepohaweakono i Elisa ka pauakono, ”Nana'ote atuu nahi pewangu!”

2 Mokole 4:36

Ka i'amba i Elisa moboio i Gehasi ka ipotae, ”Poboiomo beine Sunemi atuu!” Onaemo kai poboio. Mansano hawe beine atuu ndi onae, motae i Elisa, ”Tandeomo anamu andio!”

2 Mokole 5:16

Sine sumangki i Elisa, ”A nee-Do i Ue anu tuwu, anu pinekakakoku, nahi aku montarima maupo hapa.” I Na'ama dumadasio i Elisa kai tarimao, sine nahi hori behe tumarimao.

2 Mokole 5:21

Ka i'amba i Gehasi tumonda bungkuo i Na'ama. Mansano kumitao i Na'ama hinao mia melulu tumonda bungkuo, mompari-pariomo metii inso a ngkareta kai tepohaweakono, ipotae, ”Nde moi-moiko koa luwu?”

2 Mokole 6:31

Ka i'amba motae mokole, ”Po'ineeomo Ondae Ue Ala humuku aku mobea maupo torea mbo'u, tewala uluno i Elisa anano i Sapati da kongko mpiha a ngkoroino oleo andio.”

2 Mokole 8:4

Ondae mokole kontongaano mepau ndi Gehasi, atano tetenaa-Do Ue Ala atuu, ipotae, ”Tutuluakunemo luwuno wineweu langkai anu wineweuno i Elisa.”

2 Mokole 8:7

I Elisa lumako i Damasi. I tempo atuu i Benihada, mokoledo to Arami, kontongaano mahaki. Pinauako ira mokole, ”Tetenaa-Do Ue Ala haweomo i ndi'ai.”

Po'unde-unde 10:3

Hangano mia mosa'o gauno mo'undeakono po'eheno aroano, ka mia modoko mompepaukiako ka tumata Ira i Ue.

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Powadi 26:16

Mia moluwe tumuduo koroino lalu pande mosongka sekonopo opitu mia anu sumangki kona ntu'u.

Yesaya 48:1

Rongeomo pau andio, hei suku inuleno i Yako, anu pinewuaako nee Isaraeli anu mepu'u inso a inuleno i Yehuda, anu mesumpa a nee-Do i Ue ka umakuio Ue Alado to Isaraeli, sine nahi a menteeano ntu'u ka moleo aroa.

Yeremia 22:17

Sine matamu ka aroamu butu te'aro a po'ungkea me'uraa, a mpo'uwua reano mia anu nahina salano, a porontua ka pobobarasaia!

Habaku 2:9

Masola ntu'u mia mo'ala ura anu nahi moleo pesalaano ta pakeano i rahano, ta numaao senono a mpo'ianga anu mantande, ka itola inso a masolaa!

I MATIU 10:4

i Simo to Seloti ka i Yudasi Karioti anu humapu Ira.

I MATIU 26:9

Hangano lana atuu ba i'inasa masuli olino ka doino domewineeako mia memongkokolaro.”

I LUKASI 12:15

Dopotaeako ira mbo'u, ”Impedaga-dagaimo ka impetangkoromo a luwuno modokoa, hangano maupo hadio ntu'u arataano te'asa mia, tuwuno nahi ta sompo butu inso a ngkaeano atuu.”

I LUKASI 16:8

Ka i'amba ueno atuu umunde-undeo puu pompekaria anu molengku atuu, hangano moweweuomo akalano. Hangano anano wawontolino andio mempande irapo mpe'akala a mpe'asa miado sekonopo luwuno anano mewine.

I YOHANE 13:2

Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira.

I YOHANE 6:70

Sumangki Ira i Yesu, ”Kombake Ongkue-Ku anu biniki komiu anu hopulu ka orua andio? Sine asa mia i olomiu onaemo i Mosa'o.”

WINEWEUDO TINENA 5:2

Morokoado saru beineno inaao asa ntia inso a olino anu inasa atuu ka asa ntia mbo'u iwawao ka inaao a mpuu karudo tinena.

2 TIMOTIU 4:10

hangano ikekewoiomo i Demasi wawontolino andio ka ibinta aku. Onae melungkaomo lumako i Tesalonika. I Kerekesi lumakoomo i Galatia ka i Titu lumako i Dalamatia.

TITU 1:7

Hangano gagi puu mpo'atora a raha-Do Ue Ala aasa petewawa bawaa asalakono nahina tataano, nahi pompelangka-langkai, komba marante'ise, komba marampo'inu, komba marantekuda, nahi pedokoli,

1 PETURU 5:2

Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.

1 Samueli 14:39

A nee-Do i Ue anu tuwu, anu kumadudui ira to Isaraeli, tewala hangano wineweuno i Yonata, maupo anaku asalakono hinuku mate.” Sine luwuno palili atuu nahina sumangkio.