2 Mokole 21:6 - Wunta Mempori

⁶ Tendeano, ipesombaakono anano a laro api, mongkita anu nahi manasa ta gagi, mompau anu nahi manasa ta gagi, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

2 Mokole 21:6 Iomraidhean Croise

Tegagia 13:13

To Sodomo tedoa melambaha ka ntehala ndi Ondae i Ue.

2 Mokole 16:3

Itondao sala ntumuwudo luwuno mokole i Isaraeli, tendeano ipesombaakono anano a laro api, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Mokole 17:17

Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

2 Mokole 23:24

I Yosia mokotampula ira puu pompoboi onitu ka luwuno anu mpongkita anu ta gagi, saru mbo'u tinaha terapimi, luwuno lahumoa ka luwuno pinesombai mokoburu anu tengkita i wita Yehuda ka i Yerusale, anu tinoono umihiio pauno songka Taura anu teburi a wunta hinaweno sando mpesomba Hilikia a raha-Do i Ue.

1 Tawarika 10:13

Kanandiomo mateno i Saulu, hangano nahi petenunu ndi Ondae i Ue, hangano nahi tondao pau-Do i Ue ka mesikeno mbo'u mo'ema pontiso a onituno mia mate,

2 Tawarika 28:3

Onae montunu mbo'u pesomba i Lebaki Beni-Hinomi ka montunu anano gagi pesomba a laro api, mengkena kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Tawarika 33:6

Tendeano ipesombaako ira anano a laro api i Lebaki Beni-Hinomi. Onae mongkita anu nahi manasa ta gagi, mompau anu nahi manasa ta gagi ka mompake tino'ori, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

Yesaya 19:3

sumangado to Masiri ta tetadi, ka tinoodo ka Aku mokomarisuo; ondae ira mpo'ema pontiso a lahumoa ka a mia anu mpebali-bali mata, a onitu ka a mpenaa mpopau anu nahi manasa ta gagi.

Yesaya 66:4

kanatuumo Kubinikio humuku ira ka mompotiiako ira hapa anu dinoitoakodo; hangano, tempono Kupepoboi, nahina anu sumangki, tewala Ongkue mepau, nahi domperorongeakono. Ondae mpoweweu anu mosa'o a pongkita-Ku ka laludopo mpobiniki hapa anu nahi Kupe'eheo.

Yesaya 8:19

Ka tewala mia mpotae ndi omue, ”Po'emamo pontiso a onitu ka luwuno penaa anu mompau nahi manasa ta gagi anu metanga-tanga ka momuti-muti,” ka sangkiomo, ”Kombake asa tongku tekona mo'ema pontiso a mpinesombaino? Nde asalakonoke ira mpo'ema pontiso a mia mate tiano mia tuwu

Yeremia 19:4

Hangano, dompebungkui Akumo, mensosa'aio po'ianga andio, ka mpotunu pesomba i tu'ai a luwuno pinesombai susua anu nahi tino'ori moiko ondaedo maupo uempu'udo ka luwuno mokoledo to Yehuda. Domeweweuomo po'ianga andio bukeako reado mia anu nahina salano.

Yeremia 19:5

Dompontade iramo pompesombaiado Baala pontunuado anado gagi pesomba tinunu a Baala, asa anu nahi Kuhori meparentaako ke pauo ka anu nahi hori hina i laro aroa-Ku.

Yehesikieli 23:39

Tempono domensumbele ira anado tiado lahumoado, ondae me'aiwa a oleo atuu a mpo'ianga mempori-Ku ka melimpaio memporino. Mentee ntu'u, onaemo andio anu wineweudo a laro raha-Ku.

Imama 18:21

Si peweengakono aasa anamu inso a luwuno anamu kai pinesombaako ndi Moloko, kasi ulaloo memporino nee-Do Ue Alamu. Ongkuemo Ue.

Imama 19:26

Si mpongkaa hapa anu da hinao reano. Si mpoweweu pontasere ke mpopau anu ta gagi.

Imama 19:31

Si mpewolili a onituno mia mate ke a luwuno penaa anu mompau hapa anu ta gagi; si me'ungke ira kai megagi mokoburu hangano ondae. Ongkuemo Ue, Ue Alamiu.

Mika 6:7

Dopekonao i Ue ke a nsowuno bimba lakino, a pulu nsowu lana tinawa? Asalakono ke kupesombaakono anaku anu aka hangano salaku ka ana ngkoroiku hangano halaku ongkueku?”

WINEWEUDO TINENA 16:16

Pohona tempono kimelako a mpo'ianga pekakaia atuu, kintepohaweakono aasa ata beine anu hinao tino'orino; hangano luwuno tino'orino hadio pohawedo ueno.

Winali 32:16

Dopokomosiriako Ira pinesombai susua, saru pinesombai anu mokoburu, dompokotesingkao tekuda-Do.

Winali 32:21

Dompokomosiria-Kune anu komba Ue Ala, mokontesilaa-Kune aroa-Ku hangano lahumoado. Onaemo pu'uno Aku mokomosiriako ira saru anu komba bawaa, mokontesilaako ira tekudado saru tongku anu motea aroa.