2 Mokole 3:18 - Wunta Mempori

¹⁸ Mongkona andio monongko koa a pongkita-Do i Ue; Ira koa meweengakono to Moabi a ngkaemiu.

2 Mokole 3:18 Iomraidhean Croise

2 Samueli 7:19

Mongkona andio mbo'u da makura a pongkita-Miu, oo Ue Ala ranta mepau Komiu mbo'u mongkona somborino tetenaa-Miu a tempo anu da olai. Po'ineeomo andio gagi pontisodo mia, oo Ue Ala.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:21

Mokoledo to Isaraeli mbo'u lumako sumapoio ngara ka kareta atuu, ka i'amba numangi ira to Arami mongkokongiri.

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

1 Mokole 3:13

Hapa mbo'u anu nahi u'emao Aku weeakomu, moiko pompolia maupo marambaa, ranta asa ntinuwumu nahi ta hina te'asa mia kana omue i olodo luwuno mokole.

2 Mokole 20:10

Motae i Hisikia, ”Moruana koa eo-eo atuu ta me'ondauako hopulu laampa'a! Posuleno, asalakono eo-eo atuu mosuka hopulu laampa'a i bungkuno.”

Yesaya 49:6

kanandiomo pau-Do, ”Tedeilahi lahi butu kogagi tetenaa-Ku, tumeahako ira sukuno i Yako ka mokule ira to Isaraeli anu mentola. Aku weweuko gagi mewinedo luwuno tongku ka pongkadudui-Ku ka ihawe koa i tompano tolino.”

Yesaya 7:13

Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa?

Yeremia 32:17

Oo, Ue Ala! Menteeano, Saru roso-Miu anu langkai ka tokia anu tererendu Ipokogagiomo langi ka tolino. Nahina maupo te'asa anu nahi Ipolio!

Yeremia 32:27

”Menteeano, Ongkuemo Ue, Ueno luwuno anu tuwu. Hinaoke anu nahi Kupolio?

Yehesikieli 8:17

Ka Do'amba mepau ndi ongkue, ”Nde ukitaoke atuu, hei anano mia? Kara-kara kodeike atuu a nsuku Yehuda meweweu ira wineweu mokoburu anu domeweweuo i ndi'ai? Hangano, wita andio domebuketiakono pobobarasaia ka mokontesingkao mpiha tekuda-Ku. Mentee ntu'u, ondae mpelelu nahi penunu i aro-Ku.

I MARAKUSU 10:27

Ondae i Yesu mengkita ndi ondae ka Dopotae, ”A mia mongkona atuu nahi polio, sine komba kanatuu ndi Ondae Ue ala. Hangano luwuakoano Dopolio Ue Ala.”

I LUKASI 1:37

Hangano ndi Ondae Ue Ala nahina anu nahi ta gagi.”

EPESU 3:20

Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto,