2 Mokole 19:22 - Wunta Mempori

²² Isemake anu pine'uru-urumu ka pinepaukiakomu? Te'aro ndi sema ke upepau meroku, ka mengkita mompelangka-langlai? Te'aro ndi Ondae anu tedoa Mempori Ue Alado to Isaraeli!

2 Mokole 19:22 Iomraidhean Croise

2 Mokole 19:4

Bara'ura Dorongeomo i Ue, Ue Alamiu pinauno i rabi-sakehi atuu anu tinenano mokoledo to Asuri, ueno kai tetewehi Ira Ue Ala anu tuwu, ranta Ondae i Ue, Ue Alamiu Ira moweeakono pohuku hangano luwuno pinauno anu Dorongeomo. Moikoomo ipekakaiako ira toreano anu da tebinta andio!”

2 Mokole 19:6

motaeomo i Yesaya ndi ondae, ”Pauako iramo uemiu kanandio: Kanandiomo pau-Do i Ue: Siimo doitoakono pau anu rinongemu anu domempauomo atano mokoledo to Asuri mepaukia-Kune.

Po'unde-unde 71:22

Ongkue mbo'u ineheku menaniako-Miu po'unde-unde saru gambusu hangano pompehohawa-Miu nahi otu-otu, oo Ue Alaku, menania-Komiu penani po'unde-unde saru katapi, oo, Omiu Anu Tedoa Mempori, Ue Alado to Isaraeli.

Po'unde-unde 73:9

Ondae mpenganga umewaio langi, ka elodo melaba mpau i tolino.

Po'unde-unde 78:41

Mararu dome'ara-arahako Ira Ue Ala, mokomahakio aroa-Do Anu Tedoa Mempori, Ue Alado to Isaraeli.

Peluarakoa 5:2

Sine ipotae i Pirao, ”isemake i Ue atuu anu asalakono aku merorongeakono pau-Do ka kupo'inee ira to Isaraeli melako? Nahi kuto'ori Ira i Ue atuu ka nahi aku umeheako ira to Isaraeli melako.”

Peluarakoa 9:17

Hangano da kongkomu umonto ira bawaa-Ku, ba ira melako.

Powadi 30:13

Hinao inule anu mompau pohaweno mompelangka-langkai, anu tetande kuli matano.

Yesaya 10:13

Hangano motaeomo, ”Saru rosono kaeku kuweweuomo ka saru pandeku mosongka, hangano ongkue molino pinewowoloku; ku'oniniomo luwuno tida olono tongku, ka momuruo arataa pepatindado, saru roso kupotii iramo mia anu mpentoro a ngkadera poparentaa.

Yesaya 10:15

Ta gagike uase mompelangka-langkai a mia montuehi, ke garagadi mompelangka-langkai a mia mogaragadi? Kana-kana tarasulu lumeluo mia anu uminio, ka kana-kana tuko tumandeo anu wawao anu komba keu.

Yesaya 30:15

Hangano kanandiomo pau-Do Ue Ala, Ondae Anu Tedoa Mempori, Ue Alado to Isaraeli, ”Saru mpepokule ndi Ongkue ka mpo'ia mpenoro-noro komiu mengkinadudui, i larono impo'ia mpomperodo ka mpompe'ala-ala rosomiu mo'ia.” Sine nahi mebehe,

Yesaya 5:24

Onaemo pu'uno, kana elo api mongkaa seami, ka kana ewo mokari pingko tampula a laro langano api, kanatuumo luwuno hakado ta moboo, ka sisino mpenee kana awu, hangano nahi domentarimao pompaguru-Do Ueno luwuakoano ka mentatao pau-Do Anu Tedoa mempori, Ue Alado to Isaraeli.

Yeremia 51:5

sekono Isaraeli ka Yehuda nahi Dobintao Ue Alano, Ue Alano luwuakoano gagi tuwu beine, hangano witado to Kasidimi atuu bukeako sala ndi Ondae Anu Tedoa Mempori, Ue Alado to Isaraeli.

Danieli 8:11

Maupo a ntadulakodo sorodadu atuu mbo'u onae mompelangka-langkai, ka inso ndi Ondae i'alao pesomba pinesombaako sompo oleo, ka mobangkuo po'ianga mempori-Do.

2 KORINTI 10:5

Kimengkale-kaleo sompo pe'akalano mia ka mobangkuo sompo bente anu winanguno pompelangka-langkaino mia anu umewaio ponto'ori mongkona Ondae Ue Ala. Kimempabawaio luwuno pinewowolo ka mokompetuunduo ndi Ondae i Kerisituu,

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.