2 Mokole 5:15 - Wunta Mempori

¹⁵ Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

2 Mokole 5:15 Iomraidhean Croise

Tegagia 33:11

Po'ineeomo ka itarimao pompoweeku andio, anu kuwawaomo ndi omiu, hangano Dopehohawa akumo Ue Ala ka luwuno hinao ndi ongkue.” Ka i'amba dumadaio i Esau, ranta ka itarimao i Esau.

1 Mokole 13:7

Ka i'amba mokole motaeakono nabi atuu, ”Aiwamo ka tolako irahaku, pokonsanaao koroimu ka hinao pompowee anu aku weeakomu.”

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

2 Mokole 19:15

I Hisikia mekakai i aro-Do i Ue, kanandio, ”Oo Ue, Ue Alado to Isaraeli anu mo'ia i wawono kerubi! Butu Omiumo isa'a Ue Alano luwuno poparentaa i tolino. Omiumo anu mokogagio langi ka tolino.

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

2 Mokole 5:8

Mansano rumongeo i Elisa, tetenaa-Do Ue Ala atuu, nine mokoledo to Isaraeli moberi sangkano, me'oliwiomo ndi ondae mokole, kanandio, ”Tembio kai berio sangkamiu? Po'ineeomo mia atuu kai aiwa ndi ongkue, kai to'orio nine hinao asa nabi i Isaraeli.”

Yesaya 44:6

Kanandiomo pau-Do i Ue, Mokole ka Puu pontolosino Isaraeli, Ueno luwuakoano, ”Ongkuemo anu tese'elu ka Ongkuemo anu telembui; nahina pinesombai sangkadio Ongkue.

Yesaya 44:8

Siimo pondende ka siimo doito! Kombake inso i ndi'ipua Kupaleleomo ka Kupauomo mongkona atuu ndi omiu. Omiumo sakosii-Ku! Hinaoke pinesombai sangkadio Ongkue? Nahina Torukuno Watu anu susua, nahina anu tino'ori-Ku!”

Yesaya 45:6

ka domento'orio mia inso i sabaano oleo hawe a nsumooano, nine nahina anu susua sangkadio Ongkue. Ongkuemo Ue ka nahina anu susua,

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 3:29

Onaemo pu'uno, kuluarakono parenta nine sompo mia inso a tongku, suku ke pau isuamo koa, anu mompau pontetewehi ndi Ondae Ue Alano i Sadaraki, i Mesaki ka i Abenego, ta binatu-batu ka rahano ta pinobangku gagi howuno anu terawo, hangano nahina pinesombai susua anu polio mompotola kanatuu.”

Danieli 4:34

Sine, mansano laloomo tempo anu pinakosi, ongkue, i Nebukanesa, mentombu i langi, ka pinewowolo molinoku mepokule ndi ongkue. Ka ku'amba umunde-unde Ira Anu Tedoa mantande, melangkai Ira Anu Tuwu nahina tampulaano atuu hangano pabawa-Do pabawa anu nahina tampulaano ka poparentaa-Do hawe a mapa'api-apino inule.

ROMA 10:10

Hangano koa aroa mia mompe'ala-ala, ka pinokomentee, ka saru wiwi ipe'induako mia ka ikinadudui.

2 KORINTI 9:5

Onaemo pu'uno ka ku'oluako ira pepaekompo atuudo ka dompelungka mpese'elungi aku, ka dontese'elu mesongkapio pompowee anu imedandiomo se'eluno, ka itepatinda te'ingka gagi tondonino pe'aroamiu ka komba gagi pompowee anu dinadai.

Yosua 9:24

Domesangkio i Yosua, dompotae, ”Lano pinaleleomo ndi omami, motae Ondae i Ue, Ue Ala miu tumenao i Musa tetenaa-Do, meweengakono luwuno wita andio ndi omiu ka rumopu ira luwuno palili inia atuu i aromiu. Onaemo ka kitedoa medoito memate, umaropi komiu; onaemo ka kimpoweweu kanatuu.

Yosua 9:9

Domesangkio, ”Me'inso kami a olaiano ue, omami andio, mehawe kami hangano nee-Do i Ue, Ue Ala miu, ka kimerongeomo lele mongkona Ondae, luwuakoano anu wineweu-Do i Masiri,

1 Samueli 25:27

Ndiomo pompowee kupowawaakomiu ueku, po'ineeomo ka domewineeako miamiu anu tumondakomiu.

1 Samueli 9:7

Ipotae i Saulu ndi atano, ”Sine batolako, hapa anu kita wawaako ira? Roti pingkoomo, ka nahina pompowee topowawaako ira tetenaa-Do Ue Ala atuu. Hapa anu hina ndi ontae?”