2 Mokole 21:7 - Wunta Mempori

⁷ Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Mokole 21:7 Iomraidhean Croise

2 Samueli 7:13

Onaemo anu ta mowangu raha tiano nee-Ku ka Aku mokomorosoo kadera poparentaano ranta nahina tampulaano.

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

1 Mokole 8:44

Tewala bawaa-Miu mpeluarako mpetea umewai ira iwalido, maupo isua Itena ira, ka dompekakai ndi Omiu Ue, mpe'aro i kota anu Ibinikiomo ka a raha kuwanguomo tiano nee-Miu,

1 Mokole 9:3

Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

2 Mokole 16:11

Ka i'amba sando mpesomba Uria wanguo meda pontunua pesomba mengkena kana hapa anu inoliwino mokole Ahasi inso i Damasi. Kanandiomo iweweuo sando mpesomba Uria se'eluno ihawe mokole Ahasi inso i Damasi.

2 Mokole 21:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Aku weweuo nee-Ku mo'ia i Yerusale!”

2 Mokole 23:27

Ka i'amba mepau Ira i Ue, ”To Yehuda mbo'u Aku lumiahako ira inso i aro-Ku kana Kuliahako ira to Isaraeli, ka nahi Aku tumarimao Yerusale, kota anu bininiki-Ku andio, ka raha andio, maupo mepau Akumo: Nee-Ku ta mo'ia i ra'ai!”

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Mokole 23:6

Luwuno karuno pelahumoa inso a raha-Do i Ue winawa i bungkuno kota Yerusale, a ngkorono mo'are Kidironi, ka i'amba tinunu i tu'ai ka pinokomotutu gagi awu. Ka i'amba metadiakono awuno a wawo ngkaburudo palili i totono.

2 Tawarika 33:15

Itadio luwuno pinesombai susua ka lahumoa inso a Raha-Do i Ue, saru meda pontunua pesomba anu pinontadeno i wawo ntorukuno raha-Do i Ue ka i Yerusale. Luwuno atuu itadio i bungkuno kota.

2 Tawarika 33:7

Inaao mbo'u tinaha lahumoa anu iweweuomo a laro raha-Do Ue Ala, kahinaano Ondae Ue Ala mepau Iramo ndi Daudi ka ndi Salomo, anano, ”A laro raha andio ka i Yerusale, anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Tawarika 6:6

Sine lembuino Kubinikio Yerusale gagi po'iangano nee-Ku ka binikio i Daudi ka ipabawai ira bawaa-Ku Isaraeli.

2 Tawarika 7:12

Umarino atuu Ondae i Ue mepopokita ndi Salomo ia wongi ka mepau ndi onae, ”Kurongeomo pekakaimu ka Kubinikiomo po'ianga andio tia-Ku gagi raha pesombaa.

2 Tawarika 7:16

Kanandio-andio Kubinikiomo ka mokomemporio raha andio, ka ipo'ia nee-Ku i ra'ai ranta nahina tampulaano. Mata-Ku ka aroa-Ku ta kongko i tu'ai ranta ntinuwu.

2 Tawarika 7:20

manasa Aku buta komiu inso i wita-Ku anu umariomo Kuweeakomiu, ka raha andio anu Kupokomemporiomo tiano nee-Ku, Aku tumadio inso i aromiu ka Aku mokogagio potundaa ka pasinggiri i olodo luwuno tongku.

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Po'unde-unde 74:2

Irambe iramo bawaa-Miu anu hinawe-Miu a tempo se'eluno anu tinolosi-Miu gagi tongku pine'ue-Miu! Irambeomo Torukuno Sioni anu pino'iangari-Miu.

Po'unde-unde 78:58

aroa-Do dompokomahakiakono luwuno po'ianga pompelangkaia, weweu Ira mahaki aroaako luwuno tinahado.

Yeremia 32:34

Domenaa ira pinesombaido anu mokoburu a raha anu nineeako montonda nee-Ku, mengkokoburutio.

Yeremia 7:30

Mentee ntu'u, to Yehuda mpoweweu iramo hapa anu mosa'o a pongkita-Ku, kanandiomo pau-Do i Ue. Domenaaomo luwuno lahumoado anu mokoburu a raha anu nineeako montonda nee-Ku, ira mengkokoburutio.

Yehesikieli 23:38

Umarino atuu, ondae mbo'u meweweuo mongkona andio ndi Ongkue: Ondae mensosa'aio po'ianga mempori-Ku a oleo atuu ka mengkokoburutio luwuno oleo Saba-Ku.

Winali 16:21

Si mpopaho keu gagi karuno lahumoa i horino meda pontunua pesomba ndi Ondae i Ue, Ue Alamiu, pontunua pesomba anu komiu meweweuo tiamiu.