2 Mokole 4:27 - Wunta Mempori

²⁷ Sahaweno a ntorukuno atuu, i'inio moroso karuno tetenaa-Do Ue Ala atuu. I Gehasi merangkuhako mingki monsiao, sine tetenaa-Do Ue Ala atuu motae, ”Po'ineeomo hangano masusa aroano! Dowunio i Ue mongkona andio ndi ongkue ka nahi Dopauakune.”

2 Mokole 4:27 Iomraidhean Croise

Tegagia 18:17

Mompewowolo Iramo i Ue, ”Nde Aku mewuniakonoke inso ndi Burahima hapa anu Aku weweuo?

2 Samueli 7:3

Motae i Nata ndi ondae mokole, ”Moiko, weweuomo luwuno anu ino'aroamu, hangano Ondae i Ue kumongkomiko.”

2 Mokole 4:25

Kanandiomo ilako beine atuu tepohaweakono tetenaa-Do Ue Ala i Torukuno Karameli. Mansano kumitao inso olai, motaeomo tetenaa-Do Ue Ala ndi Gehasi, atano, ”Kitao, onae atuu beine i Sunemi!

2 Mokole 4:26

Kanandio-andio pelulumo tepohaweakono ka potaeakono, Moi-moiko komiu koa ke? Tamamiu moi-moiko ira koa ke? Nana'ote atuu moi-moiko koa mbo'u ke?” Sumangki beine atuu, ”Luwuno moi-moiko koa!”

2 Mokole 6:12

Asa mia inso i olodo pegawaino motae, ”Nahina maupo te'asa mia, ueku mokole, sangkadio i Elisa, nabi i Isaraeli atuumo anu pauako ira mokoledo to Isaraeli pau anu pinaumiu a mpoturiamiu.”

Ayubi 10:1

”Kute'osaakono tuwuku, ineheku motolao masusaku, ineheku mepau a laro marasaino laroku.

Powadi 14:10

Aroa tumo'orio pompemopoeno onaeno, ka mia susua nahi pokompetonda rumasao sanaano.

Powadi 18:14

Mia anu moroso aroano mokotembio marasaino, sine anu tetadi rosono, isema mokompomuleo?

Amosi 3:7

Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

I MATIU 15:23

Sine nahi Dosangkio i Yesu. Ka i'amba ana guru-Do me'aiwa ka me'emao ndi Ondae, ”Itenaomo ka ilako, itonda kita mpiha saru kokora-kora.”

I MATIU 20:31

Sine mia hadio atuu mengkuahako ira ka dopenoro-noro. Sine komero-merokuno dopebooli, dopotae, ”Ue, Anano i Daudi, Ipehohawa kamimo!”

I MATIU 28:9

Borono Ondae i Yesu tepohaweako ira ka Dopotae, ”Rodoa ndi omiu.” Domerangkuhi Ira ka dompekopui a ngkaru-Do saru mpesombai Ira.

I MARAKUSU 10:13

Ka do'amba mia mewawa ira nana'ote kodei ndi Ondae i Yesu, ka Do'angga ira; sine ana guru-Do tekudaako ira mia atuudo.

I MARAKUSU 14:6

Sine Dopotae i Yesu, ”Impo'ineeomo. Tembio ka impokomasusao? Iweweuomo aasa wineweu anu moiko ndi Ongkue.

I LUKASI 7:38

Kontongaano mengese ka ilako mentade i bungku-Do i Yesu umpeda a ngkaru-Do, ka i'amba bahoakono uwoi matano karu-Do atuu ka ipahihiakono wuuno, ka i'amba woo-wooo karu-Do ka ilanaiakono mina-mina atuu.

I YOHANE 15:15

Nami Aku moboiakomiu mbo'u tetenaa, hangano tetenaa nahi to'orio, hapa anu wineweuno ueno, sine Kupoboiakomiu sambe'e, hangano Kupauakomiumo luwuakoano anu rinonge-Ku inso ndi Ondae Ama-Ku.

I YOHANE 4:27

I tempo atuu mehawe iramo ana guru-Do ka mengkohali-hali ira, nine kontongaa-Do mepau-pau saru aasa beine. Sine nahina maupo te'asa mia anu mepau, ”Hapa po'ehe-Miu? Ke: Hapa anu Ipepau-pauako saru onae?”

1 Samueli 1:10

A laro masusano aroano, i Hana mekakai ndi Ondae i Ue i tondaakono mengese sensedu.