2 Mokole 24:3 - Wunta Mempori

³ Mentee ntu'u, mongkona atuu gagi a nto Yehuda menunu saru petena-Do i Ue ka doliahako ira inso i aro-Do, hangano luwuno halano i Manase, menunu saru luwuno anu wineweuno,

2 Mokole 24:3 Iomraidhean Croise

Tegagia 50:20

Lano mposongka komiumo anu mosa'o ndi ongkue, sine Ondae Ue Ala mosongka Iramo moikoa, mokomengkaao hapa anu gagi kanandio-andio, onaemo mekariao tuwuno mia hadio.

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Mokole 18:25

Ka mbo'u, nde aku aiwa umewaio wita andio ka rumopuo ba nahi saru Ondae i Ue? Ondae isa'a i Ue mepau Iramo ndi ongkue: Lakomo sapoio wita atuu ka ropuomo atuu!”

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

2 Mokole 24:20

Mentee ntu'u, hanganomo tekuda-Do i Ue kai gagi kanatuu i Yerusale ka Yehuda, ranta Dotadi ira inso i aro-Do. Ka i'amba i Sedekia umewaio mokoledo to Babeli.

2 Tawarika 24:24

Maupo dome'aiwa sorodadu Arami saru tedei sorodadu, sine Ondae i Ue meweengakono sorodadu tedoa hadio atuu a ngkaedo, hangano dobinta Iramo to Yehuda i Ue, Ue Alano uempu'udo. Kanandiomo domeweweuo pohuku ndi Yoasi.

2 Tawarika 25:16

Kontongaano mepau nabi, motaeomo i Amasia ndi onae, ”Nde umariomo ke kimpotoroko gagi puu mpopatudu mokole? Siimo pepau! Nde inehemu ke pinepate?” Nabi atuu komino. Umarino atuu ipotae, ”Kanandio-andio kuto'orio nine Doputusiomo Ue Ala Ira sumolangiko, hangano uweweuomo mongkona atuu, ka nahi uperorongeakono patuduku!”

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yesaya 45:7

anu mokogagio mewine ka mokogagio wongi-wongi, anu mokogagio sintuwu manangai ka mokogagio masolaa; Ongkuemo Ue anu weweuo luwuno andio.

Yeremia 32:31

Oo, kota andio mokotesingkaomo mosa'ono aroa ka tensilano tekuda-Ku mompu'u ipinontade hawe oleo andio, onaemo pu'uno asalakono Aku metadiakono inso i aro-Ku,

Yeremia 52:28

Ndiomo hadiono palili anu winawano i Nebusaradani a pontadia: A nta'u ko'opitu, tolu nsowu rua pulu ka otolu to Yehuda;

Yehesikieli 22:3

Pauomo: Kanandiomo pau-Do Ue Ala: Hei kota, anu mo'uwu rea i tonga-tongano ranta hawe tempo pohukuano, ka anu weweu ira lahumoano onaemo kumokoburutio koroino.

Yehesikieli 24:6

Onaemo pu'uno kanandiomo pau-Do Ue Ala: Masolaomo kota anu buke pasua rea, kawali menta'ilasi i larono ka ta'ilasino nahi tetadi inso ndi onae! Luarakonomo nte'o'asa mpole siimo ipinontendeako undi.

Amosi 3:6

Tewala pinuuri tawuwua i asa kota, nahi dompondidi-ndidi ke palilino? Tewala gagi urasa'o i asa kota, kombake Ondae i Ue anu weweuo?

Mika 2:10

Lakomo pontuturako, hangano andio komba po'ianga penaa-naaa, hangano mokoburua anu mompepate, ka mateano nahi tepomule.

Winali 28:63

Kana mawongko-Do i Ue ndi omiu, Ira moweweu moiko ndi omue ka weweukomiu mehadio, kanatuumo mawongko-Do i Ue ndi omiu Ira sumolangi komiu ka rumopukumiu. Komiu mebinuta inso a wita, ba isua komiu melako mpetorokio.

Winali 29:28

Dobuta iramo i Ue inso i witado a laro ntekuda ka mokulano aroa ka o'alia-Do ntu'u, ka Do'amba metadiako ira i wita susua, kana anu gagi kanandio-andio.

Yosua 23:15

Sine kana anu haweomo ndi omiu luwuno anu moiko, anu Dodandiakomiumo Ondae i Ue, Ue Alamiu, kanandiomo Ondae i Ue Ira moweeakomiu luwuno anu nahi moiko ranta ka Dopokoropu komiu inso ia wita anu moiko andio, anu Doweeako miumo Ondae i Ue, Ue Alamiu.