2 Mokole 19:6 - Wunta Mempori

⁶ motaeomo i Yesaya ndi ondae, ”Pauako iramo uemiu kanandio: Kanandiomo pau-Do i Ue: Siimo doitoakono pau anu rinongemu anu domempauomo atano mokoledo to Asuri mepaukia-Kune.

2 Mokole 19:6 Iomraidhean Croise

2 Mokole 18:17

Umarino atuu mokoledo to Asuri tumena ira tadulako sorodadu, i rabi-sarisi ka i rabi-sakehi inso i Lakisi lumako ndi mokole Hisikia i Yerusale, sorodadu anu hadio tumonda ira. Melako ira ka mehawe i Yerusale. Mansado melako ka mehawe i tu'ai, mpo'ala ira po'ianga umpeda pangkorono limbo i wawono a nsala langkai a Pada Penatu.

2 Mokole 18:30

Si mpo'ineeo i Hisikia umoluakomiu pomperorohi ndi Ondae i Ue ka ipotae: Ondae i Ue manasa Ira motola kita. Kota andio nahi ta pineweengako a ngkaeno mokoledo to Asuri.

2 Mokole 18:35

Isemake i olodo luwuno pinesombaido susua a luwuno wita atuu anu motolaomo witado inso a ngkaeku, ranta Dopolio i Ue motolao Yerusale inso a ngkaeku?”

2 Mokole 19:22

Isemake anu pine'uru-urumu ka pinepaukiakomu? Te'aro ndi sema ke upepau meroku, ka mengkita mompelangka-langlai? Te'aro ndi Ondae anu tedoa Mempori Ue Alado to Isaraeli!

2 Mokole 19:5

Mansado mehawe pegawaino mokole Hisikia ndi Yesaya,

2 Mokole 6:16

Sumangki i Elisa, ”Si doito, hangano hadioopo anu kumongkomi kita sekonopo anu kumongkomi ira.”

2 Tawarika 20:15

ka ipebooli, ”Impenootio, oo luwuno to Yehuda ka palilino Yerusale ka omiu ueku mokole Yosapa, kanandio pau-Do i Ue ndi omiu: Siimo imedoito ka ntededengke a nsorodadu anu asa bawaa langkai andio, hangano komba ta omiu anu metea tendeano Ondae Ue Ala.

2 Tawarika 20:17

A laro mpeteaa andio, siimo impetea. Oo Yehuda ka Yerusale, impo'iamo mpentade a mpo'iangamiu, ka kitaomo kana'umpe Ondae i Ue moweeakomiu ponangia. Siimo imedoito ka ntededengke. Tisomo imelakomo umaropi ira, Ondae i Ue Ira kumongkomi komiu.”

Po'unde-unde 74:18

Irambeomo kana'umpe domentatao iwali nee-Miu, oo Ue, ka tongku anu monge-monge atuu mpepaukiakono.

Po'unde-unde 74:23

Si kolupeo suarano iwali-Miu, rurundudo anu me'ewa, anu kogagi-gagino memuu.

Peluarakoa 14:13

Sine ipotaeako ira i Musa to Isaraeli atuu, ”Si medoito, ikongko memoroso, komiumo mengkitao pongkadudui-Do i Ue anu Ira weeakomiu oleo andio; nde to Masiri anu kinitamiu oleo andio, nami komiu hori kumita ira mbo'u.

Yesaya 10:24

Onaemo pu'uno, kanandiomo pau-Do i Ue, Ueno luwuakoano, ”Hei bawaa-Ku anu mpo'ia i Sioni, siimo doitoakono i Asuri anu tumunduhiakomu tarasuluno puu mpopakambi ka anu uma'eakomu tukono kana anu wineweuno i Masiri i ndi'ipua.

Yesaya 51:7

Ronge Akumo, hei omiu anu mento'orio hapa anu mentee, hei tongku anu menaao pompaguru-Ku a laro aroamiu! Siimo doito a pontatano mia ka siimo makura aroa hangano pepaukido.

Yeremia 42:9

Motaeomo ndi ondae, ”Kanandiomo pau-Do i Ue, Ue Alado to Isaraeli anu ndi Ondae imentena aku mohaweo po'emamiu i aro-Do:

Ponsabangi 3:57

Omiu umpeda tempono kupoboi-Komiu, Omiu mepau, Sii doito!”

Imama 26:8

Olima mia inso i olomiu ta molulu asa etu, ka asa etu mia inso i olomiu ta molulu hopulu nsowu ka luwuno iwalimiu ira memateako ponai i aromiu.

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Yosua 11:6

Mepau Iramo i Ue ndi Yosua, ”Sii doito umaropi ira, nde tisomo bara'ura kana langku kanandio, Aku meweengako ira memate luwu a nto Isaraeli. Ngarado asalakono impepate ira, karetado asalakono imentunuo.”

MENGKAAA 13:6

Ka i'amba umungkahio ngangano ka ipepaukiako Ira Ue Ala, mepaukiakono nee-Do ka kema po'ianga-Do ka luwudo anu mpo'ia i suruga.