2 Mokole 4:26 - Wunta Mempori

²⁶ Kanandio-andio pelulumo tepohaweakono ka potaeakono, Moi-moiko komiu koa ke? Tamamiu moi-moiko ira koa ke? Nana'ote atuu moi-moiko koa mbo'u ke?” Sumangki beine atuu, ”Luwuno moi-moiko koa!”

2 Mokole 4:26 Iomraidhean Croise

Tegagia 29:6

Isikeno ira mbo'u, ”Nde moi-moiko ira koake?” Mesangki ira, ”Humbee, moi-moiko ira koa. Kitao, atuu i Raheli, anano anu beine, aiwa saru asa bawaa bembe bimbano.”

Tegagia 37:14

Motae i Isaraeli ndi onae, ”Lakomo pengkita kana'umpe teweweudo pepaekompomu ka teweweudo bawaano bembe bimba. Ka u'amba wawao lele ndi ongkue.” I Yako tumenao ka ilako inso i lembono Heberoni, ka haweomo i Yusupu i Sikemi.

Tegagia 43:27

Umarino atuu ipesikenoakono teweweudo. Ka i'amba motae, ”Kana'umpe teweweudo amamiu anu mota'u iramo anu pinaumiu atuu? Da tuwu irake?”

2 Samueli 18:29

Ka do'amba mesikeno mokole, ”Tekaduduikoake i Abisalo mia mongura atuu?” Sumangki i Ahima'asi, ”Tempono i Yoabi tumena aku, atamiu andio, kukitao mia mpehowu hadio, sine nahi kuto'orioke hapa atuu.”

2 Mokole 4:23

Motae tamano, ”Tembio kau posongka lumako ndi onae oleo andio, kahinaano kanandio-andio komba wula wo'ohu ke oleo Saba?” Sumangki beine atuu, ”Pomperodomo koa.”

2 Mokole 4:25

Kanandiomo ilako beine atuu tepohaweakono tetenaa-Do Ue Ala i Torukuno Karameli. Mansano kumitao inso olai, motaeomo tetenaa-Do Ue Ala ndi Gehasi, atano, ”Kitao, onae atuu beine i Sunemi!

2 Mokole 4:27

Sahaweno a ntorukuno atuu, i'inio moroso karuno tetenaa-Do Ue Ala atuu. I Gehasi merangkuhako mingki monsiao, sine tetenaa-Do Ue Ala atuu motae, ”Po'ineeomo hangano masusa aroano! Dowunio i Ue mongkona andio ndi ongkue ka nahi Dopauakune.”

2 Mokole 5:22

Sumangki i Gehasi, ”Luwuno moiko! Butu, ondae ueku i Elisa tumena aku pauo: Da saraipo orua ira mia mongura inso i olodo bawaado nabi aiwa ndi ongkue inso a mentorukuno Eparai. Ipoweeako iramo asa talenta salaka ka orua pasa sangka.”

Po'unde-unde 39:9

Ipotola akumo inso a luwuno polimpa'iku, si pokogagi aku tetewehiano mia monge-monge!

Imama 10:3

Mepauomo i Musa ndi Haruni, ”Onaemo andio anu pinau-Do i Ue: Mia anu umpeda ndi Ongkue Kupokomengkaao mempori-Ku, ka i arodo luwuno tongku atuu Aku mopokitao maramba-Ku.” I Haruni butu menoro-noro.

Sakaria 2:4

ka i'amba onae pinoweeako parenta, ”Pelulumo, pauakonomo mia mongura atuu: Yerusale ta pino'iangario kana kota nahi perere watu, hangano hadiono mia ka pinotuwu i larono.

WINEWEUDO TINENA 15:36

Sine ba opia tempo lembuino motaeomo i Paulu ndi Baranaba, ”Moikoomo topekule a mpepaekompoto a sompo kota a pompaleleato pau-Do i Ue, ka tokita ira ba kana'umpe teweweudo.”

1 Samueli 17:18

Ka hopulu mpole keju andio wawaakono petewawa puu mpetea asa nsowu. Tepohaweako ira koa luwu akamu ka powawa petondoni inso ndi ondae.

1 Samueli 3:18

Ka i'amba i Semueli pauakono, nahina maupo hapa anu winunino. Ipotae i Eli, ”Ondaemo i Ue, po'ineeomo Doweweuo hapa anu moiko a pongkita-Do.”