2 Mokole 20:13 - Wunta Mempori

¹³ Mawongko aroano i Hisikia domehawe. Ipopokitaako ira luwuno raha langkai ponaapa arataano, wulaa ka salaka, rampa-rampa ka lana anu hadio olino, raha langkai ponaapa parewa mpeteano ka luwuno anu hina a laro mponaapa arataano. Nahina sangka anu nahi popokitao i Hisikia ndi ondae, moiko i langkanae maupo a luwuno wita pinabawaino.

2 Mokole 20:13 Iomraidhean Croise

1 Mokole 10:10

Umarino atuu iweeakono mokole Salomo asa etu ka rua pulu talenta wulaa, rampa-rampa anu hadio ntu'u ka watu paramata anu motungko olino. Nami hori mbo'u hawe rampa-rampa kanatuu hadiono kana anu iweeakono mokole beine inso i Seba ndi mokole Salomo.

1 Mokole 10:15

napi tedoa saru anu hinawe inso a mia mpebalu-balu ka mia mpo'asa-asa saru inso a luwuno mokoledo to Ara ka anu mempabawa i wita atuu.

1 Mokole 10:2

Onae aiwa i Yerusale saru sorodadu hadio ntu'u anu mpetonda dumagaio, saru hadio unta anu mpowawa rampa-rampa, wulaa anu hadio ntu'u ka watu paramata anu motungko olino. Mansano hawe ndi Salomo, ipauakono luwu anu kongko i laro aroano.

1 Mokole 10:25

Singge mia aiwa mowawa pesombano, luwuno parewa salaka ka wulaa, sangka, parewa mpetea, rampa-rampa, ngara ka bagali. Kanandiomo sompo-sompo ta'u.

2 Mokole 20:14

Ka i'amba haweomo i nabi Yesaya ndi mokole Hisikia ka ipesikeno ndi onae, ”Hapamo ke anu pinaudo mia andiodo? Isuake dome'inso?” Sumangki i Hisikia, ”Ondae me'aiwa inso i wita anu olai, inso i Babeli!”

2 Mokole 20:15

Isikenoo mbo'u, ”Hapamo anu kinitado a langkanaemu?” Sumangki i Hisikia, ”Luwuno anu hina a langkanaeku domengkitaomo. Nahina anu nahi kupopokitaako ira a mponaapa arataaku.”

Po'unde-unde 62:11

Si mpompe'ala-ala a pompokonsiia, si pomperorohi anu nahina tuduno a rinontu; tewala arataa koteti-tetiangino, si petako aroamu ndi onae.

Powadi 23:5

Tewala upepenteeo, onae moliu, hangano onae mansa mepani, ka i'amba menee i laro meene kana rajawali.

Puu Pontutulu 7:20

Menteeano, i tolino nahina mia moleo anu moweweu moiko, nahi hori moweweu hala!

Yesaya 39:2

I Hisikia mo'unde domehawe. Ipopokitaako ira raha langkai ponaapa arataano, wulaa ka salaka, rampa-rampa ka lana anu masuli olino, luwuno raha langkai ponaapa parewa mpeteano ka luwuno anu hina a laro mponaapa arataano. Nahina anu nahi popokitao i Hisikia ndi ondae moiko a langkanaeno maupo a luwuno wita pinabawaino.

Yeremia 9:22

Pauomo, ’Kanandiomo pau-Do i Ue: wata ngkoroido mia matumbole kana ta'i a lere, kana tonggino gandu i bungkudo mia mensowi nahina anu pumpu ira.’”