2 Mokole 19:23 - Wunta Mempori

²³ Molalo luwuno tinenamu upe'uru-uru Iramo i Ue. Upotae, ’Hangano hadiono karetaku mewuatako aku a luwuno po'ianga mantande i mentorukuno, a mpo'ianga anu lalu olai i torukuno Libano; kutuehi ira keu arasino anu ondau ka langkai, luwuno keu sinobarino anu tebiniki; hawe akumo i punsuno anu lalu mantande, a ntobu anu mokapa.

2 Mokole 19:23 Iomraidhean Croise

2 Mokole 18:17

Umarino atuu mokoledo to Asuri tumena ira tadulako sorodadu, i rabi-sarisi ka i rabi-sakehi inso i Lakisi lumako ndi mokole Hisikia i Yerusale, sorodadu anu hadio tumonda ira. Melako ira ka mehawe i Yerusale. Mansado melako ka mehawe i tu'ai, mpo'ala ira po'ianga umpeda pangkorono limbo i wawono a nsala langkai a Pada Penatu.

2 Mokole 18:23

Kanandio-andio, peta'oako iramo ueku, mokoledo to Asuri: Aku koa moweeakomu rua nsowu ngara poolo inso ndi omue upolio meweengako ira mia anu mokompesawikio.

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

2 Tawarika 26:10

Iwangu ira mbo'u menara i pada one ka mongkeke hadio sumuru, hangano hadio pinotuwuno, moiko a Lembono maupo a wita Mantandeano. Onae hinao puu mpelereno ka puu mpodagaino lere anggoro, a luwuno torukuno ka wita anu mewalo, hangano i'ineheno mepinopaho.

2 Tawarika 32:17

Iburio mbo'u wunta anu montutundali ka tumetewehi Ira i Ue, Ue Alado to Isaraeli, unino, ”Kana'umpe luwuno pinesombaido tongku i wita susua nahi pokompotolao tongkuno inso a ngkaeku, kanandio koa mbo'u Ue Alano i Hisikia nahi Ira mokompotolao tongku-Do inso a ngkaeku.”

Po'unde-unde 20:7

Kanandio-andio kuto'orio, nine Ondae i Ue moweeakono ponangia a mia anu inurapi-Do. Inso i suruga-Do anu mempori Dosangkiakono ponangia tedoa langkai hangano kae ngkoana-Do.

Po'unde-unde 20:8

Mia andio mompelangka-langkaiako kareta ka mia atuu mompelangka-langkaiako ngara, sine ontae mompelangka-langkai a nee-Do i Ue, Ue Alato.

Yesaya 10:13

Hangano motaeomo, ”Saru rosono kaeku kuweweuomo ka saru pandeku mosongka, hangano ongkue molino pinewowoloku; ku'oniniomo luwuno tida olono tongku, ka momuruo arataa pepatindado, saru roso kupotii iramo mia anu mpentoro a ngkadera poparentaa.

Yesaya 10:14

Kana mompete'umala senono manu-manu, kupongko'alaakonomo kaeku pompolino luwuno tongku, ka kana mopumpu su'uluino anu binintano ineno, kurakuomo asa wawontolino, ka nahina maupo te'asa anu mowile panino, mongangao tungkuno ke mompio-pio.”

Yesaya 10:18

Tekosino tobuno i Asuri ka lere wua ngkeuno Ira mokopingkoo, inso a ngkeuno hawe a sampano, ranta ka igagi kana mia anu mahaki anu tedoa marasai.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.