2 Mokole 24:14 - Wunta Mempori

¹⁴ Iwawao luwuno palilino Yerusale a pontadia, luwuno tadulako sorodadu ka luwuno puu mpetea anu moroso ka mosia, hadiono hopulu nsowu mia tinawa, luwuno mbo'u puu mpo'angga ka puu mpolabu. Nahina bininta sangkadio mia memongkokolaro inso i olono palili.

2 Mokole 24:14 Iomraidhean Croise

2 Mokole 24:16

Luwuno mia anu moroso ka mosia, pitu nsowu mia hadiono, luwuno puu mpo'angga ka puu mpolabu, asa nsowu mia hadiono, luwuno puu mpetea anu moroso metea, iwawa ira mokoledo to Babeli gagi mia tinadi i Babeli.

2 Mokole 25:12

Butu ba opia mia mongkokolaro inso i wita atuu ibintao petewawado puu mpodagai atuu ka domegagi puu mpo'angga lere anggoro ka puu mpo'angga bonde.

1 Tawarika 9:1

Luwuno to Isaraeli teburi a laro potudano tumuwu. Needo teburi a laro wuntado luwuno mokole i Isaraeli. Kanatuumo to Yehuda mewinawa a pontadia i Babeli, hangano nahi dompetenunu.

Esera 2:1

Ndiomo luwuno mia i wita atuu anu mpekule inso a mpo'iangado mentinawa, anu i ndi'ipua mewinawa i Babeli, iwawa ira i Nebukanesa, mokole i Babeli, ka anu mpekule i Yerusale, i wita Yehuda, a sompo-sompo kotado.

Nehemia 1:2

haweomo i Hanani, asa mia inso a luwuno pepaekompoku meronga ba'opia mia inso i Yehuda. Mesikeno aku ndi ondae mongkona luwuno to Yahudi anu tola, nahi domentinawa, ka mongkona mbo'u Yerusale.

Esetere 2:6

anu winawa inso i Yerusale gagi asa mia tinabua merongaakono i Yekonia, mokole Yehuda, tempono i Nebukanesa, mokole i Babeli wawao a pontadia.

Yesaya 3:2

puu mpetea ka sorodadu, puu mpobitara ka nabi, anu mompau nahi manasa ta gagi ka mia memota'u,

Yeremia 27:20

anu nahi alao i Nebukanesa, mokole i Babeli, tempono iwawao i Yekonia anano i Yoyakimi, mokoledo to Yehuda, a pontadia meronga luwuno mia pinemota'u i Yehuda ka i Yerusale, inso i Yerusale lumako i Babeli.

Yeremia 28:4

I Yekonia mbo'u anano i Yoyakimi, mokoledo to Yehuda, ka luwuno mia mentinadi inso i Yehuda anu winawa i Babeli Aku wawa ira mpekule a mpo'ianga andio, kanandiomo pau-Do i Ue! Mentee ntu'u, Aku puduo pasangano mokole i Babeli atuu!”

Yeremia 29:2

Mongkona andio gagi umarino Mokole Yekonia meronga inedo mokole, luwuno anu langkai potorono, luwuno pinemota'udo to Yehuda ka Yerusale, puu mpo'angga ka anu pande mpo'angga labu mpeluarako inso i Yerusale.

Yeremia 39:10

Sine, asa ntia inso a mpalili, mia mongkokolaro tuwudo anu nahina hapa-hapado, ibinta ira i Nebusaradani, petewawa sorodadu podagai mokole i wita Yehuda. I tempo atuu ipoweeako ira mbo'u lere anggoro ka pelerea.

Yeremia 40:7

Luwuno tadulako sorodadu, anu da mekongko a mpada saru luwuno miado, merongeo nine mokole i Babeli motoroomo i Gedalia anano i Ahikami anano i Sapani gagi anu pabawa i wita atuu, saru mbo'u luwuno tama, beine ka nana'ote, luwuno mia mongkokolaro tuwudo i wita atuu, anu nahi domewinawa a pontadia i Babeli.

Yeremia 52:16

Butu ba'opia mia mongkokolaro tuwudo inso i wita atuu ibintao i Nebusaradani, petewawa sorodadu podagai mokole atuu, ka domegagi mpo'angga lere anggoro ka mpelere.

Yeremia 52:28

Ndiomo hadiono palili anu winawano i Nebusaradani a pontadia: A nta'u ko'opitu, tolu nsowu rua pulu ka otolu to Yehuda;

Yehesikieli 17:14

ka igagi molema poparentaa atuu ka nahi pe'ewa mbo'u, saru mbo'u uminio moroso pedandia atuu ranta ka ipekorahako mpiha.

Yehesikieli 17:3

Potaemo, Kanandiomo pau-Do Ue Ala: Asa manu-manu rajawali langkai anu mepani langkai ka ondau, buke wuluno mpesora-sora aiwa a ntorukuno Libano. Ka onae mo'ala sampano keu arasi,

I MATIU 1:11

Tempono domentinawa i Babeli, i Yosia me'anaako ira i Yekonya ka saru pepaekompono.

I MATIU 1:12

Umarido mentinawa i Babeli i Yekonya me'anaakono i Sealatie, i Sealatie me'anaakono i Serubabe,

I MATIU 1:17

Gaagi luwuno hinao: hopulu ka opaa inule inso ndi Burahima hawe ndi Daudi, hopulu ka opaa inule inso ndi Daudi ranta ka domentinawa i Babeli, ka hopulu ka opaa inule insono domentinawa i Babeli ranta hawe ndi Ondae i Kerisituu.

Winali 28:36

Ondae i Ue, Ira wawakomiu meronga saru mokole anu pinotoromiu a asa tongku anu nahi imento'orio maupo ondae uempu'umiu. I ra'aimo komiu mpesomba a pinesombai susua, a ngkeu ka a watu.

1 Samueli 13:19

A luwuno wita Isaraeli nahina puu mpolabu, hangano potaedo to Pelisiti, ”Kasihina to Ibarani molabu ponai ka kansai.”