2 Mokole 21:5 - Wunta Mempori

⁵ Iwangu ira mbo'u meda pontunua pesomba tiado ihino langi a orua kintalano raha-Do i Ue.

2 Mokole 21:5 Iomraidhean Croise

1 Mokole 6:36

Iweweuo kintala i larono saru otolu dede watu pina'o ka asa dede sobo keu arasi.

1 Mokole 7:12

Hinao otolu dede watu pina'o ka asa dede sobo keu arasi lumimbuo kintala langkai, mengkena kana kintala i larono a raha-Do i Ue ka bolongkono.

2 Mokole 23:12

Dopobangkuo mokole luwuno meda pontunua pesomba anu kongko a wawo ato, anu wineweudo luwuno mokole i Yehuda, a mpe'angi-angiano i Ahasi ka luwuno meda pontunua pesomba anu wineweuno i Manase a orua kintalano raha-Do i Ue. Ondae mokole rumawoo i ra'ai, ka i'amba awuno pinetadiako a ngkorono mo'are Kidironi.

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Mokole 23:5

Ipokompenaa-naa ira sando mpesomba lahumoa anu dompotoro iramo luwuno mokole i Yehuda ka dompotunu pesomba a luwuno pongku wita pesombaa a luwuno kota i Yehuda ka a mpetengi-tengino Yerusale, luwuno mbo'u mia anu mpotunu pesomba ndi Ba'ala, a dewa mata oleo, a dewa wula, a luwuno pehowuno anano wula ka luwuno sorodadu langi.

2 Mokole 23:6

Luwuno karuno pelahumoa inso a raha-Do i Ue winawa i bungkuno kota Yerusale, a ngkorono mo'are Kidironi, ka i'amba tinunu i tu'ai ka pinokomotutu gagi awu. Ka i'amba metadiakono awuno a wawo ngkaburudo palili i totono.

2 Tawarika 33:15

Itadio luwuno pinesombai susua ka lahumoa inso a Raha-Do i Ue, saru meda pontunua pesomba anu pinontadeno i wawo ntorukuno raha-Do i Ue ka i Yerusale. Luwuno atuu itadio i bungkuno kota.

2 Tawarika 33:5

Iwangu ira mbo'u meda pontunua pesomba tiado ihino langi a orua kintalano raha-Do i Ue.

2 Tawarika 4:9

Iweweuo mbo'u kintalado sando mpesomba, kintala langkai ka luwuno pewowano kintala atuu. Luwuno pewowa atuu i'apiiakono mala.

Yehesikieli 40:28

Ka i'amba wawa aku a kintala i larono telalo a mpewowa langkai selata. Isongkao pewowa langkai atuu; songkano mengkena saru anu susua.

Yehesikieli 40:32

Ka i'amba wawa aku i sabaano oleo kintala i larono ka isongkao pewowa langkaino; songkano mengkena saru anu susua.

Yehesikieli 40:37

Bansalano pewowa langkai me'aro a kintala i bungkuno, ka a luwuno karuno rere watuno ngginori gambarado keu kuruma, i asambalino i ndi'ai ka i asambalino raane, ka hinao oalu anano ensa pewuatakoa.

Yehesikieli 40:47

Ka i'amba sumongkao kintala i larono, asa anu mensiu opaa anu ondauno asa etu hiku ka maluano asa etu hiku. Meda pontunua pesomba kongko i arono Raha Mempori.

Yehesikieli 42:3

Tepo'aro saru anu rua pulu hiku inso a kintala i larono ka saru horo watu a kintala i bungkuno hinao tambi anu tepopo'aro ka metuda otolu.

Yehesikieli 43:5

Penaa tumande aku ka wawa aku a kintala i larono, mentee ntu'u, Raha Mempori atuu bukeako maramba-Do i Ue.

Yehesikieli 44:19

Tempono dompeluarako melako a kintala i bungkuno tepohaweako ira bawaa-Do i Ue atuu, ondae asalakono melohuo sangka anu pinokonado tempono dompoweweu pesomba ka menaao a laro luwuno bolongko mempori, ka i'amba pinokona sangka susua, ka si domegagi mempori bawaa hangano sangkado sando mpesomba atuu.

Yehesikieli 8:16

Ka Do'amba wawa aku a kintala i larono Raha-Do i Ue. Mentee ntu'u, umpeda a nsala mewinso a Raha-Do i Ue, i olono holoi ka meda pontunua pesomba, hinao bara'ura rua pulu ka olima mia tama, anu mpebungkuio Raha-Do i Ue ka mpe'aro i sabaano oleo saru mpenggolontu mpesombaio mata'oleo i sabaano oleo.