2 Mokole 24:2 - Wunta Mempori

² Ondae i Ue tumena ira gerombola Kasidimi, gerombolado to Arami, gerombolado to Moabi ka luwuno gerombola inuleno i Amoni umewaio i Yoyakimi. Dotena ira lumako umewaio Yehuda ka dosolangi ira menunu saru pau-Do i Ue anu pinohawe-Do tetenaa-Do luwuno nabi.

2 Mokole 24:2 Iomraidhean Croise

2 Mokole 20:17

Menteeano, ta hawe tempono, luwuno anu hina a langkanaemu ka anu ninaado uempu'umu hawe oleo andio ta winawa i Babeli. Nahina anu ta tebinta, kanandiomo pau-Do i Ue.

2 Mokole 22:16

Kanandiomo pau-Do i Ue, Menteeano Aku mompotii masolaa a mpo'ianga andio ka a mpalilino, menunu saru luwuno pauno wunta anu umari basaomo mokole i Yehuda,

2 Mokole 23:27

Ka i'amba mepau Ira i Ue, ”To Yehuda mbo'u Aku lumiahako ira inso i aro-Ku kana Kuliahako ira to Isaraeli, ka nahi Aku tumarimao Yerusale, kota anu bininiki-Ku andio, ka raha andio, maupo mepau Akumo: Nee-Ku ta mo'ia i ra'ai!”

2 Mokole 6:23

Ipatindaako ira pelimbua anu langkai. Umarido mpongkaa ka mpo'inu, mempinotola iramo ka domelako ndi uedo. Kanandiomo luwuno gerombolado to Arami nami dompewinsokio mbo'u witado to Isaraeli.

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

Ayubi 1:17

Kontongaano mepau mia atuu, hawe mia susua ka ipotae, ”To Kasidimi mpoweweu otolu bawaa sorodadu, ka do'amba mensapoi ira unta ka merontuo saru numangiako ira ponai puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Yesaya 13:5

Ondae me'aiwa inso a wita olai, oo inso i tompano langi: Ondae i Ue saru parewa ntekuda-Do Ira rumawo-rawoo asa wawontolino.

Yesaya 28:19

Sompo ihawe, ta rumende komiu, hangano sompo mo'oru onae ta hawe, i tempono meene ka i tempono wongi; tedoa mongkokongiri ntu'u tewala pinokonto'ori pau anu rinonge atuu.

Yesaya 7:17

Ondae i Ue Ira mompotii ndi omue, a mpalilimu ka a mpe'etumu tempo masukaraa kana anu napi hori gagi mompu'u i Eparai meliahako inso i Yehuda, molalo mokoledo to Asuri.”

Yeremia 12:9

Tia pusaka-Ku gagiomo kana manu-manu mpongkaa kosume ndi Ongkue. Manu-manu mpongkaa bau menggowoo. Hio, pumpu iramo luwuno kondehora mo'ila, wawa iramo ka domepingkoo!

Yeremia 25:1

Pau anu hawe ndi Yeremia mongkona luwuno to Yehuda a nta'u ko'opaa poparentaano i Yoyakimi ana ntamano i Yosia, mokoledo to Yehuda, onaemo a nta'u amba-ambano poparentaano i Nebukanesa, mokole i Babeli.

Yeremia 25:9

menteeano, Aku tumena ira luwu suku tongku i utara, kanandiomo pau-Do i Ue, ka lumeluo mbo'u i Nebukanesa, mokole i Babeli, tetenaa-Ku atuu; Aku wawa ira me'ewaio wita andio, palilino ka umewai ira tongku petengi-tengino andio, anu Aku rumopuo ka weweuo gagi asa anu mompokodoito, pomansu pasinggiri ka terawono anu nahina tampulaano.

Yeremia 26:20

Hinao mbo'u asa mia anu mompau anu ta gagi a nee-Do i Ue, onaemo i Uria anano i Semaia inso i Kirati-Yearimi. Onae mompau anu ta gagi mongkona kota ka wita andio mengkena kana anu pinauno i Yeremia.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 32:28

Onaemo pu'uno kanandiomo pau-Do i Ue: Menteeano, Kupeweengakono kota andio a ngkaedo to Kasidimi ka a ngkaeno i Nebukanesa, mokole i Babeli, ka ta mongko'alao.

Yeremia 35:11

Sine tempono i Nebukanesa, mokole i Babeli, aiwa sumapoio wita andio, mpotae kami: Aiwa tompolai melako i Yerusale, hangano sorodadudo to Kasidimi ka sorodadudo to Arami atuu! Kanatuumo kimpo'ia i Yerusale.”

Yeremia 52:28

Ndiomo hadiono palili anu winawano i Nebusaradani a pontadia: A nta'u ko'opitu, tolu nsowu rua pulu ka otolu to Yehuda;

Ponsabangi 1:17

Sioni tumineo kaeno, sine nahina tumareroo; mongkona i Yako, Ondae i Ue tumena ira mia petengi-tengino gagi ewaino. Yerusale gagi mokoburu i olodo.

Yehesikieli 19:8

Luwuno tongku mpentade me'ewaio inso a luwuno wita anu lumimbuo, ondae menta'oo buani ira merakoo ka mengkaduo a laro aa kineke.

Yehesikieli 23:23

to Babeli ka luwuno to Kasidimi, to Pekoda, to Soa ka to Koa, ka luwuno to Asuri mperonga saru ondae, mangalitau anu montama, luwuno bupati ka luwuno anu mempabawa, luwuno petewawa sorodadu ka luwuno sorodadu, luwuno anu mpesawi a ngara.

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

Habaku 1:6

Hangano menteeano, Aku montade ira to Kasidimi, tongku anu lambaha ka ineheno matea atuu, anu sumompoo luwuno siuno tolino ta mompentoroki po'ianga, anu komba ondae ueno.