2 Mokole 2:23 - Wunta Mempori

²³ Inso i ra'ai i Elisa lumako i Beteli. Tempono onae tekonai melempa mewuatako, nana'ote inso i kota atuu mpeluarako mpopodeu-deuo, ”Londa ulu, mewuatako! Londa ulu, mewuatako!” Peboolido ndi onae.

2 Mokole 2:23 Iomraidhean Croise

Tegagia 21:9

I tempo atuu, ikitao i Sara, nine anano I Burahima anu pine'anaakono i Hagari, beine to Masiri atuu, kontongaano mengingisi.

2 Mokole 2:11

Kontongaado melempa mpiha ka dopepau-pau, borono kareta me'api ka ngara me'api hawe monsia ira, ka i Elia mewuatako i suruga a laro angi melompiu.

2 Mokole 2:2

Motaeomo i Elia ndi Elisa, ”Po'iamo i ndi'ai, hangano Ondae i Ue tumena aku lumako i Beteli.” Sine sumangki i Elisa, ”A nee-Do i Ue anu tuwu ka a ntumuwumiu, nahi aku binta komiu.” Ka do'amba lumako i Beteli.

2 Mokole 2:22

Kanandiomo uwoi atuu gagi moiko hawe oleo andio menunu saru pau anu ipohaweomo i Elisa.

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Ayubi 19:18

Maupo nana'ote mbo'u mentetewehi aku, tewala mentade aku, domempasinggiri aku.

Ayubi 30:1

”Sine kanandio-andio dompengingisiakune, anu tinuwuno monguraopo sekono ongkue, anu amano nahi kutarimao tendeano ka ininaa saru dahu podagai bawaano bembe bimbaku.

Po'unde-unde 31:17

Iweweuomo rupa-Miu mewanta a ntetenaa-Miu, Ikadudui akumo hangano pompehohawa-Miu anu nahi bali!

Po'unde-unde 31:18

Ue, si po'inee aku pinokoko'ii, hangano mebooli aku ndi Omiu; po'inee iramo mia mosa'o gaudo mempinokoko'ii ka mpetii a ntolinodo mia mate ka mengkomino.

Po'unde-unde 35:15

Sine mansaku tetidu, mpo'unde iramo ka mpenggowo, ondae mpenggowo mensapoi aku, kana mia hawe anu nahi kuto'orio ondae mentata aku nahi dompenaa-naa,

Powadi 20:11

Nana'ote mbo'u pinokonto'oriomo inso a wineweuno, ba nahina tataano ka moleo peleluno.

Powadi 22:15

Benge-bengea metako a aroano mia mongura, sine tuko pompaguru ta moko'olaio atuu inso ndi onae.

Powadi 22:6

Paguruomo mia mongura montonda pesalaa anu pototono, ka maupo tempono imota'u nahi ta pansia inso a mpesalaano atuu.

Puu Pontutulu 11:10

Tadiomo masusaa inso i aroamu ka poko'olaiomo marasaia inso a ngkoroimu, hangano monguraa ka wantano tumuwu onaemo anu nahina tuduno.

Yesaya 1:4

Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Yesaya 3:5

Palili ira mambepokonsii, asa mia ka anu susuano; mia mongura mompepaukiako mia mota'u, mia pinokongkodei mompepaukiako mia maramba.

Yeremia 20:7

Ipopandei akumo, oo Ue, ka ongkue tepopandei; Tedoa kupemoroso Komiu ka mehasili Komiu. Ongkue gagi mia tinawa te'asa oleo, luwudo mempasinggiri aku.

Yeremia 20:8

Hangano, sompo kupepau, asalakono aku kumora ka mebooli, ”Nahina moleoa! Pobobarasaia!” Hangano pau-Do i Ue gagiomo pontetewehi ka pasinggiri ndi ongkue, te'asa oleo.

Yeremia 7:18

Nana'ote mpobini keu ponahu, luwuno ama mpopokomelanga api ka luwuno beine mposalo tarigu weweuado kukisi pesomba tiano mokole beine suruga, ka mia mpopesombaako pesomba tinawa a mpinesombai susua saru tinoodo mpokomahakia-Kune aroa-Ku.

Hosea 10:15

Kanandiomo ta wineweu ndi omue, hei Beteli, hangano mongkokongirino lambahamu. I tempono umpeda meene mokole Isaraeli ta pinokotampula.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Imama 13:40

Tewala wuu a uluno asa tama ronta ka i butu londa ulu, mia atuu nahi mokoburu.

Amosi 3:14

”Menteeano i tempono Kuhukuo Isaraeli a luwuno wineweuno mosa'o, Aku mompotiiakono pohuku a luwuno meda pontunua pesombano Beteli. Tandu-tanduno meda pontunua pesomba atuu pinudu ka tedonta a wita.

Amosi 4:4

”Aiwamo i Beteli ka poweweumo wineweu mosa'o, i Giliga ka pokohadioomo wineweu mosa'o! Wawaomo pesomba sinumbelemu i tempono mo'oru, ka pesomba tia hopulumu a oleo ko'otolu!

Amosi 5:5

Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Amosi 7:13

Sine siimo mbo'u pompau anu ta gagi i Beteli, hangano onaemo andio po'ianga memporido mokole, onaemo andio raha memporino poparentaa.”

GALATIA 4:29

Sine kana i ndi'upua, onae, anu pine'anaako montonda koroi ntolino, bobarasaio anu pine'anaako montonda Penaa, kanatuu koa mbo'u kanandio-andio.

IBARANI 11:36

Hinao mbo'u anu pinopodeu-deu ka sinepi, tamoako anu pinongu ka tinorungku.