2 Mokole 4:1 - Wunta Mempori

¹ Asa mia inso i olono beinedo bawaado nabi mebooli ndi Elisa, ”Atamiu, tamaku, mateomo ka ito'orio nine atamiu atuu doitoako Ira i Ue. Sine, puu mposinga pasua haweomo ta umalao orua ira anaku gagi atano.”

2 Mokole 4:1 Iomraidhean Croise

Tegagia 22:12

Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.”

1 Mokole 18:3

I Ahabi moboio i Obaja anu gagi petewawa langkanae. I Obaja atuu asa mia anu mentee ntu'u dumoitoako Ira i Ue.

1 Mokole 20:35

Asa mia inso a bawaano nabi motaeakono walino a petena-Do i Ue, ”Tunduhi akumo!” Sine, mia atuu nahi behe tumunduhio.

2 Mokole 2:15

Tempono bawaado nabi inso i Yeriko atuu mengkitao inso olai, mpotae ira, ”Pabawano i Elia melimba ndi Elisa.” Me'aiwa ira ntepohaweakono ka dompenggolontu ndi onae ra'ido hawe a wita.

2 Mokole 2:3

Bawaado nabi anu kongko i Beteli mpeluarako ntepohaweakono i Elisa ka dompotae ndi onae, ”Uto'orio koake nine a oleo andio uemu Ira tumandeo i Ue inso i aromu?” Sangkino, ”Humbee, kuto'orio koa, siimo impepau mbo'u!”

2 Mokole 2:5

Bawaado nabi anu kongko i Yeriko merangkuhio i Elisa ka dompotaeakono, ”Uto'orio koa ke nine a oleo andio uemu Ira tumandeo i Ue inso i aromu?” Sumangki, ”Humbee, kuto'orio koa, siimo impepau mbo'u!”

2 Mokole 2:7

Lima pulu mia inso a bawaado nabi atuu mpelempa, ka do'amba mpenaa-naa ola-olai inso ndi ondae, kontongaado mentade orua ira i wiwi ngkoro Yarade.

2 Mokole 4:38

I Elisa mekule i Giliga i tempono hinao mokoninggoa i wita atuu. Tempono bawaado nabi mpentoro i arono, ipotaeakono atano, ”Naaomo kawali anu langkai a wawono api ka nahuomo kaanga tiado bawaado nabi andio!”

2 Mokole 6:9

Sine, tetenaa-Do Ue Ala montena mia a mokoledo to Isaraeli saru pe'oliwi, ”Impetangkoro, si mentelalo a mpo'ianga atuu, hangano to Arami mpetii iramo mpetowoki i ra'ai.”

Nehemia 10:31

Tewala luwuno tongku i wita atuu mpowawa ira sangka ka mperupa-rupa gandu ta inasa a oleo Saba, nahi kami me'olio inso ndi ondae a oleo Saba ke oleo mempori. Kami mpo'ineeo wita nahi inangga a nta'u ko'opitu ka nahi kami mposinga pasua.

Nehemia 7:2

Mongkona i Yerusale kupe'ala-alaakono ndi Hanani, pepaekompoku, ka ndi Hanania, tadulako bente, hangano onae asa mia anu pine'ala-ala ka doitoako Ira Ue Ala laluaopo sekono luwuno mia susua.

Po'unde-unde 103:11

sine kana mantandeno langi inso i tolino, kanatuumo langkaino pompehohawa-Do a mia anu doitoako Ira,

Po'unde-unde 103:17

Sine, pompehohawa-Do i Ue inso nahina tampulaano hawe nahina tampulaano a mia anu doitoako Ira, ka moleo-Do tiado inule,

Po'unde-unde 115:13

rumonso ira mia anu doitoako Ira i Ue, moiko anu kodei maupo anu langkai.

Po'unde-unde 147:11

Ondae i Ue memoikoo mia anu doitoako Ira, a mia anu momperorohi a pompehohawa-Do.

Powadi 22:7

Mia kaea pabawaio mia mongkokolaro, anu mepasua gagi atano mia anu mokompepasuao.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Puu Pontutulu 8:12

Maupo mia tehala anu te'asa etumo ipoweweu mosa'o tehine tuwuno, sine kuto'orio mia anu doitoako Ira Ue Ala ta moiko tuwuno, hangano domedoitoakono maramba-Do.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yeremia 34:14

A pokotampulaano ta'u ko'opitu omiu singge mia asalakono motolao pepaekompono, to Ibarani, anu inasaomo ndi omue. Onae ta mo'angga ndi omue onoo nta'u tehineno, ka i'amba omue asalakono motolao gagi mia maradeka. Sine, uempu'umiu nahi domeronge Aku ka nahi dompo'aroo birido ndi Ongkue.

Imama 25:48

ka umarino ipeweengakono koroino, onae tekona itinolosi. Asa mia inso i olono luwuno pepaekompono moiko itolosio,

Maleaki 3:16

Mia anu dumoitoako Ira i Ue mpepau pada ondaedo, ”Ondae i Ue mensiroio ka rumongeo; asa wunta pepopoto'ori binuri i aro-Do tiado mia anu dumoitoako Ira i Ue ka tiado anu melangkaio nee-Do.”

Maleaki 4:2

Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano.

I MATIU 18:25

Sine hangano nahi polio mokolesoo pasuano, mokole atuu meparenta ka i'inasa mia atuu saru anano ka beineno ka luwuno arataano po'owahi pasuano.

I MATIU 18:30

Sine nahi tarimao ka ipeweengakono walino atuu a laro torungku hawe ka ipokolesoo pasuano.

I MATIU 18:35

Ka Ondae Ama-Ku anu i suruga Ira moweweu kanatuu mbo'u ndi omiu, tewala singge mia nahi ampunio pepaekompono tompaano aroano.”

WINEWEUDO TINENA 13:26

Hei pepaekompoku, moiko anu tewinso a inuleno i Burahima, maupo anu doitoako Ira Ue Ala, lele tekaduduia atuu pinohaweomo ndi ontae.

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.

MENGKAAA 15:4

Isemake nahi doito, oo Ue, ka anu nahi pelangkaio nee-Miu? Hangano butu Omiu anu mempori; hangano luwuno tongku ira me'aiwa mpenggolontu mpesombai Komiu, hangano mengkaaomo menteeno luwuno pobitara-Miu.”

MENGKAAA 19:5

Ka terongeomo aasa suara inso a ngkadera poparentaa atuu, ”Unde-unde Iramo Ue Alato, hei omiu luwuno tetenaa-Do, omiu anu medoitoako Ira, moiko kodei maupo langkai!”

Ruti 1:3

Ka i'amba mateomo i Elimele, tamano i Naomi, beine atuu mo'iaomo saru anano orua ira.

1 Samueli 22:2

Ka dontepoasaakonomo mbo'u mia anu memasukara, luwuno mia anu mpolaiako mia mpesinga, ka luwuno mia anu mahaki aroa. Anu tepumpu i tu'ai, bara'ura pato etu mia ka onae gagi petewawado.