2 Mokole 20:5 - Wunta Mempori

⁵ ”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

2 Mokole 20:5 Iomraidhean Croise

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

1 Mokole 9:3

Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

2 Mokole 19:20

Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: Hapa anu umariomo upekakaiakono ndi Ongkue mongkona i Sanaheri, mokoledo to Asuri, Kurongeomo.

2 Mokole 20:4

Se'eluno napi peluarako i Yesaya inso a kintala i tongano, haweomo pau-Do i Ue ndi onae,

2 Mokole 22:19

hangano omue me'o'ole ka me'urumako i aro-Do i Ue, ka u'amba berio sangkamu ka mengese i aro-Ku mansamu rumongeo songka anu Kupauo mongkona po'ianga andio ka palilino nine ira megagi mongkokongiria ka totonaa, onaemo ka Kurongeo, kanandiomo pau-Do i Ue.

2 Tawarika 13:12

Kitaomo, Ondae Ue Ala saru omami gagi petewawa. Luwuno sando mpesomba-Do tetinda mpopuuri petondoni sumapoi komiu saru napiri luwuno petondoni. Oo, to isaraeli, si mpetea umewai Ira i Ue, Ue Alado uempu'umiu, hangano nahi komiu mponangi!”

2 Tawarika 34:3

A nta'u ko'oalu poparentaano, tempono da tedoa mongura, onae mompu'u umungke Ira Ue Alano i Daudi, ama mpu'uno, ka ia ta'u kohopulu ka orua onae mompu'u mokomorinao Yehuda ka Yerusale inso a luwuno po'ianga pesombaa, karuno lahumoa, tinaha pina'o ka luwuno tinaha tinawa.

Po'unde-unde 107:20

Dopohaweo pau-Do ka mokotompa ira, motola ira inso a ngkekeno kaburu.

Po'unde-unde 119:26

Luwuno sala ntumuwuku kututuluo ka Isangki aku, Ipaguruakunemo luwuno pompakosi-Miu.

Po'unde-unde 126:5

Mia anu morawo inii saru mowera uwoi mata, ta sumowi saru kokora-kora mawongko.

Po'unde-unde 147:3

Dotareroo aroano mia anu masusa aroano ka waluako ira mobelado;

Po'unde-unde 34:18

Luwuno mia mentee mpeboo-booli, ka Dorongeo i Ue, Dopotola ira inso a pompema'isodo.

Po'unde-unde 39:12

Omiu tumunduhiakono pohuku asa mia hangano salano, ka kumaano pingko tekosino mengkena kana ule-ule; mentee ntu'u, sompo mia butu nahina tuduno. Sela

Po'unde-unde 56:8

Kana'umpe ka dompokotola? Ipokompetuundu iramo tongku andio a laro tekuda-Miu, oo Ue Ala!

Po'unde-unde 56:9

Marasaiku Iburiomo, uwoi mataku Inaao a laro ngkadu-kadu-Miu. Kombake luwuno teburi a laro wunta-Miu?

Po'unde-unde 6:10

Dorongeomo i Ue po'emaku, Ondae i Ue tumarimao pekakaiku.

Po'unde-unde 65:2

Pototono tia-Miumo po'unde-unde, oo Ue Ala i Sioni. Ndi Omiumo mia mpo'owahi tinanga,

Po'unde-unde 65:3

hei Omiu anu merorongeakono pekakai. Ndi Omiumo luwuno mia dome'aiwa mpe'aro

Peluarakoa 15:26

Pau-Do i Ue, ”Ipompe'ala-alamo ndi Ongkue Ue, Ue Alamiu ka impoweweu anu moiko a mpongkita-Do, imerongeo luwuno songka-Ku ka tumondao songka-Ku, asalakono nahi Aku mo'ineeo haki hapamo koa metako ndi omiu, kana anu pinotii-Ku a nto Masiri; nde Ongkuemo Ue anu mokotompako.”

Peluarakoa 3:7

Mepau Ira i Ue, ”Kukitaomo ntu'u marasaido bawaa-Ku i wita Masiri, ka Kurongeomo peboolido hangano wineweudo anu mpodagai mia mpo'angga. Kuto'oriomo ntu'u marasaido.

Peluarakoa 3:9

Kanandio-andio peboolido to Isaraeli haweomo ndi Ongkue. Kukitao mbo'u tedoa lansarado to Masiri mokonsii ira.

Yesaya 19:22

Ondae i Ue Ira tumunduhi ira to masiri, Ira montunduhi ka mompokotompa; ka ira mpepokule ndi Ondae i Ue ka Ira uminduo pekakaido saru mokotompa ira.

Yesaya 38:22

Se'eluno i Hisikia motaeomo, ”Hapeke anu ta gagi petondoni nine aku lumako i Raha-Do i Ue?”

Yesaya 38:5

”Lakomo ka pauakonomo i Hisikia: Kanandiomo pau-Do i Ue, Ue Alano i Daudi, uempu'umu: Kurongeomo pekakaimu ka Kukitaomo uwoi matamu. Menteeano Aku mokomelaio tumuwumu hopulu ka olima nta'u mbo'u.

Yesaya 55:3

Ta'oomo birimu ka aiwamo ndi Ongkue; perorongeakonomo asalakono komiu mentuwu! Aku mowutu pedandia anu nahi bali saru omiu, montonda pompehohawa-Ku anu moroso ndi Daudi.

I MATIU 22:32

Ongkuemo Ue Alano i Burahima, Ue Alano i Saki ka Ue Alano i Yako? Ondae komba Ue Alado mia memate, tendeano Ue Alano mia tuwu.”

I LUKASI 1:13

Sine ipotae mala'eka atuu ndi onae, ”Si doito, hei Sakaria, hangano pekakaimu ininduomo ka i Elisabe, beinemu, ta me'anaakomu aasa ana ntama ka asalakono konumeeakono i Yohane.

I LUKASI 18:10

”Hinao orua mia lumako a Raha-Do Ue Ala ta mekakai; anu asa mia onaemo to Parisi ka anu susua puu popumpu sima'ulu.

I YOHANE 5:14

Ka Do'amba i Yesu tepohaweakono a laro RahaDo Ue Ala ka Do'amba motaeakono, ”Tompakomo; si poweweu mbo'u hala, ka si gagi ndi omue anu lansaraopo.”

Winali 32:39

Imengkitaomo kanandio-andio, nine Ongkue, Ongkuemo Ue. Nahina Ue Ala sangkadio Ongkue. Ongkuemo anu mompepate ka mompotuwu, Ongkuemo anu mobelai ka Ongkuemo anu mokotompa, nahina anu mokompotolao inso a ngkae-Ku.

IBARANI 2:10

Hangano lano menunu saru teweweu-Do Ue Ala – ndi Ondae ka hangano Ondae luwuakoano pinokogagi –, onaemo Ondae Ue Ala anu mowawa hadio mia a marambaa, ka mokosompo Ira i Yesu, anu wawa ira a ntekaduduia, mesala a ntebobarasaia.

MENGKAAA 7:17

Hangano Ana Bimba anu i tonga-tongano kadera poparentaa atuu, ta pakambi ira ka ta tumaate ira a mata uwoi tuwua. Ka Ondae Ue Ala Ira pahihio luwuno uwoi mata inso a matado.”

1 Samueli 10:1

Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 9:16

”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”