2 Mokole 22:13 - Wunta Mempori

¹³ ”Imelakomo, mpo'emaakune pontiso-Do i Ue, tiado palili ka luwuno Yehuda, mongkona pau a wunta anu hinawe andio, hangano mongkokongiriomo mokulano tekuda-Do i Ue anu tensila ndi ontae, hangano nahi domperorongeakono uempu'uto luwuno pauno a wunta andio saru meweweuo mengkena kana anu teburi i larono.”

2 Mokole 22:13 Iomraidhean Croise

2 Mokole 23:26

Sine Ondae i Ue nahi bali inso a ntekuda-Do anu langkai, anu tensila a nto Yehuda hangano luwuno wineweuno i Manase anu mokotesingkao tekuda-Do.

2 Mokole 3:11

Sine mesikeno i Yosapa, ”Nahina ke i ndi'ai te'asa mia nabi-Do i Ue, ka tompo'ema pontiso-Do i Ue molalo onae?” Ka i'amba asa mia i olono pegawaido mokoledo to Isaraeli sumangki, ipotae, ”I ndi'ai kongko i Elisa anano i Sapati, anu i ndi'ipua mekakaakono i Elia.”

2 Tawarika 29:6

Hangano ondae uempu'uto nahi dompetenunu. Mpoweweu ira anu mosa'o a pongkita-Do i Ue, Ue Alato, ka binta Ira. Domewolilio rupado inso a mpo'ianga-Do i Ue ka mpebungkui Ira.

2 Tawarika 34:21

”Imelakomo, mpo'emaakune pontiso-Do i Ue, tiado to Isaraeli anu da tebinta i Isaraeli ka i Yehuda, mongkona pauno wunta anu hinawe andio, hangano mongkokongiriomo tensilano tekuda-Do i Ue ndi ontae. Hangano, ondae uempu'uto nahi dompekariao pau-Do i Ue saru meweweuo mengkena kana anu teburi a wunta andio!”

Nehemia 9:3

Kontongaado mpentade a mpo'iangado, binasaomo wunta Taura-Do i Ue, Ue Alado, i larono asa ntia opaa oleo, sekono asa ntia opaa oleo mbo'u, mempauo mangakudo ka mpenggolontu mesombai Ira i Ue, Ue Alado.

Po'unde-unde 106:6

Omami ka uempu'umami mpoweweu kamimo hala, mensala kamimo, mpoweweu kamimo gau mosa'o.

Po'unde-unde 25:14

Ondae i Ue mesambe'e saru mia anu doitoako Ira, ka pedandia-Do Dopauako ira.

Po'unde-unde 76:7

Hangano te'ise-Miu, oo Ue Alano i Yako, tekoturi rodo anu mesawi maupo ngarano.

Po'unde-unde 76:8

Mongkokongiri Komiu! Isemake anu polio mentade i aro-Miu tempono Itekuda?

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Powadi 3:6

Pe'ala-ala Iramo a laro ntumuwumu, ka Ira mokomoleoo pesalaamu.

Yesaya 5:25

Onaemo pu'uno, tesingkaomo tekuda-Do i Ue a bawaa-Do, kae-Do Dopotiio ndi ondae ka Dotunduhi ira; torukuno mpondidi-ndidi, ka wata ngkoroido kana ta'i a ntonga nsala. Maupo gagiomo luwuno andio, tekuda-Do napi temonto, ka kae-Do kongkono pinotii.

Yeremia 16:12

Omiu isa'a mpoweweu laluaopo mosa'o sekonopo uempu'umiu! Kitao, omiu singge mia montonda aroano anu motea ka mosa'o sekonopo merorongea-Kune.

Yeremia 36:7

Bara'ura ira mpohaweo po'emado i aro-Do i Ue ka ira singge ntepidi inso a mpeleludo anu mosa'o atuu, hangano mongkokongiriomo mosa'ono aroa ka tensilano tekuda anu pinokomengkaa-Do i Ue a tongku andio.”

Yeremia 37:17

Asa tempo Mokole Sedekia montena mia umalao i Yeremia. Ka i'amba a langkanaeno mokole mewuni-wuni mesikeno ndi onae, ”Hinaoke pau inso ndi Ondae i Ue?” Sumangki i Yeremia, ”Hinao!” Ipotae mbo'u, ”Omue kopineweengako a ngkaeno mokole i Babeli!”

Yeremia 44:17

Sine, kami meweweuo mpiha luwuno anu pinaumami: mpontunu pesomba a mpinesombai beine i suruga ka mpompesombaako pesomba tinawa ndi onae kana anu kimeweweuomo, omami ka uempu'umami, luwuno mokolemami ka luwuno mia pinemota'umami a luwuno kotano Yehuda ka a luwuno sala i Yerusale. I tempo atuu hadio kaangamami, meme'ura ka nahi kipompemarasai.

Ponsabangi 5:7

Amamami mpoweweu ira hala, ondae nami domekongko mbo'u, ka omami anu mentembio mosa'oado.

Danieli 9:10

ka nahi kimperoromgeakono pau-Do i Ue, Ue Alamami, anu tumena kami mentuwu tumondao songka anu Dowee kamimo telalo a luwuno nabi, tetenaa-Do.

Imama 26:14

”Sine tewala nahi mpomperorongeako ndi Ongkue, ka nahi meweweuo luwuno parenta atuu,

Amosi 3:7

Mentee ntu'u, Ondae Ue Ala nahi Doweweu ba nahi Dopokomengkaao pomputusi-Do a ntetenaa-Do, luwuno nabi.

Nahumi 1:6

Isema mokompentade umaropio tekuda-Do? Ka isema mokompeteao tekuda-Do anu tensila? Tensilano tekuda-Do te'uwu kana api, ka luwuno torukuno watu ntebangku hangano Ondae.

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

ROMA 4:15

Hangano songka Taura mompokohina tekuda, sine isua nahina songka Taura, i tu'ai nahina koa mbo'u polaloa songka.

ROMA 7:9

I ndi'upua kutuwu nahina songka Taura. Sine mansano hawe parenta atuu, hala mompu'u tuwu,

Winali 27:26

’Tetotonaaomo mia anu nahi rongeo pauno songka Taura andio ka weweuo.’ Luwuno tongku atuu asalakono mpotae, ’Ami!’ ”

MENGKAAA 6:17

Hangano haweomo oleo langkai tekuda-Do ka isemake mokompekorahako?