2 Mokole 24:4 - Wunta Mempori

⁴ hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

2 Mokole 24:4 Iomraidhean Croise

2 Mokole 21:11

”I Manase mokole i Yehuda moweweuomo luwuno wineweu mokoburu andio, moweweu mosa'o laluaopo sekono luwuno anu wineweudo to Amori anu mese'elungio. Hangano luwuno lahumoano poko'ariano iweweu iramo to Yehuda mpoweweu mbo'u hala.

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

2 Mokole 23:26

Sine Ondae i Ue nahi bali inso a ntekuda-Do anu langkai, anu tensila a nto Yehuda hangano luwuno wineweuno i Manase anu mokotesingkao tekuda-Do.

2 Mokole 24:5

Anu susua inso a nteweweuno i Yoyakimi ka luwuno anu wineweuno, kombake luwuno atuu teburi a wunta tutuludo mokole i Yehuda?

Po'unde-unde 106:38

ka mpo'uwu reano mia anu nahina salano, reano nana'ote ntama ka nana'ote beinedo, anu pinesombaakodo a luwuno lahumoado to Kana'a, onaemo pu'uno wita atuu ka itesosa'ai hangano pasua rea.

Powadi 6:17

mata mompelangka-langkai, elo megaupi, kae anu mo'uwu reano mia anu nahina salano,

Yeremia 15:4

Aku mokogagi ira mongkokongiria a luwuno poparentaa i tolino, hangano i Manase anano i Hisikia, mokole i Yehuda, hangano luwuno anu wineweuno i Yerusale.”

Yeremia 19:4

Hangano, dompebungkui Akumo, mensosa'aio po'ianga andio, ka mpotunu pesomba i tu'ai a luwuno pinesombai susua anu nahi tino'ori moiko ondaedo maupo uempu'udo ka luwuno mokoledo to Yehuda. Domeweweuomo po'ianga andio bukeako reado mia anu nahina salano.

Yeremia 2:34

A lembamu hinawe mbo'u reado mia mongkokolaro anu nahina salado; Uhawe ira komba a tempo tekonai mponako! Maupo luwuno atuu anu gagi,

Yeremia 22:17

Sine matamu ka aroamu butu te'aro a po'ungkea me'uraa, a mpo'uwua reano mia anu nahina salano, a porontua ka pobobarasaia!

Yeremia 32:31

Oo, kota andio mokotesingkaomo mosa'ono aroa ka tensilano tekuda-Ku mompu'u ipinontade hawe oleo andio, onaemo pu'uno asalakono Aku metadiakono inso i aro-Ku,

Ponsabangi 3:42

Tehala kamimo ka me'ewa, nahi oniniakami halamami.

Yehesikieli 22:3

Pauomo: Kanandiomo pau-Do Ue Ala: Hei kota, anu mo'uwu rea i tonga-tongano ranta hawe tempo pohukuano, ka anu weweu ira lahumoano onaemo kumokoburutio koroino.

Yehesikieli 24:6

Onaemo pu'uno kanandiomo pau-Do Ue Ala: Masolaomo kota anu buke pasua rea, kawali menta'ilasi i larono ka ta'ilasino nahi tetadi inso ndi onae! Luarakonomo nte'o'asa mpole siimo ipinontendeako undi.

Yehesikieli 24:8

Ka itesingka tekuda-Ku ka moweweu pombaloa, Kunaao reano atuu a wawo pongku watu anu londa ka si tetutuwi.

Yehesikieli 33:25

Onaemo pu'uno, pauako iramo: Kanandiomo pau-Do Ue Ala: Omiu mpongkaa bau saru reano, matamiu te'aro a luwuno lahumoamiu, ka omiu mpo'uwu rea. Nde komiu mpe'ueo mpihake wita andio?

Podoaa 35:33

Si mensosa'orio wita po'iangamiu, hanganomo rea anu sumosa'orio wita atuu. A wita atuu nahi pinokompoweweuako pesintuwua, hangano rea anu te'uwu i ra'ai, sangkadio saru reano mia anu umuwuomo.

Winali 19:10

Tinoono, kasi te'uwu reano mia anu nahina salano i wita anu Doweeakomiu i Ue, Ue Alamiu, gagi tia pusaka ka pasua rea metako ndi omiu.

Winali 29:19

Sine tewala asa mia i tempono rumongeo pau sumpa andio, irekeo koroino kongko rinonso, ka ipotae: ”Aku koa tekadudui, maupo kupe'ulu watu.” Ranta kai tampula, moiko wita anu me'uwoi maupo anu motu'i.