2 Mokole 25:5 - Wunta Mempori

⁵ Sine sorodadudo to Kasidimi lumuluo mokole ka domehaweo i lembono Yeriko. Luwuno sorodaduno ntesiarawo mebintao.

2 Mokole 25:5 Iomraidhean Croise

2 Mokole 25:4

Rere watuno kota atuu binolo ka luwuno sorodadu mpolai i tempono wongi telalo a mpewowa langkai i olono orua rere watu anu umpeda lere bungano mokole, kontongaado to Kasidimi mengkaduo limbu kota atuu. Melako ira te'aro i Araba-Yarade.

2 Mokole 25:6

Domerakoo mokole ka mewawao ndi mokoledo to Babeli i Ribela. Ka do'amba mehukuo.

Yesaya 30:16

tendeano impotae, ”Naahi, kami mpolai mpesawi a ngara,” onaemo ka komiu mpolai nahi teto'ori pe'aroamiu. Mpotae komiu mbo'u, ”Kami mpesawi a ngara anu magasi,” ka ta kanatuu koa mbo'u magasido anu lumulu komiu.

Yeremia 21:7

Umarino atuu, i Sedekia, mokoledo to Yehuda, ka luwuno pegawaino saru palilino kota andio, anu tola inso a haki lele, ponai ka mokoninggoa, Aku meweengako ira a ngkaeno i Nebukanesa, mokole i Babeli, kanandiomo pau-Do i Ue, a ngkaeno iwalido anu momporaakono penaado. Mia ta mepateako ira mata mponai nahina pompehohawa, nahina mokoko'undu ka nahina ampu.

Yeremia 24:8

Sine, kanandiomo pau-Do i Ue: Mentee ntu'u, kana wua ara mosa'o atuu anu nahi pinokongkaa hangano mosa'o, kanatuumo Aku weweuo i Sedekia, mokoledo to Yehuda, saru luwuno mia pinemota'uno, ka luwuno toreano palilino Yerusale anu da mpo'ia i wita andio ka anu rodo i wita Masiri.

Yeremia 34:3

Omue nahi kotola inso a ngkaeno, tendeano manasa rinako ka pineweengako a ngkaeno. Omue kokumitao mokole i Babeli mata saru mata ka onae ta mepau rupa tepo'aro rupa. Ka i'amba omue kolumako i Babeli.

Yeremia 39:5

Sine, sorodadudo to Kasidimi melampuio ka mehaweo i Sedekia i lembono Yeriko. Domerakoo ka mewawao i kota Ribela i wita Hamati, ndi Nebukanesa, mokole i Babeli, anu modontai pohuku ndi onae.

Yeremia 52:8

Sine, sorodadudo to Kasidimi melampuio mokole ka mehaweo i Sedekia i lembono Yeriko. Luwuno sorodaduno ntesiarawo mebintao.

Ponsabangi 1:3

Yehuda domebintaomo palilino hangano marasai ka hangano pompe'ata anu mobea; onae mo'ia i tonga-tongano luwuno tongku, sine nahi pohawe rodoa; isemamo koa anu monsapoi mokompewinsokio tempono itepakada.

Ponsabangi 1:6

Tampulaomo inso a ana beine Sioni luwuno marambano; Petewawano kana iramo rusa anu nahi pohawe pada ewo; ondae mpelempa nahina roso i arodo anu lumulu ira.

Yehesikieli 12:14

Luwuno anu pehori-horino, luwuno anu pompokowali ka sorodaduno, Aku sumiarawoo a luwuno mata angi ka Aku butao ponai i bungkudo.

Yehesikieli 17:21

Luwuno sorodadu bininiki ira memateako ponai ka anu tola ta siniarawo a luwuno mata angi. Ka komiu mento'orio nine Ongkuemo Ue, anu pauo.

Yehesikieli 19:1

Ka omue, penaniakonomo ponsabangi mongkona luwuno petewawado to Isaraeli.