2 Mokole 18:5 - Wunta Mempori

⁵ Onae mompe'ala-ala ndi Ondae i Ue, Ue Alado to Isaraeli, ka i olodo luwuno mokole i Yehuda, moiko anu umarino onae maupo anu se'eluno, nami hina mbo'u anu mengkena kana onae.

2 Mokole 18:5 Iomraidhean Croise

2 Mokole 18:19

Motae i rabi-sakehi atuu ndi ondae, ”Pohaweakonomo i Hisikia: Kanandiomo paudo mokole pinelangkai, mokoledo to Asuri: Pompe'ala-ala hapa anu ininimu andio?

2 Mokole 19:10

”Kanandiomo asalakono imempauakono i Hisikia, mokole i Yehuda: Siimo tepopandei ndi Ondae Ue Alamu anu pinerorohimu atuu, saru pedandi: Yerusale nahi ta pineweengako a ngkaeno mokoledo to Asuri.

2 Mokole 23:25

Se'eluno onae nahina mokole kana onae anu mepokule ndi Ondae i Ue a tompaano aroano ka tompaano tinuwuno ka saru tompaano rosono, menunu saru luwuno Taurano i Musa. Umarino onae nahina mbo'u me'umbaako mokole kana onae.

2 Tawarika 14:11

I Asa mebooli ndi Ondae i Ue, Ue Alano, ”Oo Ue, sangkadio Omiu nahina anu mokontulungio anu molema mo'aropi anu moroso. Itulungi kamimo oo Ue, Ue Alamami, hangano ndi Omiumo kimpomperorohi ka a laro nee-Miu kami melako umewaio bawaano sorodadu anu langkai andio. Oo Ue, Omiumo Ue Alamami, si po'ineeo maupo te'asa mia hinao rosono ta umewai Komiu!”

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

2 Tawarika 20:35

Ka i'amba i Yosapa, mokole i Yehuda, tepo'asa saru i Ahasia, mokole i Isaraeli, anu moweweu mosa'o.

Ayubi 13:15

Kitaomo, Ira mepate aku, nahina pomperorohiaku, sine aku kumorahakono peleluku i aro-Do.

Po'unde-unde 13:5

ka si potae iwaliku, ”Kunangiomo,” ka anu me'ewai aku mpeboo-booli, tewala ongkue telelu.

Po'unde-unde 84:12

Hangano Ondae Ue Ala onaemo mata'oleo ka kanta; pe'aroa ka marambaa Dopeweengakono; nahi Do'ontoo moikoa a mia anu tuwu nahina tataano.

Yesaya 36:7

Ke bara'ura komotae ndi ongkue: Omami mpomperorohi ndi Ondae i Ue, Ue Alamami. Kombake Ondae atuu anu luwuno po'iangano pesombaa ndi Ondae ka luwuno meda pontunua pesomba ndi Ondae ipoko'olaiomo i Hisikia? Kombake onae motaeakono Yehuda ka Yerusale: Butu i arono meda pontunua pesomba andio omiu asalakono mpenggolontu mpesomba!

Yesaya 38:3

Ipotae, ”Oo, Ue, po'ineeomo ka Irambeo nine tuwu akumo metenunu i aro-Miu ka inso a moputeno aroaku; moweweu akumo hapa anu moiko a pongkita-Miu.” Ka i'amba i Hisikia mengese tedoa mompemasusa.

I MATIU 27:43

Onae momperorohi ndi Ondae Ue Ala: po'ineeomo Ondae Ue Ala kumadudui Ira, tewala Dopemoikoo! Hangano motaeomo: Ongkue Ana-Do Ue Ala.”

EPESU 1:12

ka omami, anu se'eluno mpomperorohi kamimo ndi Ondae i Kerisituu, moiko gagi unde-undeno maramba-Do.