2 Mokole 20:3 - Wunta Mempori

³ ”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

2 Mokole 20:3 Iomraidhean Croise

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 5:22

Pelempano tumuwuno i Heno momperorohi ndi Ondae Ue Ala i larono tolu etu nta'upo mbo'u, umarino pine'anaako i Metusala, onae mohawe mbo'u ana ntama ka beine.

Tegagia 5:24

Pelempano tumuwuno i Heno momperorohi ndi Ondae Ue Ala, ka i'amba namikongko mbo'u, hangano Dotandeomo Ue Ala.

Tegagia 8:1

1 Ondae Ue Ala rumambeo i Noho, luwuno kondehora mo'ila ka luwuno pinotuwu anu meronga saru onae a laro bangka atuu, ka i'amba Ondae Ue Ala weweuo angi mepuuri i wawontolino, ranta ka itempae uwoi atuu.

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

1 Mokole 15:14

Maupo luwuno pongku wita pesombaa nahi liahakono, sine buke aroano i Asa metako ndi Ondae i Ue asa ntinuwuno.

1 Mokole 2:4

ka Ondae i Ue Ira umihiio dandi anu pinau-Do mongkona ongkue: Tewala luwuno anamu mekongko ira mentuwu mpetenunu i aro-Ku, tompaano aroado ka tompaano tinuwudo manasa inulemu nahi ta te'otu inso a ngkadera poparentaa i Isaraeli.

1 Mokole 3:6

Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

1 Mokole 8:61

Onaemo pu'uno, kai buke petenununo aroamiu ndi Ondae i Ue, Ue Alato, ka mentuwu montonda luwuno pompakosi-Do ka mekariao luwuno parenta-Do kana a oleo andio.”

1 Mokole 9:4

Omue mbo'u, tewala tuwuko i aro-Ku mengkena kana i Daudi, amamu, saru a moleono aroamu, tuwu moleo, ka moweweu menunu saru luwuno anu Kuparentaakomu, ka tewala upekariao luwuno pompakosi ka atora-Ku,

2 Mokole 20:2

I Hisikia wolilio rupano me'aro a rere ka ipekakai ndi Ondae i Ue,

2 Mokole 20:4

Se'eluno napi peluarako i Yesaya inso a kintala i tongano, haweomo pau-Do i Ue ndi onae,

2 Tawarika 16:9

Menteeano, mata-Do i Ue mensiroio asa wawontolino moweeako ira roso-Do ndi ondae anu moleo aroano ndi Ondae. Mongkona anu andio salaomo pelelumu, onaemo pu'uno mompu'u ka kandio-andio omue mo'ia mpiha a laro mpeteaa.”

Nehemia 13:14

Oo Ue Alaku, Ipewowolo akumo hangano mongkona atuu, ka sii pahihio luwuno petenunu anu kuweweuomo tiano Raha-Do Ue Alaku ka luwuno anu wineweu i larono!

Nehemia 13:22

Kutena ira mbo'u to Lewi mokomemporio koroido ka me'aiwa medagaio luwuno pewowa langkai kai pinokomempori oleo Saba. Oo Ue Alaku, Ipewowolo akumo hangano mongkona mbo'u atuu ka Ipehohawa akumo montonda petenunu ka pompehohawa-Miu anu langkai!

Nehemia 13:31

Kupakosio mbo'u asa pesalaano mompatinda keu ponahu a luwuno tempo anu pinakosi ka a luwuno wua amba-ambano. Oo Ue Alaku Ipewowolo akumo a laro ntumuwuku!

Nehemia 5:19

Ipewowolo aku, oo Ue Alaku, a moikoaku, hangano luwuno anu kuweweuako ira palili andio.

Ayubi 1:1

Hinao asa tama i wita Usi meneeako i Ayubi. Mia atuu moroso pompe'ala-alano ka moleo aroano, doitoako Ira Ue Ala ka olaiakono wineweu mosa'o.

Ayubi 1:8

Ka Do'amba mesikeno i Ue ndi Mosa'o, ”Nde upoposooke tetenaa-Ku i Ayubi? Menteeano, nahina maupo te'asa mia i tolino kana onae, anu moroso kanatuu pompe'ala-alano ka moleo aroano, anu dumoitoako Ira Ue Ala ka olaiakono wineweu mosa'o.”

