2 Mokole 21:15 - Wunta Mempori

¹⁵ hangano mpoweweu iramo anu mosa'o a pongkita-Ku ka mokotesingkao tekuda Aku, mompu'u dompeluarako uempu'udo hawe oleo andio.”

2 Mokole 21:15 Iomraidhean Croise

2 Mokole 21:14

Aku mo'ineeki ira toreano tia pusaka-Ku ka meweengako ira a ngkaedo luwuno iwalido. Ira megagi pomurua ka rontuado luwuno iwalido,

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

Yesaya 24:5

Tolino mokoburu hangano palilino, hangano ondae mpolingei songka, mpolimpa'i pompakosi ka mehapuo pedandia nahina tampulaano.

Yeremia 15:4

Aku mokogagi ira mongkokongiria a luwuno poparentaa i tolino, hangano i Manase anano i Hisikia, mokole i Yehuda, hangano luwuno anu wineweuno i Yerusale.”

Yeremia 25:7

Sine nahi imperorongea-Kune, kanadiomo pau-Do i Ue, ranta ka impokotesingkaakono wineweuno kaemiu tekuda-Ku gagi urasa'omiu.

Ponsabangi 1:5

Luwuno anu me'ewaio pabawaio, luwuno iwalino mempo'unde. Mentee ntu'u, Ondae i Ue weweuo boni-boni, hangano hadio salano; nana'oteno mpelempa i arodo iwali gagi mia mentinawa.

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Yehesikieli 20:21

Sine luwuno anado me'ewa ndi Ongkue, nahi domentuwu montonda luwuno pompakosi-Ku, ka nahi dompe'ini a luwuno atora-Ku ka domeweweuo, kahinaano mia anu weweuo ta tuwu. Ondae mbo'u mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae, motiio tekuda-Ku ndi onae i pada one.

Yehesikieli 20:30

Onaemo pu'uno, potaemo a nsuku Isaraeli: Kanandiomo pau-Do Ue Ala: Nde imengkokoburutio mbo'uke koroimiu a laro nsala tumuwudo uempu'umiu ka mponsosabo saru mentondao luwuno pinesombai susua anu mokoburu?

Yehesikieli 20:4

Behekoke bitara ira, hei anano mia, behekoke bitara ira? Pauako iramo luwuno wineweudo uempu'udo anu mokoburu.

Yehesikieli 23:3

Ondae mebelesu i Masiri, ondae mebelesu i tempono da domemongura. I ra'ai wua radado pinisi-pisi, radado da moondo inini-ini.

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”

Winali 9:21

Sine ana nsapi, anu mokontehala komiu, ku'alao ka kutunuo ia api, ka ku'amba rumawo-rawoo ka kugilio momoiko ranta kai motutu gagi awu. Awuno atuu kupetadiakono a ngkorono anu waa metii inso a ntorukuno.