2 Mokole 23:13 - Wunta Mempori

¹³ Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

2 Mokole 23:13 Iomraidhean Croise

1 Mokole 11:33

Hangano dompembungkui Akumo ka mpenggolontu ira mpesombaio i Asitore, pinesombaido to Sidoni, i Kamosi, pinesombaido to Moabi, ka i Miliko, pinesombaido inuleno i Amoni. Ondae mbo'u nahi domentuwu mentondao sala-Ku ka mpoweweu anu mentee a pongkita-Ku, luwuno pompakosi ka atora-Ku kana i Daudi, amano.

1 Mokole 11:5

Kanandiomo i Salomo mesombaio i Asitore, lahumoa beinedo to Sidoni ka i Miliko, pesombaado to Amoni anu mokoburu.

1 Mokole 11:7

I tempo atuu, i Salomo mowangu pongku wita pesombaa ndi Kamosi, mokoburua anu pinesombaido to Moabi, i torukuno i sabaano oleo i Yerusale ka ndi Moloki, mokoburua anu pinesombaido inuleno i Amoni.

Nehemia 13:26

Komba hangano anu kanatuuke i Salomo, mokole i Isaraeli moweweuomo hala? Maupo i olono hadio ntu'u tongku nahina mokole kana onae, anu pinehohawa-Do Ue Alano ka Ondae Ue Ala atuu motoroo gagi mokole a luwuno Isaraeli, sine onae tewawaomo a laro hala hangano luwuno beinedo mia hawe atuu.

Yesaya 44:19

Nahina anu tumimbangao, nahi sompo ponto'ori ke mokonto'orio ka ipauo, ”Entongano kutunuomo a laro api ka a wawo warono mbo'u kutunuo roti, kuraramio bau, ka ku'amba kumaano. Kana'umpe ta moiko toreano kuweweuo gagi lahumoa minokoburuako? Kana'umpe aku menggolontu mesomba a ngkeu motu'i?”

Yeremia 11:13

Hangano kana hadiono kotamu kanandiomo hadiono pinesombaimu, hei Yehuda. Kana hadiono sala i Yerusale kanandiomo hadiono meda pontunua pesomba anu pinontademiu pontunua pesomba tiano Baala.

Yeremia 48:13

Moabi ta gagi mokoko'ii hangano pinesombai Kamosi, kana suku Isaraeli gagi mokoko'ii hangano Beteli, pinerorohido.

Yeremia 48:16

Masolaano Moabi umpedaomo, urasa'ono tamo ronga hawe.

Yeremia 48:7

Mentee ntu'u, hangano omue momperorohi a mpineko'aniakomu ka ponaapa arataamu, omue mbo'u kopinongko'ala; Kamosi ta lumako a laro pontadia, meronga luwuno sando mpesomba ka mia pinemota'uno.

Sepanya 1:5

Aku mokotampula ira mbo'u anu mpenggolontu mpesombaio sorodaduno langi a wawo ato ka ondae anu mpenggolontu mpesomba, mpesumpa mpetenunu ndi Ondae i Ue, sine mpesumpa mbo'u a lahumoa Milikomi,

Podoaa 21:29

Masolakomo, oo Moabi! Memasola komiumo, oo tongkuno i Kamosi! Iweweuo luwuno ana ntamano gagi mia mpolai, ka luwuno anano beine gagi mia ntinawa ndi Sihoni, mokoledo to Amori.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 11:24

Nde komba ke anu rinontuno i Kamosi, anu pinesombaimiu, onaemo gagi tiamu? Kanandiomo luwuno anu rinontu-Do i Ue, Ue Ala mami, ndi omami, onaemo atuu gagi tia mami.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.

1 Samueli 12:10

Mpeboo-booli ira ndi Ondae i Ue: Mentehala kamimo, hangano kimpebungkui Iramo i Ue ka mpesomba a luwuno Baala ka Asitore. Kanandio-andio ipotola kamimo inso a ngkaedo iwali mami, kamimo mpesomba ndi Omiu.

1 Samueli 7:4

Umarino atuu luwudo to Isaraeli mpetadiakono luwuno tinaha pelahumoa Baala ka Asitore ka dompesomba butu ndi Ondae i Ue.