Ayubi 16:20

Maupo domempasinggiri aku sambe'eku, te'aro ndi Ondae Ue Ala mataku mentombu saru mengese,

Ayubi 4:6

Kombake doitoako Ira Ue Ala gagi pehondaamu, ka pesombano ntu'u tinuwumu ta gagi pomperorohimu?

Po'unde-unde 102:9

Hawe sumoo oleo domentata aku iwaliku, mia anu memae-maeakune metotonaa saru pauo neeku.

Po'unde-unde 119:26

Luwuno sala ntumuwuku kututuluo ka Isangki aku, Ipaguruakunemo luwuno pompakosi-Miu.

Po'unde-unde 119:49

Irambeomo pau anu pinau-Miu a ntetenaa-Miu, hangano onae Iweweu aku momperorohi.

Po'unde-unde 145:18

Ondae i Ue umpeda a sompo mia anu mebooli ndi Ondae, a sompo mia anu metenunu mebooli ndi Ondae.

Po'unde-unde 25:7

Luwuno hala tempono kumongura luwuno peleluku anu nahi pontonda songka siimo Irambeo mbo'u, menunu saru pompehohawa-Miu, Irambe akumo a moikoa-Miu, oo Ue.

Po'unde-unde 26:1

Inso ndi Daudi. Oo Ue, Ipokomengkaaomo nine ongkue mentee hangano tuwu akumo nahina tataano; Ndi Ondae i Ue kupompe'ala-ala nahi nanta-nanta.

Po'unde-unde 26:3

Hangano pompehohawa-Miu wela kongko i arono mataku, ka kutuwu a laro menteea-Miu.

Po'unde-unde 32:2

Me'uraomo mia, anu salano nahi Dopototoio i Ue, ka anu nahi pe'aroa mompopo'oo!

Po'unde-unde 39:13

Rongeomo pekakaiku, oo Ue, ka Ipo'aroomo biri-Miu a mpebooliku mepetulungi, siimo Ipenoro-noro kumitao uwoi mataku! Hangano ongkue andio mia hawe anu mo'ia meronga saru Omiu, mia hawe kana luwuno uempu'uku.

Po'unde-unde 6:6

Hangano a mpo'iangado mia mate nahi domerambe Komiu mia; isemake anu ta umunde-unde-Komiu a ntolinodo mia mate?

Po'unde-unde 6:7

Telusa aku hangano mompemasusa; sompo wongi ku'uwoi poturiaku, dasaku moowoako uwoi mataku.

Po'unde-unde 89:47

Opia mbo'u tehineno, oo Ue, Ipewuni mpiha, tekuda-Miu kolanga-langa kana api?

Po'unde-unde 89:50

Isuake tondonino pompehohawa-Miu anu amba-ambano, oo Ue, anu Idandiakonomo sumpa ndi Daudi a mpetenunu-Miu?

Yesaya 38:14

Kana manu-manu wowitu kanandiomo kupepiuli, suaraku nahi meroku kana suarano marapatii. Mataku mokendo mentombu i wawono, oo Ue, ongkue tepokonsii; gagimo pe'iniaku!

Yesaya 63:11

Ka i'amba nterorambe iramo bawaa-Do a tempo se'eluno, tempono i Musa: Isua Irake anu wawa ira mpewuatako inso a ntahi meronga saru luwuno puu mpopakambi bawaano bembe bimba-Do? Isua Irake anu numaao Penaa-Do anu mempori a laro ngkoroido;

Yeremia 4:2

Tewala a laro mpetenunu, moleoa, ka menteea upesumpa: A nee-Do i Ue anu tuwu!, asalakono luwuno tongku ira merinonso ndi Ondae ka mpo'unde ndi Ondae.”

Amosi 5:4

Menteeano kanandiomo pau-Do i Ue a tongku Isaraeli, ”Ime'ungke Aku, ka komiu mentuwu!

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

I YOHANE 1:47

Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

IBARANI 5:7

A ntuwu-Do kana mia, Dopesombaakonomo pekakai ka saru monsabangi mompemasusa mo'ema ndi Ondae, anu polio kumadudui Ira inso a matea, ka hangano mempori-Do rinonge Iramo.