2 Mokole 25:1 - Wunta Mempori

¹ Ia ta'u ko'osio poparentaano, ia wula kohopulu, tanggala hopulu wula atuu, haweomo i Nebukanesa mokole i Babeli saru luwuno sorodaduno sumapoio Yerusale. Onae mekema kumaduo ka mowangu rere watu pongkadu lumimbuo.

2 Mokole 25:1 Iomraidhean Croise

2 Mokole 24:1

I tempono poparentaano i Nebukanesa, mokoledo to Babeli, lumako monsapoi. I Yoyakimi metenunu ndi onae otolu nta'u tehineno. Sine lembuino onae mewolili umewaio i Nebukanesa.

2 Mokole 24:10

I tempo atuu luwuno miano i Nebukanesa mokole i Babeli, lumako sumapoio Yerusale ka kumaduo kota atuu.

2 Mokole 25:2

Kanandiomo kota atuu tekadu hawe a nta'u kohopulu ka asa poparentaano mokole Sedekia.

2 Mokole 25:8

A ntanggala opitu wula ko'olima, ta'u kohopulu ka osio poparentaano mokole Nebukanesa, mokoledo to Babeli, haweomo i kota Yerusale i Nebusaradani, petewawa sorodadu puu mpodagai, pegawaino mokole to Babeli.

1 Tawarika 6:15

i Yosadaki mbo'u winawa tempono Dowawa ira i Ue to Yehuda ka Yerusale a mpontadia molalo kaeno i Nebukanesa.

2 Tawarika 36:11

Tinuwuno i Sedekia rua pulu ka asa nta'u tempono igagi mokole ka hopulu ka asa nta'u tehineno ipoparenta i Yerusale.

Yesaya 29:3

Aku mekema kumaduko, ka moweweu po'ianga pompadasoa ka ute'asi, ka mompontade hadio bente pekorahakoa kumaduko.

Yeremia 21:2

”Pesikenoakamimo pontiso-Do i Ue, hangano i Nebukanesa, mokole i Babeli, meteaa kami! Bara'ura Ondae i Ue Ira weweua kami mengkena kana luwuno wineweu-Do anu kinohali-haliako, ka ibinta kami i Nebukanesa.”

Yeremia 27:8

Sine tongku ka poparentaa anu nahi behe metuudu ndi Nebukanesa, mokole i Babeli, ka anu nahi behe numaao banga we'uno a ntoto pasangano mokole Babeli, tongku atuu Aku humukuakono ponai, mokoninggoa ka haki lele, kanandiomo pau-Do i Ue, ranta ka Kupokotampulaako ira kaedo.

Yeremia 32:1

Pau inso ndi Ondae i Ue hawe ndi Yeremia a nta'u kohopulu poparentaano i Sedekia, mokoledo to Yehuda. Onaemo ta'u ko hopulu ka oalu poparentaano i Nebukanesa.

Yeremia 32:2

I tempo atuu sorodaduno mokole i Babeli kumaduo Yerusale, ka nabi Yeremia tinaha a kintala podagaia anu kongko a langkanaeno mokoledo to Yehuda.

Yeremia 32:24

Menteeano, luwuno rere watu pongkadua tekenseomo pinoko'umpeda ka dompoko'alao kota. Hangano ponai, mokoninggoa ka haki leleno kota atuu pineweengako a ngkaedo to Kasidimi anu mpeteaakono. Ka hapa anu pinau-Miu atuu gagiomo; mentee ntu'u, Omiu isa'a kumitao.

Yeremia 32:28

Onaemo pu'uno kanandiomo pau-Do i Ue: Menteeano, Kupeweengakono kota andio a ngkaedo to Kasidimi ka a ngkaeno i Nebukanesa, mokole i Babeli, ka ta mongko'alao.

Yeremia 4:17

Kana mia anu modagai lere domelimbuo, hangano Yehuda umewaomo ndi Ongkue, kanandiomo pau-Do i Ue.

Yeremia 43:10

Ka u'amba pauako ira: Kanandiomo pau-Do Ueno luwuakoano, Ue Alado to Isaraeli: Menteeano, Ongkue montena mia tumotowoo i Nebukanesa, mokole i Babeli, tetenaa-Ku atuu. Aku numaao kadera poparentaano a luwuno watu anu Kutenaomo wunio andio, ka onae ta wileo umpeo tekosi langkaino potorono i wawono.

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yeremia 51:34

Ongkue kinaa, irawoo i Nebukanesa, mokole i Babeli, iweweuo kana mangko mooa. Onae tumele aku kana ule naga, onae umihiiakono kompono kaangaku anu mo'ahi, ka i'amba lumua aku.

Yeremia 52:1

I Sedekia metinuwu rua pulu ka asa nta'u tempono igagi mokole ka hopulu ka asa nta'u tehineno ipoparenta i Yerusale. Neeno ineno i Hamutali ana beineno i Yeremia, inso i Libina.

Yeremia 6:3

Luwuno puu mpopakambi mehawe ndi onae saru bawaano pinotuwudo. Domempasao luwuno kemado melimbuo, singge mia kumaano tiano.

Yehesikieli 21:14

Omue anano mia, pauomo anu ta gagi ka topaomo kaemu. Po'ineeomo ponai atuu gagi meluka mpendua, meluka pentolu. Onaemo atuu ponai pompepate, ponai ta pompepate anu tedoa hadio, anu lumimbu ira.

Yehesikieli 26:7

Hangano, kanandiomo pau-Do Ue Ala: Mentee ntu'u, Aku wawao i Nebukanesa, mokole i Babeli inso i utara, mokoledo luwuno mokole, ka i'ewaio Tirusi mompake ngara, kareta, sorodadu mpengara, ka tepumpuno sorodadu anu hadio.

Yehesikieli 40:1

A nta'u korua pulu ka olima umarino kimentinadi, a pompu'uano ta'u, tanggala hopulu wula atuu, a nta'u kohopulu ka opaa umarino ninangi kota atuu, a oleo mbo'u atuu pabawa-Do i Ue lumimbu aku ka Dowawa aku

Sakaria 8:19

”Kanandiomo pau-Do Ueno luwuakoano: Tempo puasa a wula ko'opaa, wula ko'olima, wula ko'opitu ka wula kohopulu ta gagi po'undea ka mawongko ka gagi luwuno tempo porame-ramea anu mokomawongko ira suku Yehuda. Onaemo pu'uno kekewoiomo menteea ka sintuwu!”

Winali 28:52

Komiu mengkinadu a luwuno kotamiu, ranta kai tehoa luwuno rerewatumiu anu mantande ka mebente, anu pinerorohimiu i luwuno witamiu. Tendeano komiu mengkinadu i larono luwuno kotamiu, a luwuno wita anu Doweeakomiu i Ue, Ue Alamiu.