2 Mokole 22:9 - Wunta Mempori

⁹ Ka i'amba i Sapani, puu mpoburi atuu, mewinso me'aro ndi ondae mokole ka mohaweo mongkona atuu ndi ondae mokole, ”Luwuno atamiu andio umari iramo me'alao doi anu kongko a raha-Do i Ue ka mpeweengakono a ngkaedo luwuno puu mpo'angga anu medagaio raha atuu.”

2 Mokole 22:9 Iomraidhean Croise

2 Mokole 18:18

Ondae mebo-boolio mokole. Ka i'amba i Eliakimi anano i Hilikia, petewawa a langkanae, meluarako tepohaweako ira, ipokowalio i Sebina puu mpoburi a poparentaa saru i Yoahi anano i Asapi, puu pompekaria arataano poparentaa.

2 Mokole 22:10

I Sapani, puu mpoburi atuu, pauako ira mbo'u mokole, ”Ipeweengakonomo sando mpesomba Hilikia paluluno wunta ndi ongkue.” Ka i'amba i Sapani basaako ira mokole i arodo.

2 Mokole 22:12

Ka i'amba mokole parentao sando mpesomba Hilikia, i Ahikami anano i Sapani, i Akabori anano i Mika, i Sapani, puu mpoburi atuu ka i Asaia mbo'u pegawaido mokole, ipotae,

2 Mokole 22:3

Ia ta'u kohopulu ka oalu poparentaano, mokole Yosia tumenao i Sapani anano i Asalia anano i Mesulami, puu mpoburi a poparentaa lumako a raha-Do i Ue, saru pe'oliwi,

2 Mokole 22:8

Sando mpesomba langkai Hilikia motaeakono i Sapani, puu mpoburi a poparentaa, ”Wunta songka Taura atuu kuhaweomo a raha-Do i Ue!” Ka i'amba wunta atuu ipeweengakono i Hilikia ndi Sapani ka ibasao i Sapani.

2 Mokole 25:22

A mpalili anu da tepo'ia i wita Yehuda anu binintano, i Nebukanesa mokole i Babeli, motoroo i Gedalia anano i Ahikami anano i Sapani.

Yeremia 26:24

Sine i Yeremia ikaduduio i Ahikami anano i Sapani, onaemo ka nahi pineweengako a ngkaedo palili ka ipinepate.

Yeremia 29:3

Wunta atuu inoliwi telalo ndi Elasa anano i Sapani ka i Gemaria anano i Hilikia anu tinenano i Sedekia, mokoledo to Yehuda lumako i Babeli ndi Nebukanesa, mokole i Babeli. Ihino,

Yeremia 39:14

ondae mpotena mia umalao i Yeremia inso a kintala podagaia, ka i'amba pineweengako ndi Gedalia anano i Ahikami anano i Sapani ka iwawao mekule i raha. Kanandiomo i Yeremia mo'ia i tonga-tongano palili.

Yeremia 40:11

Luwuno mbo'u to Yehuda, anu mekongko i Moabi i olodo inuleno i Amoni, i Edomi ka a luwuno wita susua, merongeo nine mokole i Babeli mo'inee iramo palili anu ntebinta mpo'ia i Yehuda ka motoroo i Gedalia anano i Ahikami anano i Sapani gagi anu pabawa ndi ondae.

Yeremia 41:2

mentadeomo i Sumaila anano i Netania saru hopulu mia anu perongano, ka mepateakono ponai i Gedalia anano i Ahikami anano i Sapani. Kanatuumo ipepateo i Gedalia anu pinotorono mokole i Babeli gagi pabawa i wita atuu.

Yehesikieli 8:11

I arono mpentade pitu pulu mia memota'udo suku Isaraeli, saru i Ya'asana anano i Sapani i tonga-tongado. Singge mia mo'ini pontunua dupa a ngkaeno, ka ahuno dupa anu mana mo'ahi atuu mewuatako i wawono.