2 Mokole 2:15 - Wunta Mempori

¹⁵ Tempono bawaado nabi inso i Yeriko atuu mengkitao inso olai, mpotae ira, ”Pabawano i Elia melimba ndi Elisa.” Me'aiwa ira ntepohaweakono ka dompenggolontu ndi onae ra'ido hawe a wita.

2 Mokole 2:15 Iomraidhean Croise

1 Mokole 19:16

Omue asalakono umurapio mbo'u i Yehu ana ueno i Nimisi gagi mokoledo to Isaraeli, ka i Elisa, anano i Sapati inso i Abeli-Mehola, gagi nabi umeuko.

1 Mokole 20:35

Asa mia inso a bawaano nabi motaeakono walino a petena-Do i Ue, ”Tunduhi akumo!” Sine, mia atuu nahi behe tumunduhio.

2 Mokole 2:19

Mpotae iramo palili i kota atuu ndi Elisa, ”Menteeano po'iangano kota andio moiko, kana ikitao ueku, sine uwoino mosa'o ka witano nahi mewalo.”

2 Mokole 2:7

Lima pulu mia inso a bawaado nabi atuu mpelempa, ka do'amba mpenaa-naa ola-olai inso ndi ondae, kontongaado mentade orua ira i wiwi ngkoro Yarade.

2 Mokole 4:37

Beine atuu mewinso, mebangkuako i arono karuno i Elisa ka ipenggolontu mesomba saru rupano hawe a wita. Ka i'amba tumandeo anano ka ipeluarako.

2 Mokole 5:22

Sumangki i Gehasi, ”Luwuno moiko! Butu, ondae ueku i Elisa tumena aku pauo: Da saraipo orua ira mia mongura inso i olodo bawaado nabi aiwa ndi ongkue inso a mentorukuno Eparai. Ipoweeako iramo asa talenta salaka ka orua pasa sangka.”

2 Mokole 9:1

Nabi Elisa moboio asa mia inso i olono bawaado nabi ka ipotaeakono, ”Peboo ntongamo, wawaomo pido-pido lana andio ka lakomo i Ramoti-Gileadi.

Yesaya 11:2

Penaa-Do i Ue ta mo'ia ndi onae, penaa ponto'ori anu mentee ka ponto'ori, penaa pande mosongka ka roso, penaa tumo'orio ka doitoako Ira i Ue;

Yesaya 59:21

Ndiomo pedandia-Ku saru ondae, pau-Do i Ue, Penaa-Ku anu medongkoiko ka pau-Ku anu kunaao a laro ngangamu nahi ta bintao ngangamu saru ngangado inulemu ka inuledo, mompu'u kanandio-andio hawe nahina tampulaano, pau-Do i Ue.

Amosi 7:14

Sumangki i Amosi ndi Amasia, ”Ongkue komba nabi ka ongkue komba tewinso bawaano nabi, tendeano ongkue andio puu mpopakambi ka puu mpo'opu wua ara.

Podoaa 27:20

Weeakonomo asa ntia inso a mpabawamu, ka domperorongeakono luwuno bawaa Isaraeli

WINEWEUDO TINENA 1:8

Sine komiu mpotarima pabawa, tewala metii Penaa Mempori ndi omiu, ka komiu megagi sakosii-Ku i Yerusale ka i asa wawo wita Yudea ka Samaria ka hawe i tompano tolino.”

2 KORINTI 12:9

Sine sangki-Do i Ue ndi ongkue, ”Sompoomo pe'aroa-Ku ndi omue, hangano a laro molemamu ka igagi bobotoli pabawa-Ku.” Onaemo pu'uno inehekupo mawongko, ka ipetii pabawa-Do i Kerisituu kumongkomi aku.

Yosua 3:7

Pau-Do i Ue ndi Yosua, ”Mompu'u ia oleo andio Kupokolangkaio neemu ia matado luwudo to Isaraeli, ka domento'orio motae i ndi'ipua Kukongkomio i Musa, kanandiokoa mbo'u kukongkomiko.

Yosua 4:14

I temponomo atuu Ondae i Ue Dopokolangkaio neeno i Yosua i arodo to Isaraeli, ranta ka domedoitoakono, kana domedoitoakono i Musa asa ntinumuwuno.

1 PETURU 4:14

Meme'ura komiumo, tewala mentinata komiu hangano nee-Do i Kerisituu, hangano Penaa marambaa, onaemo Penaa-Do Ue Ala kongko ndi omiu.

1 Samueli 10:5

Umarino atuu komo hawe i Gibea-Ue Ala, i tu'ai hinao po'ianga podagaiado sorodadu to Pelisiti. Itempono upewinso i kota, kotepotowoako ira asa bawaa nabi anu mpontindulu inso a pongku mpesomba, saru mia mpegambusu, mperebana, mpesiloli ka mpekasapi i arodo. Kanatuumo ondae mebukeako penaa kana nabi.