2 Mokole 20:1 - Wunta Mempori

¹ A luwuno oleo atuu i Hisikia mahaki ka ilawupo imate. Ka i'amba i nabi Yesaya anano i Amosi aiwa ka ipotaeakono, ”Kanandiomo pau-Do i Ue: Pobintamo pe'oliwimu a nsomborimu, hangano omue komate, nami kotompa mbo'u.”

2 Mokole 20:1 Iomraidhean Croise

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

2 Mokole 1:16

Motae i Elia ndi mokole, ”Kanandiomo pau-Do i Ue: Hangano itena iramo mia mo'ema pontiso ndi Baala-Sebubi anu pinesombai i Ekeroni, kana nahina Ue Ala i Isaraeli kai pinesikenoako pau-Do. Onaemo pu'uno nami komiu mewangu mbo'u inso a mpoturia pepomboleamiu, hangano manasa komiu mate.”

2 Mokole 1:4

Onaemo pu'uno kanandiomo pau-Do i Ue: Omue nahi kometii mbo'u inso a mpoturia pepomboleamu, hangano omue manasa komate.” Ka i'amba lumako i Elia.

2 Mokole 19:2

Ka i'amba tumenao i Eliakimi, petewawa langkanae, i Sebana, puu mpoburi a poparentaa ka luwuno mia memota'u i olodo luwuno sando mpesomba saru mpekukumbuako sawu po'inombo, tepohaweakono i nabi Yesaya anano i Amosi.

2 Mokole 19:20

Ka i'amba i Yesaya anano i Amosi montena mia tepohaweakono i Hisikia saru pe'oliwi, ”Kanandiomo pau-Do i Ue, Ue Alado to Isaraeli: Hapa anu umariomo upekakaiakono ndi Ongkue mongkona i Sanaheri, mokoledo to Asuri, Kurongeomo.

2 Mokole 20:2

I Hisikia wolilio rupano me'aro a rere ka ipekakai ndi Ondae i Ue,

Winali 31:14

Ka i'amba Ondae i Ue mepau ndi Musa, ”Menteeano rangkuomo tempono mateamu. Poboiomo i Yosua ka pentademo saru onae i laro Kema Tepotowoa, ka Kupoweeakono parenta.” Ka i'amba i Musa saru i Yosua lumako ka mentade i larono Kema Tepotowoa.

Winali 31:16

Mepau Ira i Ue ndi Musa, ”To'oriomo, omue komohawe penaa-naa meronga saru uempu'umu. Ka i'amba tongku andio ira mpentade ka mponsosabo mpontonda pinesombai susua i wita, ba isua komiu mpewinso. Ira mebinta Aku ka nahi domentondao pedandia-Ku anu winutu-Ku saru ondae.

PILIPI 2:27

Lano mentee onae mahaki ka ilawu mate, sine Dopehohawao Ue Ala, ka komba butu onae, tendeano ongkue mbo'u, ka si koteti-tetiangino masusaku.

PILIPI 2:30

Nde hangano anggaa-Do i Kerisituu ilawupo imate ka ita'oo penaano mokosompoo hapa anu da makura a laro pompekakaakomiu ndi ongkue.