2 Mokole 23:3 - Wunta Mempori

³ Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

2 Mokole 23:3 Iomraidhean Croise

2 Mokole 11:14

Ikitao mokole mentade umpeda a ngkaru raha-Do i Ue, menunu saru anu wela wineweu, kontongaado anu langkai potorono saru luwuno puu pompuuri tawuwua kongko umpeda ndi ondae mokole. Luwuno palili mpo'unde ka dompopuuri tawuwua. I Atalia berio sangkano ka ipebooli, ”Domerontuomo pabawaku, domerontuomo pabawaku!”

2 Mokole 11:17

Ka i'amba i Yoyada moweweu pedandia olo-Do i Ue ka mokole ka palili nine ondae megagi bawaa-Do i Ue; ka i'olodo mbo'u mokole ka palili.

2 Tawarika 15:15

Luwuno Yehuda memawongkoakono sumpa atuu, hangano tompaanomo aroado dompesumpa. Ka i'amba saru pompo'asa aroa anu bobotoli do'ungke Ira i Ue. Ondae i Ue memoikoo dontepohaweako Ira ka moweeako ira rodoa ndi ondae i suamo koa.

2 Tawarika 23:13

Ikitao mokole mentade umpeda karuno langkanaeno a nsala mewinso, kontongaado anu langkai potorono saru luwuno puu pompuuri napiri kongko umpeda ndi mokole. Luwuno palili i wita atuu memawongko ka dompopuuri napiri, kontongaano luwuno puu mpenani saru luwuno parewa mpenanido, wawao penani po'unde-unde, i Atalia berio sangkano ka ipotae, ”Domerontuomo pabawaku, domerontuomo pabawaku!”

2 Tawarika 23:16

Ka i'amba i Yoyada moweweu pedandia i'olodo luwuno palili saru onae ka mokole, nine ondae megagi bawaa-Do i Ue.

2 Tawarika 29:10

Kanandio-andio montoo aku mowutu pedandia saru Ondae i Ue, Ue Alano i Isaraeli, ka tekuda-Do anu tensila atuu ka ibinta kita.

Esera 10:3

Kanandio-andio, aiwamo ka tompowutu pedandia saru Ondae Ue Ala, nine kita mentena ira luwu melako beine atuudo saru nana'ote anu pine'anaakodo, tumondao patudumiu ka luwuno mia anu medoito a parenta-Do Ue Alato. Po'ineeomo luwuno atuu iwineweu montonda songka hopulu.

Nehemia 10:1

Anu mompotako pontondoni, onaemo i Nehemia anano i Hakalia, petewawado ka i Sedekia,

Nehemia 5:13

Ongkue mbo'u metapisakono lupino lembaku kakupotae, ”Kanatuumo sompo mia anu nahi ihiio dandi andio, Ira tumapisakono Ue Ala inso a rahano ka hinaweno a mpe'iseino. Kanandiomo i tinapisako ka gagi mongkokolaro.” Luwuno bawaa mpotae, ”Ami,” ka do'amba umunde-unde Ira i Ue. Palili mbo'u umihiio dandino atuu.

Nehemia 9:38

Me'empehiako luwuno andio kami mpoweweu pedandia moroso, anu binuri ka luwuno petewawamami, to Lewi saru luwuno sando mpesomba mponaakono petondoni.

Peluarakoa 24:3

Haweomo i Musa pauako ira tongku atuu luwuno pau-Do i Ue ka luwuno atora; luwuno tongku atuu tepo'asa sangkido, ”Luwuno pau anu pinau-Do i Ue kami meweweuo.”

Puu Pontutulu 8:2

Tondaomo parentado mokole kana sumpamu ndi Ondae Ue Ala.

Yeremia 34:15

Oleo andio ntepidi komiumo ka mpoweweu hapa anu mentee a pongkita-Ku hangano sompo mia mopoto'orio pompotolaa a mpepaekompono, ka mpoweweu komiumo pedandia i aro-Ku a raha anu nineeako montonda nee-Ku.

Yeremia 34:8

Pau inso ndi Ondae i Ue anu hawe ndi Yeremia, umarino Mokole Sedekia moweweu pedandia saru luwuno palili anu kongko i Yerusale ka ipinopoto'ori pompotolaa:

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Yeremia 50:5

Ondae mpesikenoakono sala lumako i Sioni, i ra'aimo te'aroano rupado. Ondae me'aiwa ka tepo'asaako Ira i Ue, a laro mpedandia nahina tampulaano anu nahi ta kinolupe!

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 11:13

Tewala mentee ntu'u imperorongeakono parenta anu kupohaweakomiu a oleo andio, ranta kai mpehohawa Ira i Ue, Ue Alamiu, ka mpesomba ndi Ondae a tompaano aroamiu ka a tompaano sumangamiu,

Winali 13:4

Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

Winali 29:1

Ndiomo pauno pedandia anu winutuno i Musa saru to Isaraeli i wita Moabi montonda saru parenta-Do i Ue, mokosompoo pedandia anu winutu-Do saru ondae i Torukuno Hore.

Winali 4:45

Ndiomo pepopoto'ori, pompakosi, ka atora anu pinohaweno i Musa a nto Isaraeli, a laro pelempaado mpeluarako inso i wita Masiri,

Winali 6:1

Ndiomo parenta, onaemo pompakosi ka atora, anu aku paguruakomiu a parenta-Do i Ue, Ue Alamiu, kai wineweu i wita, ba isua imelako komiu mpetorokio.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

Winali 8:19

Sine tewala imengkolupe Ira ntu'u i Ue, Ue Alamiu, ka mpotonda anu pinesombai susua, mpesomba ndi onae ka mpenggolontu mpelangkaio, kupopoto'oriakomiu oleo andio, nine omiu manasa memate.

IBARANI 12:24

ka ndi Ondae i Yesu, Po'oloti pedandia wo'ohu, ka a rea tinawisi, anu morosoopo ipepau sekono reano i Habeli.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,