2 Mokole 5:1 - Wunta Mempori

¹ I Na'ama, tadulako sorodaduno mokoledo to Arami, onaemo mia tinudu i arono ueno ka tedoa pinelangkai, hangano molalo onae Ondae i Ue moweeako iramo ponangiado to Arami. Onae asa mia sorodadu anu moroso ka mosia, sine merurungkoako haki lowe.

2 Mokole 5:1 Iomraidhean Croise

2 Samueli 3:29

Po'ineeomo atuu ipinopotembiako a uluno i Yoabi ka a luwuno pe'etuno. Po'ineeomo a inuleno i Yoabi nahi hori otu-otu mia anu moluarako nana, mia anu haki ngkuli mesaki, tama anu gagi puu pongkoloro, mia anu mateako ponai ba anu makuraako kaanga.”

2 Mokole 4:8

I asa oleo i Elisa melempa telalo i Sunemi. I ra'ai mo'ia asa beine anu mompoli dumadasio kai pongkaa. Gagi sompo itelalo, onae tetoro mongkaa i ra'ai.

2 Mokole 5:2

To Arami hori ira mpebawaa hadio mposapoi ka domewawao asa nana'ote beine inso i witado to Isaraeli gagi mia tinawa. Ana beine atuu gagi puu mpopekakaakono kombiano i Na'ama.

2 Mokole 5:27

Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

2 Mokole 7:3

Opaa mia anu mahaki ngkuli mongkokongiri kongko i arono pewowa pewinsoa a mpewowa langkai. Mpepau ira pada ondaedo, ”Hapa tuduno tompentoro-ntoro i ndi'ai ranta mate?

Esetere 10:3

Hangano i Modekai, to Yahudi atuu, gagi mia ko'orua i totono mokole Ahasiwero, ka onae dompelangkaio to Yahudi ka dome'ineheakono hadio pepaekompono, hangano onae mosongka anu moiko tiado tongkuno ka mepau tiano tekaduduiado luwuno mia pe'asa tongkuno.

Esetere 9:4

Hangano i Modekai langkai pabawano a langkanaedo mokole ka tepaleleomo lele mongkona onae a luwuno wita, hangano i Modekai atuu koteti-tetiangino langkaino pabawano.

Peluarakoa 11:3

Onaemo ka Doweweu ira i Ue to Masiri mpe'aroa a nto Isaraeli atuu; laanopo i Musa onae asa mia anu tedoa pinelangkai i wita Masiri, moiko a mpegawaino i Pirao maupo a mpalili.

Powadi 21:31

Ngara pinatinda tiano oleo peteaa, sine ponangia kongko a ngkae-Do i Ue.

I LUKASI 4:27

Ka tempono Nabi Elisa hadio mia haki ngkuli mesaki i Isaraeli ka nahina maupo te'asa mia pinokomorina, sangkadio i Na'ama, to Siria atuu.”

I YOHANE 19:11

Sumangki Ira i Yesu, ”Nahina maupo hapa pabawamiu ndi Ongkue, tewala pabawa atuu nahi iwineeako inso i wawono. Onaemo pu'uno: onae anu meweenga-Kune ndi omiu, langkaiopo halano.”

ROMA 15:18

Hangano nahi aku sapa mepau mongkona hapa anu susua, sangkadio mongkona hapa anu Doweweuomo i Kerisituu hangano ongkue, onaemo wawa ira tongku susua ka dompomperorongeako, hangano pau ka wineweu,

2 KORINTI 12:7

Ka si kupompelangka-langkai hangano luwuno pepokomengkaa anu tedoa kinohali-haliako atuu, ka ongkue pinoweeako aasa rui a laro ihiku, onaemo asa mia tinenano i Mosa'o ka itidu aku meroku, ka si kupompelangka-langkai.

Winali 2:37

Butu witado to Amoni anu nahi imerangkuhio, moiko Korono Yaboki asa ngkeu wiwino maupo luwuno kotano i mentorukuno, kanamo anu inonto-Do i Ue, Ue Alato.