2 Mokole 23:4 - Wunta Mempori

⁴ Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Mokole 23:4 Iomraidhean Croise

2 Samueli 15:23

Luwuno inia mia mpengese meroku, tempono luwuno bawaa atuu ntelalo. Ondae mokole sumakio koro Kidironi ka luwuno bawaa atuu mpelempa tetutu i pada one.

1 Mokole 12:29

Ka i'amba numaao asa sapi wulaa i Beteli, ka sapi susuano inaao i Dani.

1 Mokole 15:13

Tendeano ipokompenaa-naao i Ma'aka, ueno beine inso a mpotorono ine mokole hangano ueno atuu moweweu tinaha Asera anu minokoburuako. Ipobangkuo i Asa tinaha anu minokoburuako atuu ka itunuo i lembono Kideroni.

1 Mokole 16:31

Napi pesompoo tuwu a laro luwuno halano i Yerobea anano i Nebati, i'alao mbo'u i Isebeli, anano i Etiba'ali, mokoledo to Sidoni, gagi kombiano, ranta kai lako mesomba a Baala ka ipenggolontu melangkaio.

1 Mokole 18:19

Kanandio-andio, tena iramo luwuno to Isaraeli mpepumpu ka dontepohaweakune i torukuno Karameli, ka mbo'u pato etu lima pulu nabi Baala ka pato etu nabi Asieri, anu mpongkaa a medano i Isebeli.”

1 Mokole 18:26

Dome'alao sapi anu domewineeako, mempatindao ka mempoboio neeno Ba'ala mompu'u mo'oru hawe ntonga oleo, dompotae, ”Oo Ba'ala, sangki kamimo!” Sine nahina anu sumangki. Mpelonso-lonso ira melimbuo meda pontunua pesomba anu wineweudo.

1 Mokole 18:40

Motae i Elia ndi ondae, ”Imerako iramo luwu nabi Ba'ala atuu, si mpo'ineeo maupo te'asa mia inso ndi ondae anu tola.” Mansado merinako, iwawa ira i Elia a ngkorono Kisoni ka isumbele ira i ra'ai.

1 Mokole 19:18

Sine Aku mobinta pitu nsowu mia i Isaraeli, luwuno mia anu nahi penggolontuu mesombaio ka nahi wowooo i Ba'ala.”

2 Mokole 10:26

Domeluarakono luwuno tuguno raha Ba'ala ka do'amba mentunuo.

2 Mokole 12:10

Mansado mengkitao nine doi a laro burua atuu hadioomo, puu mpoburido mokole aiwa meronga sando mpesomba langkai, ka i'amba tinongo ka dinoa anu tepumpu a laro raha-Do i Ue.

2 Mokole 17:16

Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

2 Mokole 21:5

Iwangu ira mbo'u meda pontunua pesomba tiado ihino langi a orua kintalano raha-Do i Ue.

2 Mokole 21:7

Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Mokole 22:4

”Lakomo ndi sando mpesomba langkai Hilikia. Tenaomo kai peweengakono luwu doi anu winawa a laro raha-Do i Ue, anu domepumpuomo puu mpodagai pewowa inso a mpalili.

2 Mokole 23:12

Dopobangkuo mokole luwuno meda pontunua pesomba anu kongko a wawo ato, anu wineweudo luwuno mokole i Yehuda, a mpe'angi-angiano i Ahasi ka luwuno meda pontunua pesomba anu wineweuno i Manase a orua kintalano raha-Do i Ue. Ondae mokole rumawoo i ra'ai, ka i'amba awuno pinetadiako a ngkorono mo'are Kidironi.

2 Mokole 23:15

Ipobangkuo mbo'u meda pontunua pesomba i Beteli, po'ianga pompesombaia anu wineweuno i Yerobea anano i Nebati anu poko'ariano to Isaraeli mpoweweu hala. Meda pontunua pesomba ka po'ianga pompesombaia mbo'u atuu ipobangkuo. Luwuno watuno ipehao ka ipokomotutuo gagi awu, ka i'amba tumunuo karuno lahumoa.

2 Mokole 25:18

Ka i'amba petewawado sorodadu puu mpodagai atuu rumakoo i Seraya, petewawa sando mpesomba, ka i Sepanya, sando mpesomba i totono, saru otolu ira puu mpodagai pewowa.

2 Tawarika 15:16

Tendeano i mokole Asa mokompenaa-naao i Ma'aka, ueno beine inso a mpotorono gagi inedo mokole, hangano ueno beine moweweu tinaha Asera anu minokoburuako. I Asa mobangkuo tinaha anu minokoburuako atuu, umisao ranta kai motutu ka tumunuo i koro Kidironi.

2 Tawarika 33:3

Onae wali wanguo luwuno po'ianga pesombaa anu umari pinobangkuno i Hisikia, amano; Iwanguo luwuno meda pontunua pesomba tiado Baala, weweuo luwuno tinaha tadeno i Asera ka menggolontu mesomba a ihino langi ka mesomba ndi onae.

2 Tawarika 33:7

Inaao mbo'u tinaha lahumoa anu iweweuomo a laro raha-Do Ue Ala, kahinaano Ondae Ue Ala mepau Iramo ndi Daudi ka ndi Salomo, anano, ”A laro raha andio ka i Yerusale, anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Yeremia 52:24

Ka i'amba petewawa sorodadu podagai mokole atuu rumakoo i Seraia, petewawado sando mpesomba, ka i Sepania, sando mpesomba i totono, saru otolu podagai pewowa.

Yeremia 7:9

Nde kana'umpe umarimiu mponako, mpompepate, mpososabo ka mpesumpa mpegaupi, mpontunu pesomba a Baala ka mpotonda pinesombai susua anu nahi imento'orio,

Yehesikieli 8:6

Pau-Do ndi ongkue, ”Hei anano mia, nde ukitaoke hapa anu wineweudo, luwuno wineweu tedoa mokoburu anu wineweudo suku Isaraeli i ndi'ai, ranta Ongkue asalakono me'olaiako inso a mpo'ianga mempori-Ku? Tendeano kokumitao luwuno wineweu mokoburu anu lalu langkai mbo'u.”

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Sepanya 1:4

Aku tumaangakono kae-Ku ndi Yehuda ka luwuno palilino Yerusale. Aku mokotampulao inso a mpo'ianga andio luwuno toreano Baala ka neeno sando mpesomba lahumoa i olodo luwuno sando mpesomba.

I MATIU 26:3

I tempo atuu mpepumpu iramo petewawado sando mpesomba ka mia memota'udo tongku Yahudi a langkanaeno Sando Mpesomba Langkai anu meneeako i Kayapa,

I MATIU 27:1

Tempono tamo meene, luwuno petewawado sando mpesomba ka mia memota'udo tongku Yahudi mpepumpu ka mempakosio ka Dopinepate i Yesu.

I YOHANE 18:1

Umari-do i Yesu pauo luwuno atuu meluarako Iramo inso i tu'ai mperonga saru ana guru-Do ka domelako i asatowano koro Kidoro. I tu'ai hinao aasa bonde ka Dopewinso a bonde atuu mperonga saru ana guru-Do.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.