2 Mokole 23:6 - Wunta Mempori

⁶ Luwuno karuno pelahumoa inso a raha-Do i Ue winawa i bungkuno kota Yerusale, a ngkorono mo'are Kidironi, ka i'amba tinunu i tu'ai ka pinokomotutu gagi awu. Ka i'amba metadiakono awuno a wawo ngkaburudo palili i totono.

2 Mokole 23:6 Iomraidhean Croise

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

1 Mokole 15:13

Tendeano ipokompenaa-naao i Ma'aka, ueno beine inso a mpotorono ine mokole hangano ueno atuu moweweu tinaha Asera anu minokoburuako. Ipobangkuo i Asa tinaha anu minokoburuako atuu ka itunuo i lembono Kideroni.

1 Mokole 16:33

Umarino atuu i Ahabi moweweu tinaha Asera ka moweweu laluaopo sekono atuu, ranta mokotesingkao tekuda-Do i Ue, Ue Alado to Isaraeli, laluaopo inso a luwuno mokoledo to Isaraeli anu mese'elungio.

1 Mokole 2:37

Hangano i tempono upeluarako ka sumakio Korono Mo'are Kidironi, to'oriomo nine manasa kopinepate ka reamu ta pinopotembiako a ngkoroimu omuemu.”

2 Mokole 10:26

Domeluarakono luwuno tuguno raha Ba'ala ka do'amba mentunuo.

2 Mokole 10:27

Ka do'amba mpobangkuo tuguno Ba'ala ka raha Ba'ala. Dompokogagio po'ianga pontadia ta'i hawe oleo andio.

2 Mokole 21:7

Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Mokole 23:12

Dopobangkuo mokole luwuno meda pontunua pesomba anu kongko a wawo ato, anu wineweudo luwuno mokole i Yehuda, a mpe'angi-angiano i Ahasi ka luwuno meda pontunua pesomba anu wineweuno i Manase a orua kintalano raha-Do i Ue. Ondae mokole rumawoo i ra'ai, ka i'amba awuno pinetadiako a ngkorono mo'are Kidironi.

2 Mokole 23:15

Ipobangkuo mbo'u meda pontunua pesomba i Beteli, po'ianga pompesombaia anu wineweuno i Yerobea anano i Nebati anu poko'ariano to Isaraeli mpoweweu hala. Meda pontunua pesomba ka po'ianga pompesombaia mbo'u atuu ipobangkuo. Luwuno watuno ipehao ka ipokomotutuo gagi awu, ka i'amba tumunuo karuno lahumoa.

2 Tawarika 15:16

Tendeano i mokole Asa mokompenaa-naao i Ma'aka, ueno beine inso a mpotorono gagi inedo mokole, hangano ueno beine moweweu tinaha Asera anu minokoburuako. I Asa mobangkuo tinaha anu minokoburuako atuu, umisao ranta kai motutu ka tumunuo i koro Kidironi.

2 Tawarika 33:3

Onae wali wanguo luwuno po'ianga pesombaa anu umari pinobangkuno i Hisikia, amano; Iwanguo luwuno meda pontunua pesomba tiado Baala, weweuo luwuno tinaha tadeno i Asera ka menggolontu mesomba a ihino langi ka mesomba ndi onae.

2 Tawarika 34:4

Luwuno meda pontunua pesombado Baala ipobangkuo i arono, umarino atuu iperawo-rawo ira pontunua dupa anu kongko i wawono. Ipuro-puroo ka ipokoropuo luwuno karuno lahumoa, luwuno tinaha pina'o ka tinaha tinawa, ka i'amba merawoakono a wawo ngkaburudo mia anu mpopesombaako pesomba a luwuno lahumoa atuu.

Peluarakoa 32:20

Umarino atuu i'alao anano sapi anu wineweudo, itunuo kai isao ranta motutu. Ka i'amba rumawoo a wawo uwoi ka itena ira to Isaraeli me'inuo.

Yeremia 17:2

gagi pepopoto'ori ndi ondae! Luwuno meda pontunua pesomba ka luwuno karuno pelahumoaado lano kongko i horino keu anu marombo leweno i wawono luwuno pongku anu mantande,

Yeremia 22:18

Onaemo pu'uno kanandiomo pau-Do i Ue mongkona i Yoyakimi anano i Yosia, mokoledo to Yehuda, ”Onae nahi ira mensabangio mia: Wainto pepaekompoku, wainto pepaekompoku beine! Onae nahi ira mensabangio mia: Wainto ue, wainto Tua Langkai!

Yeremia 31:40

Luwuno lembono atuu, saru luwuno wata ngkoroi ka awuno pesombano, ka luwuno wita i wiwi ngkoro Kidironi hawe a nsiuno Pewowa Langkai Ngara te'aro i sabaano oleo, ta gagi mempori ndi Ondae i Ue, ka nahi ta rinawo-rawo ke pinobangku mbo'u ranta nahina tampulaano.”

I YOHANE 18:1

Umari-do i Yesu pauo luwuno atuu meluarako Iramo inso i tu'ai mperonga saru ana guru-Do ka domelako i asatowano koro Kidoro. I tu'ai hinao aasa bonde ka Dopewinso a bonde atuu mperonga saru ana guru-Do.

Winali 7:25

Luwuno tinaha anu pinesombaido asalakono imentunuo luwu. Si monsisiriakono salaka ke wulaa anu hina ndi ondae ka si me'alao tiano koroimiu, kasi mente'ohoako onae, hangano mongkona atuu onaemo mokoburu-Do i Ue, Ue Alamiu.

Winali 9:21

Sine ana nsapi, anu mokontehala komiu, ku'alao ka kutunuo ia api, ka ku'amba rumawo-rawoo ka kugilio momoiko ranta kai motutu gagi awu. Awuno atuu kupetadiakono a ngkorono anu waa metii inso a ntorukuno.

Puu Mpobitara 3:7

To Isaraeli mpoweweu anu mosa'o i aro-Do i Ue, domengkolupe Ira i Ue, Ue Alado, ka mpesomba ia luwuno Bala ka luwuno Asera.