2 Mokole 18:4 - Wunta Mempori

⁴ Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

2 Mokole 18:4 Iomraidhean Croise

1 Mokole 22:43

Onae tumondao sala tinuwuno i Asa, amano, ka nahi pansia inso i tu'ai; onae moweweu hapa anu mentee i aro-Do i Ue.

2 Mokole 10:26

Domeluarakono luwuno tuguno raha Ba'ala ka do'amba mentunuo.

2 Mokole 11:18

Ka i'amba luwuno palili mpewinso a raha Ba'ala ka mpobangkuo. Domerawo-merawo ira meda pontunua pesomba ka luwuno tinaha pesombaado ka mpepateo i Matani, sando Mpesomba Ba'ala atuu i arono luwuno meda pontunua pesomba atuu. Ka i'amba sando mpesomba Yoyada numaa ira puu mpodagai a raha-Do i Ue.

2 Mokole 12:3

Butu koa luwuno pongku wita pesombaa nahi pokotampulao; mia da mpopesombaako ka mpotunu dupa a luwuno pongku wita atuu.

2 Mokole 14:4

Butu koa luwuno pongku wita pesombaa nahi pokotampulao. Mia da mpopesombaako pesomba ka mpotunu dupa a luwuno pongku wita atuu.

2 Mokole 15:35

Butu koa luwuno pongku wita pesombaa nahi pokotampulao. Tongku atuu da mpopesombaako pesomba ka mpontunu dupa a luwuno pongku wita atuu. Iwanguo Pewowa Langkai Mantande a raha-Do i Ue.

2 Mokole 15:4

Butu koa luwuno pongku wita pesombaa nahi pokotampulao. Mia da mpopesombaako pesomba ka mpotunu dupa a luwuno pongku wita atuu.

2 Mokole 16:15

Ka i'amba mokole Ahasi parentao sando mpesomba Uria, ”Pesombaakonomo a wawo meda pontunua pesomba langkai atuu pesomba tinunu mo'oru ka pesomba tinunu ngkiniwia, pesomba tinunu ka pesomba kaangado mokole, pesomba tinunu ka pesomba kaanga saru luwuno pesomba tinawado luwuno palili. Siwuiakonomo a meda pontunua pesomba atuu luwuno reano pesomba tinunu ka luwuno reano pesomba sinumbele. Sine, meda mala pontunua pesomba atuu aku pakeo mo'ema pontiso.”

2 Mokole 18:22

Ke bara'ura komotae ndi ongkue: Mpoperorohi kami ndi Ondae i Ue, Ue Alamami. Kombake Ondae atuu anu luwuno pongku wita pesombaa ndi Ondae ka luwuno meda mpontunua pesomba ndi Ondae ipoko'olaiomo i Hisikia? Kombake ipotaeako ira to Yehuda ka Yerusale: I arono meda pontunua pesomba anu i Yerusalemo andio asalakono impenggolontu mpesomba!

2 Mokole 21:3

Onae wali wangu ira pongku wita pesombaa anu umariomo iropu ira i Hisikia, amano. Iwangu ira meda pontunua pesomba ndi Ba'ala, moweweu tinaha Asera kana anu wineweuno i Ahabi, mokoledo to Isaraeli ka menggolontu mesomba a ihino langi ka mesomba ndi onae.

2 Mokole 23:14

Luwuno tugu pelahumoa ipuro-puroo ka luwuno karuno pelahumoa ituehio, ka i'amba po'ianga atuu buke ihowuiakono wukuno mia.

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

2 Tawarika 31:1

Mansano luwuno andio tampulaomo, luwuno to Isaraeli anu mehawe, melako a luwuno kota i Yehuda. Domempuro-puroo luwuno tugu lahumoa, domerongkao luwuno karuno pelahumoaa, ka pobangkuo luwuno po'ianga pesombaa ka meda pontunua pesomba i luwuno Yehuda ka Benami, saru i Eparai ka Manase, ranta tampula luwu. Ka i'amba luwuno to Isaraeli mpekule i luwuno kotano, singge mia a ntia pusakano.

2 Tawarika 33:3

Onae wali wanguo luwuno po'ianga pesombaa anu umari pinobangkuno i Hisikia, amano; Iwanguo luwuno meda pontunua pesomba tiado Baala, weweuo luwuno tinaha tadeno i Asera ka menggolontu mesomba a ihino langi ka mesomba ndi onae.

Po'unde-unde 78:58

aroa-Do dompokomahakiakono luwuno po'ianga pompelangkaia, weweu Ira mahaki aroaako luwuno tinahado.

Peluarakoa 23:24

Si mpenggolontu mpelangkaio pinesombai susua ke mpesomba ndi onae, ka si mentondao wineweudo luwuno tongku atuu, sine imempokotampulao lahumoado, ka imerawo-rawoo luwuno tugu pelahumoaado.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Yesaya 36:7

Ke bara'ura komotae ndi ongkue: Omami mpomperorohi ndi Ondae i Ue, Ue Alamami. Kombake Ondae atuu anu luwuno po'iangano pesombaa ndi Ondae ka luwuno meda pontunua pesomba ndi Ondae ipoko'olaiomo i Hisikia? Kombake onae motaeakono Yehuda ka Yerusale: Butu i arono meda pontunua pesomba andio omiu asalakono mpenggolontu mpesomba!

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

Winali 5:5

Kanandiomo i tempo atuu mentade aku i olono Ondae i Ue ka omiu ka mompauakomiu pau-Do i Ue, hangano imedoitoakono api ka omiu nahi mpewuatako a ntorukuno. Mepau Ira:

Winali 7:5

Sine kanandiomo asalakono imeweweuo ndi ondae: luwuno pontunuado pesomba impobangkuo, luwuno tugu lahumoado imerawoo, luwuno karuno lahumoado imekansa-kansao, ka luwuno tinaha pesombaado imentunuo kai pingko.

Puu Mpobitara 6:25

Wongi koa atuu Ondae i Ue mepauakono, ”Alaomo asa sapi lakino amamu, sapi laki ko'orua, anu opitu nta'u tinuwuno. Rongkao pesombaa Baala amamu, ka tuehio karuno pelahumoaa anu ihorino.

Puu Mpobitara 6:28

Da mo'oru ntu'u, mansado mia a kota mpewangu, domengkitao pontunua pesombaa Baala atuu rinongkaomo, karuno pelahumoaa anu i horino tinuehiomo, ka sapi laki ko'orua pinesombaakoomo i wawono pontunua pesomba anu winangu atuu.