2 Mokole 19:4 - Wunta Mempori

⁴ Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

2 Mokole 19:4 Iomraidhean Croise

Tegagia 22:14

I Burahima numeeakono po'ianga atuu, ”Ondae i Ue mompatinda,” kana dompotae mia hawe kanandio-andio, ”A wawo ntorukuno-Do i Ue, ta pinatinda.”

2 Samueli 16:12

Bara'ura Ondae i Ue Ira kumitao marasaiku andio ka Ondae i Ue mombaloako moikoa ndi ongkue euno pontotonaano mia atuu a oleo andio.”

2 Mokole 18:13

Ia ta'u kohopulu ka opaa poparentaano mokole Hisikia, i Sanaheri mokoledo to Asuri lumako sumapoio luwuno kota mebente i wita Yehuda, ka i'amba mongko'alao.

2 Mokole 19:16

Ipo'aroomo biri-Miu, oo Ue ka Irongeomo. Iwileomo mata-Miu, oo Ue ka Ikitaomo. Irongeomo luwuno pinauno i Sanaheri anu i'oliwiomo me'uru-uru Komiu Ue Ala anu tuwu.

2 Mokole 19:22

Isemake anu pine'uru-urumu ka pinepaukiakomu? Te'aro ndi sema ke upepau meroku, ka mengkita mompelangka-langlai? Te'aro ndi Ondae anu tedoa Mempori Ue Alado to Isaraeli!

2 Mokole 19:23

Molalo luwuno tinenamu upe'uru-uru Iramo i Ue. Upotae, ’Hangano hadiono karetaku mewuatako aku a luwuno po'ianga mantande i mentorukuno, a mpo'ianga anu lalu olai i torukuno Libano; kutuehi ira keu arasino anu ondau ka langkai, luwuno keu sinobarino anu tebiniki; hawe akumo i punsuno anu lalu mantande, a ntobu anu mokapa.

2 Mokole 19:3

Mpotae ira ndi onae, ”Kanandiomo ipotae i Hisikia: Oleo andio oleo masukaraa, oleo pohukua ka pompepaukiako; hangano haweakoomo tempono ta me'ana, sine nahina roso ta me'ana.

2 Mokole 19:30

Luwuno mia anu tepotola i olodo suku Yehuda, anu da tebinta, ira mpehaka mbo'u i totono ka mpewua i wawono.

2 Mokole 19:31

Hangano inso i Yerusale ira mpeluarako luwuno mia anu tebinta ka inso i torukuno Sioni luwuno mia anu tepotola; mahakino-Do Ueno luwuakoano Ira weweuo anu andio.

2 Mokole 19:5

Mansado mehawe pegawaino mokole Hisikia ndi Yesaya,

2 Tawarika 32:20

Mokole Hisikia ka nabi Yesaya anano i Amosi mekakai mongkona anu gagi atuu ka mebooli i suruga.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 50:21

Onaemo anu wineweumu, sine Ongkue mo'ia-ia; potaemu nine Ongkue andio mengkena kana omue. Kanandio-andio Aku mesakosii umewaiko ka wawao kara-kara andio i aromu.

Po'unde-unde 74:18

Irambeomo kana'umpe domentatao iwali nee-Miu, oo Ue, ka tongku anu monge-monge atuu mpepaukiakono.

Yesaya 1:9

Ande-andeno Ondae Ueno luwuakoano nahi Dopobinta ndi ontae mia mentekadudui, ontae ilawu kana Sodomo, ka gagi mengkena kana Gumora.

Yesaya 10:6

A tongku anu humapu Aku Kutenao, a bawaa pontiiano tekuda-Ku Kuparentao ka iporontu ka mompomuru, ka ilolanda ira kana rege a nsala.

Yeremia 23:36

Sine, siimo impopopau-pauo mbo'u ”pinauno pinesombai anu pinopotembi-Do i Ue”, hangano anu gagi tembiano sompo mia onaemo pauno onaeno. Omiumo anu mewowaliteo luwuno pau-Do Ue Ala anu tuwu, Ueno luwuakoano, Ue Alato.

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

Yeremia 42:9

Motaeomo ndi ondae, ”Kanandiomo pau-Do i Ue, Ue Alado to Isaraeli anu ndi Ondae imentena aku mohaweo po'emamiu i aro-Do:

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

ROMA 11:5

Kanatuu koa mbo'u i tempo andio hinao mo'ia toreano, montonda pobinikino pompehohawa-Do.

ROMA 9:27

Ka i Yesaya mebooli mongkona Isaraeli, ”Maupo porokono anano i Isaraeli kana one a ntahi, sine butu toreano ta kinadudui.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

Yosua 14:12

Gaagi iwee akumo mentorukuno, anu dinandi-Do i Ue ia tempo atuu, nde omiumo isa'a anu rumongeo, motae i ra'ai hinao to Ena saru kota langkai ka mebente. Bara'ura Dokongkomi aku i Ue, ka kupokosaari ira, kana anu pinau-Do i Ue.”

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:10

Motae mbo'u to Pelisiti atuu, ”Oleo andio baresido to Isaraeli nahi kurekeo. Impobinikimo te'asa mia kai aiwa tumaroi aku.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:45

Motae i Daudi a nto Pelisiti atuu, ”Omue tumotowoakune ponai, kansai, ka pando sine ongkue tumotowoko a nee-Do Ueno luwuakoano, Ue Ala puu mpeteado to Isaraeli anu pine'uru-urumu.